خالد سعيد طلع حشاش وحرامي وفلاتي ومتهرب من حكمين بالحبس ومتهرب من الخدمة العسكرية الكلام دا مش كلامي الكلام دا طبقا لبيان رسمي من الداخلية المصرية كمان التليفيزون المصري عفوا الحكومي بيقول إن والدته بتقول إنه كان معتاد على تعاطي المخدرات يعني طول عمرهعمره من السجن للبيت ومن البيت للسجن وانه مات جراء تناوله لفافة البانجوا اختناقا . احنا مش هنصدق الشهود ولا العيال اللي مش فاهمة حاجة وقالت اللي شافته لحظة وقوع الحادث رغم ان روايتهم كلها متطابقة وبيحكوا حكاية واحدة بدون زيادة أو نقصان اول مرة اعرف ان البانجوا لما يتبلع بيشوه الوجه تماما ويكسر السنان بالطريقة دي كمان إلا لو إن معالي المخبرين كانوا بيحاولوا يطلعوا البانجوا من فمه محاولين إنقاذه جزاهم الله خيرا
احنا لازم نصدق الداخلية عمرها مكدبت علينا لا بيحصل تعذيب ولا واحدة إسمها حبيبة اتسجنت عشر سنين في مقتل زوجها وطلعت بريئة ولما سألوها ليه بتعترفي قالت التعذيب ولا عماد الكبير اللي تعرض لإعتداء جنسي واتصور بالموبايل ولا أمناء الشرطة اللي بيضربوا الناس في الشارع عيني عينك ولا انتهاكات جنسية وجسدية في الاقسام نسمعها من أن إلي أخر ولا بتوع البلدية اللي بياخدوا رشاوي من الباعة الجائلين اللي بيجروا على لقمة عيشهم ولو مدفعوش ياخدوا كل رزقهم ولا البيزنس اللي مع سواقين الميكروباصات بالعافية واللي ميرضاش نشوف أي تلكيكة ولا بتاع جريمة بني مزار الإولى ولا التانية ولا تلفيق القضايا لازم تكون الثقة موجودة في الداخلية مفيش حاجة من دي بتحصل يبئى نصدق الداخلية ولا شوية ناس بسيطة بتحكي كلام واحد وصورة واحد شوفناها بأعيننا بلع بانجوا وشه اتشلفت تماما
إحنا لازم نحترم الداخلية ورجالتها دول اللي بيحموا البلد مننا لازم لما نشوف مخبر أو ضابط او أمين شرطة غير أمين لازم نجري ونلف من الشارع اللي ورا
ولو قفش حد فينا مينفعش نقوله انت بتتكلم كدا ليه أو ليه أو انت مين لازم عشان نعيش ونفضل محترمين نقوله تحت أمرك يا باشا إنت تؤمرني ياباشا أنا خدام سيادتك يا باشا فتشني فتش يا باشا ومينفعش نرفع عنيننا فيهم
اللي مش هيعمل كدا لا يلومن إلا نفسه
كتبه / عمرو علي
النوع
موضوع: دي حقيقة خالد سعيد 
الأحد يونيو 13, 2010 1:16 am
