وائل عباس >< محمد عباس !!

تحياتي : سأتكلم اليوم في موضوع مختلف فيه معلومات ورأي بطريقة جديدة :

الأول : وائل عباس :

مدون شهير يكتب تاريخه بنفسه ، يعظم في تاريخه لأن نفسه ليست عظيمة ، كلمات الخيانة جاهزة على لسانه لمن يخالفه الرأي أو يفكر أن يخالفه ، استضافته منى الشاذلي بكل رحابة وقدمته للجماهير العريضة مرتين مرة في حلقة خاصة عن المدونين ومرة في حلقة خاصة عن الثورة ، لم يراع نقدا بناء في أحكامه لا لمنى الشاذلي ولا أي أحد ، متعصب لدرجة العنصرية لوطنه لا أقول يحب وطنه ، يبحث عن الشهرة في كل عمل ينسبه لنفسه فكانت شهرته في الفيديو الذي عرضه لعماد الكبير مع أن البعض ينفي عنه سبق نشر الفيديو على مدونته ، على أية حال ، وائل عباس المتناقض الذي شبهته في تعليق لي بأنه ( وائل كوكتيل ) لأنه لا يوجد له مذهب سياسي محدد فهو يكره عبدالناصر ومبارك ولكنه نسى أن يكره السادات فأحبه حبا جما اقرأ هذا المقطع من تعليقاته لترى مدى تناقضه :


ما سمعناش عن حاجة زي كده أيام عبد الناصر لأن النتيجة كانت معروفة ومش محتاج أوضحلكم
الراجل يعني أعدم خميس والبقري ودخل مصنع الشوربجي في إمبابة بالدبابات
يعني مافيش هزار في الحاجات دي
جه السادات
فكها شوية وساب الناس على راحتها
جرايد وأحزاب وسيما
أحلى أفلام الكرنك وإحنا بتوع الأوتوبيس وثرثرة فوق النيل
شوية حرية ما دامتش
ولأنه غير عبد الناصر فهو كان بيقعد مع الناس بجد بدون تنقية يعني لما يقعد مع طلبة بيقعد مع طلبة بجد مش بينقوله شوية....... ( حذف كلام غير لائق )
فقام عبد المنعم أبو الفتوح الطالب الإخواني وإداهومله على الهواء مباشرة
طبعا السادات زعق فيه شوية وخلصت على كده
لا الواد اتشنير ولا إتفرم زي ما الناس توقعت ولا مستقبله ضاع
وبقى دكتور قد الدنيا
الله يرحمك يا سادات
أما مبارك بقى زي ما عودنا لما قال ما تفتكرونيش زي اللي قبلي
لما بيقعد مع شباب الجامعات بيختاروله زينة شباب ..... ( حذف كلام غير لائق )
والتلفزيون كده بيبقى بيلعلط من العيال اللي مصروف لها تيشرتات وترينجات
وكله بيمشي حسب الخطة المرسومة وإلا
لكن نظيف الغلبان يا عيني بتكون الإجراءات الأمنية أقل طبعا من الريس
ففلت منهم الواد بلال أبو لسان زالف
وبرضك إداهومله زي ما ها تشوفوا في الفيديو
لكن يا ترى بلال ها يكون مصيره إيه ومستقبله إزاي
هل ها يبقى الدكتور عبد المنعم ابو الفتوح تاني
ولا ها يشتغل بياع سريح
عموما زي ما قالت نوارة نجم
مالناش دعوة
الواد ده لازم ينجح حتى لو ما ذاكرش
وأي محاولة للمساس بيه إنتم أحرار
ــــــــ انتهى كلام وائل عباس

بخلاف كلامه الخارج وهو كثير في تعليقاته ، نرى هذا التناقض الواضح وهذا بشهادة المدون مالك صديقه الذي جادلته على مدونته وقال لي أن وائل عباس متخلف ومش فاهم ازاي مبيحبش عبدالناصر ولا مبارك وبيحب السادات ....

لن أتكلم في السياسة لكن ألا يتذكر وائل عباس أن السادات هو الذي وضع كافة المثقفين وقيادات الحركات السياسية في السجن قبل اغتياله بقليل ، الا يتذكر هذا ؟

المهم يصر وائل عباس هذه الأيام على تهمة وهو يعتبرها تهمة ، هي تهمة الناصرية ، يلصق بها كل من يختلف معه لم يسلم منها مؤخرا أحمد المسلماني ، ومن فترة وهو يصر ان منى الشاذلي ناصرية وكأنها سبة و تهمة ، فلو رجعنا لأرشيف أدمغتنا نجد ان منى الشاذلي استضافت كل هؤلاء وأكثر :

( رفعت السعيد ـ رئيس حزب التجمع اليساري

أيمن نور ـ رئيس حزب الغد الليبرالي

يوسف القرضاوي من رموز الفكر الاسلامي

عمرو خالد : الدعاة الجدد

كمال الشاذلي :أحد اقطاب الحزب الوطني

وغيره وغيره ،،،،

لماذا يصر وائل عباس على نعت منى الشاذلي وحسابها على التيار الناصري ، يا وائل خليك عاقل شوية واعلم ان الصحفي موضوعيته في نقده أكبر من النقد نفسه ، لأننا اذا فرغنا كلامك لن نجد الا شتائم وسباب شوفوا كاتب ايه عن منى الشاذلي :

