من المخطىء الحقيقى فى احداث سفارة الصهاينه وما هى التداعيات

معظم المصريين شاهدوا امس ما حدث للسفارة ومديرية امن الجيزة واعتقد بل متاكده انه لا يوجد احد موافق على ما حدث بالرغم من العداء الشديد بيننا وبين الصهاينه ولكنى كتبت هذا الموضوع في باب المناقشات حتى تتم المناقشة بيننا جميعا اعضاء هذا الموقع على هذين السؤالين
الاول : من المخطىء الحقيقى وراء الاحداث ؟
الثانى : وما سوف يترتب على هذه الالحداث من وجهة نظرنا نحن ؟ او ما الذى نامله ان يحدث ؟

احبائى
اولا اشكر الاخت المتيزة جاسمن على هذا الموضوع
بصراحة انا من امبارح عارفة بتخانق مع نفسى وعايز اعمل الموضوع ده بس من كتر ما انا حاسس بأسوأ مشاعر القرف اشكرك انك ابتديتى الكلام وحد علق عشان اتكلم شوية يعنى اقصد الموضوع اتفتح

المشكلة الخطيرة جدا ان الاوضاع بقت مقللوبة يعنى الصح بقى غلط والغلط بقى صح
يعنى انا حقول كلام فى منتهى العقل وناس حاتشكرنى وتقول فعلا كلامك صح وناس حاتغلطنى جدا ومش حاخلص بس وطنيتى اهم من كل حاجة

اولا فيه سؤال مصيرى : ايه الفرق بين المتظاهر السلمى ( او الثائر المحترم ) وبينه وبين المخرب والمتسبب فى الحوادث ؟

يعنى االمتظاهر لو لاقدر الله اتقتل فى المظاهرة لأى سبب ببقى شهيد وانتم طبعا عارفين منزلة الشهيد

لكن المخرب والبلطجى لو انضرب عليه نار واتقتل بيبقى قتيل ويروح النار ويتعاقب اوى لأنه خاين لوطنه , وامبارح احنا شفنا االنوعين , يعنى شفنا الثوار المحترمين اللى فى التحرير قالوا اللى عايزينه وروحوا , وشفنا اللى كسروا الجدار العازل ومع ان مالوش قيمة اصلا بس حتى لو مستفز انتم كسرتوه المفروض تروحوا , كل اللى بعد كده غلط , اولا انزال العلم الاسرائيلى ( وهو من الناحية السيكلوجية طبعا ) كان الاسبوع الماضى صفعة لإسرائيل معناه بصوت عالى احنا مش عايزينكم ومش طايقينكم وتوابها او حانكسب ايه اولا ان اليهود اللى بيبرطعوا فى مصر ال 30 سنة اللى فاتوا حياخدوا ديلهم فى سنانهم ومش حايرجعوا تانى وده مكسب طبعا لأنهم مشتركين فى حاجات كتير فى مصر , اما الاهم واللى الاخوة بتوعامبارح ماعرفهوش , ان الموقف الى حصل الاسبوع اللى فات بعده مباشرة السفارة الاسرائيلية عمليا اتقفلت , يعنى من ساعة مانزلنا العلم مفيش حد دخل السفارة دى لنهم خافوا يدخلوها وحاتفضل مقفولة كذا سنة , يعنى كأنها مش موجودة , الحركة بتعة امبارح دى فى العالم تعتبر جناية دولية انك تقتحم سفارة يعنى تخيل لو حد اقتحم سفارة لينا اول اجراء شكوى فى الامم المتحدة يليه تكتل ضد المعتدى , يليه فرض عقوبات ممكن تكون مزعجة اوى , او ممكن يحصل تدخل عسكرى , بإختصار للى ما يعرفش السياسة الدولية دى حاجة عيب اوى وعقوبتها قاسية , مالهاش دعوة دول صهاينة ولا عفريت زرق ..... السفارة سفارة لما تكون حتى سفارة مطوبس او صفط اللبن , اللى عمل كده قاصد يوقع مصر فى الغلط , ويحرج المجلس العسكرى قدام العالم انه ضعيف مش قادر يحمى حتة سفارة يبقى جيش عجوز اصلا وهو مش كده طبعا , ومع ان المكان اللى اقتحموه ورق قديم من كذا سنة مالو اى تلاتين لازمة , لكن اسرائيل اللى شغلتها الاستعباط قدام العالم حاتستغل الفيلم ده استغلال اننا قطعناهم و ,,,, و ,, وحايقعدوا يعيطوا قدام العالم عشان يحميهم مننا , دموع التماسيح اللى بيستعملوها دايما عشان يضربوا بعدها ماحدش يغلطهم ...
تخيلوا يا احبائى لو السفارة دى كانت مفتوحة مش مغلقة يعنى فيها 30 اربعين واحد اسرائيلى واللى اقتحموا دول دخلوا ليهم كان حصل ايه ؟؟؟؟
تخيلوا اكيد كانوا حايقطعوهم وشوفى الانسان الاسرائيلى غالى فى بلده ازاى يعنى فاكرين اتنين عساكر اتخطفوا كسروا لبنان من سنتين
تخيلوا لو اتقتل عشر موظفين كان يحصل ايه اقل حاجة حرب وهل احنا فى ظروفنا الراهنة نستحمل حرب ؟ يعنى بنلعب فى الوقت الضايع حتى احتياطى البنك ابتدى يخلص والحكومة مش بتينحاجة يعنى ممكن بعد اسبوع مانلاقيش ناكل , يعنى نختشى على دمنا ومانوقعش بلدنا فى المصايب
ثم الموقف قدام وزارة الداخلية ومحاولة اقتحامها وتحطيم شعار الشرطة ودى حاجة مستفزة جدا للشرطة ثم محاولة اقتحام مديرية امن الجيزة اسألأ ليه يعنى ؟؟؟؟؟ هل هم عايزين الشرطة تمشى ؟
يعنى انا لوعملت استفتاء لكل ال 85 مصرى هل عايزين تلغوا الشرطة ؟ كام واحدحيقول نعم ؟ ومعناها ايه ؟ يعنى قانون الغاب يعنى ممكن واحد يقتل اى واحد عشان ياخد منه علبة سجاير نصها فاضى
هل االجيش غلطان ؟؟؟؟ غلطان انه ماسك نفسه ومش عايز يضرب ؟
هل الشرطة غلطانة لأنها مش عايزة تضرب ؟ انا قلت فيه فرق بين المتظاهر وبين المخرب
يعنى اى محاولة اقتحاملمديرية امن القانون بيقول اضرب فى المليان يعنى يخلص عليهم هل هو غلطان عشان ماعملش كده ؟
وللعلم الامن مش حايفضل ساكت كتير كده , يعنى الامن والجيش ده مش طنط ولا تيزة ,,,,, ولكن ده له هيبته اللى هى من هيبة الوطن
والشرطة اما يستقيلوا ويسيبوا مكانهم يولع والبلد تولع واما لازم حايضربوا المخالفين , ولو ضربوا حايخلصوا كل التهزيىء اللى اتعمل عليهم
طيب ليه ؟؟؟؟؟؟؟ كش دول ولادنا واخواتنا ؟ يعنى انا بكتب وسامع فى التليفزون الحكومة بتقول حانعمل اجراءات شديدة يعنى ممكن تضرب المخالفين ساعتها حاتزعلوا ؟؟؟؟
مع اطيب تحياتى

طبعا اشكركم جدا على التواصل واعتذر لكم اشد اعتذار لانى لم اتواصل مع حضراتكم من بداية كتابتى للموضوع بس صدقونى انا لسه داخله البيت من ساعه فقط يعنى اليوم كله بره
ندخل بقى فى الموضوع
اسمحولى اقول رايي
بصراحه اعلم بان هناك اياد كثيرة تعمل لاجهاض الثورة ولا استبعد على الاطلاق تتدخلها فى احداث امس واولهم من كان لهم مصالح بالنظام القديم اي الاعداء الداخلية
لكن كمان بصراحة مش مؤمنة انه اي مصيبة تبقى مؤامرة لاننا عاملين زى الناس الى صابين على نفسهم بنزين وهما عارفين ان عليهم بنزين ومش عايزين يشيلوه او ينظفوا انفسهم منه وبيقولوا ربنا هيسترها باذن الله ولما عدو يجى يدور على حاجة يهدمنا بيها ويلاقى البنزين المفروض عليه انه ميولعش عود الكبريت
ولما يولع الكبريت نقول ان الى ولعه فلان العدو الفله وهو من الفلول احنا ملناش ذنب وننسى اننا احنا الى سبنا البنزين

انا اسفه على هذا المثل الطويل الممل لكن بجد انا حاسه ان هى دى حالتنا
قرارات خاطئة لا تتناسب مع حدوث ثورة فى البلد
ونترك المشكله لما تكبر اكتر بسبب رد فعلنا غير المناسب
بصراحه انا لو كنت ولد اكيد كنت هروح اهدم السور الى اتعمل بس كمان اكيد كنت ههدمه فقط ومش هقتحم السفارة لمعرفتى العواقب لكن كمان اكيد كان هناك شباب كتير انقياء راحوا لهدم السور فقط ثم حدث الاقتحام
ولكن دعونا نتصور لو لم يبنى السور ولو كانت اتخذت خطوات تتناسب مع كرامه الانسان المصرى بعد الثورة
هل كان سيذهب احد الى السفارة ؟ لا اعتقد
كان نفسي ان الثوار لعلمهم مسبقا باحتمال اقتحام مديرية الامن انهم هما الى يعملوا كردون ثورى ( شبيه بالكردون الامنى ) لحمايه المديرية وتذكير المتظاهرين بخطورة هذا الموقف

وفى الحقيقة اشارك راى كل الاعضاء الكرام الذين قالوا اننا نحن المخطؤن كلنا بدون تخصيص وحتى من قاموا بالثورة العظيمة انفسهم

اما التداعيات المتصورة
فانا طبيعتى متفائلة
واؤمن حقا بالمثل الى يقول الضربة الى متموتش تقوى
وان هذه اللخبطة كلها طبيعية حتى تستقر البلد وتصبح من اوائل الدول المتقمة باذن الله فى كل شىء
اسفة جدا على الاطاله وهقوم دلوقتى لحسن الصداع خلاص هيموتنى