(منى الشاذلي والنبي لو عملتي قردة برضه ناصرجية وتربية وغسيل مخ ناصرجيين)

وهذه آخر مرة أكتب فيها عن وائل عباس بهذا التفصيل ..فقد قلت رأيي فيه .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الثاني : محمد عباس

أولا ليس أخا لوائل عباس ، لكن من يتابع الحركة الثقافية من فترة كان محمد عباس على قمة الأحداث ، هو أولا صحفي في جريدة الشعب الموقوفة بسببه ، منذ عدة سنوات نشرت وزارة الثقافة رواية تسمى ( وليمة لأعشاب البحر ) للكاتب السوري حيدر حيدر ، كان محمد عباس أول من أثار العاصفة على تلك الرواية وبغض النظر عن تقييم تلك الرواية ، فقد سطر محمد عباس مقاله بهذا العنوان ( من يبايعني على الموت ) مهاجما ومكفرا كاتب الرواية ووزارة الثقافة التي سمحت بنشرها ووزير الثقافة وجميع المسئولين، فكانت مقالته اشارة البدء للجماهير التي تظاهرت وأحدثت شغبا وفوضى ، تقرر بعدها اغلاق جريدة الشعب وحزب العمل ، وانزوى محمد عباس بعيدا عن الأضواء ونساه من نساه وتذكره من تذكره ، وبغض النظر عن اتفاقنا معه أو اختلافنا معه يهمنا ما قاله عن منى الشاذلي واليكم هذا النقل :

مني الشاذلي..

اكثر الشخصيات احتراما على الشاشة المصرية.. لكن لا تنسوا في النهاية أن التليفزيون المصري عموما أداة من أدوات التضليل والتزوير والكذب.. كما أن هذا التلفاز لا يتبع وزارة الإعلام بل وزارة الداخلية.

منى الشاذلي تمثل استثناء.. لكنه ليس كاملا ( سيظل حديث الإفك عن الاستعراض العسكري لطلبة الأزهر وصمة عار لن تمحى أبدا من تاريخها).

إنها من فئة السائرين على الشوك ( رفعها الله إلى فئة القابضين على الجمر و أعزها بالتقوى) .. ويزيد من قيمتها أن معظم أقرانها وقريناتها معينون على درجة " مخبر" أو "فاجر" مهما اختلف المسمى الوظيفي.

في أحيان كثيرة أتأمل تقلص ملامحها وحديث جوارحها فأقول لنفسي أن ثقافتها وصدقها مع نفسها سيدفعها إما للانسحاب أو لحسم أمرها والمواجهة .. و للتحجب لتطرد!!.

ـــــــــــــــــــــ انتهى كلام محمد عباس


تعليقي الأخير ، انه مهما اختلف الجميع مع منى الشاذلي ستظل رغم كل هذا تحاول النجاح وان لحقتها بعض الهفوات ..

يا مقال ما عبرك أحد مسيرك تلاقي قارئ

يا مقال ....استمتع قوراءك حتي انهم نسوا الكلمات للتعبير عن جمال المقال وصاحب المقال

بس يا اديب لو ما اعترفتش دلوقتي انت شخصيتك الحقيقية ايه..هبلغ عنك..مستحيل تكون شخصية عادية......

مع علينا المهم...

واائل عباس ده بيفكرني بشخصية معروفة اوي الناس عملته عالمي في مجال عمله ...ليه ؟؟؟

لانه فتحها علي الاخر كل افلامه معري السيدات والرجال ( وانا اسفة في استخدام اللفظ ده )

وقالوا جرئة...!!!

وكل الممثلات والممثلين متجنين علي مشهد معه رغم اني اراي...اننا لو فرغنا افلامه هلقيها كلاها مشاهد (قذرة )

اكيد عرفته...صح؟؟؟

وائل عباس بقي..راخر فتحها علي الاخر بس بطريقته ...الشتيمه .زاي ما قولت لو فرغت كلامه هتلاقيه كله شتايم...انا مش ضدد انه يحب السادات ويلعن في فلان....كل واحد حر

انا بمووت في السادات وشخصية بندم اني لم اعاصرها....

بس ده مش معنه اني انتقد الي ورا السادات والي قبله عمال علي بطال...اي نعم في حاجات كتير فاسدة في البلد بسبب الحكومة...

بس لو بصينا علي الناس الي بتنتقد الحكومة والحكومة بتخاف منها هلاقيها ناس لا تستخدم شتايم

مجدي مهنا..الله يرحمه

احمد المسلماني

مني الشاذلي

وائل الابراشي.....

وكتيييييير

مش معني اني بكره او بختلف مع حد اني امسك فيه شمال ولمين شتيمة....ومش معني ان متعلق بحد امسك في اي حد لا يحب من احب واقعد اطلعه ناصري وبتاع.....

وعلي فكرة انا دخلت علي مدونة وائل عباس ده كتير...ولحظة ان كلامه يا شتيمه يا اما شتيمه.!!!

بالنسبة لرائيه في مني الشاذلي...اعتقد ان هنا تناقض كبير...انا واثقة انه اول من يشاهدها..واول من يؤيدها ....ويمكن يكون من اوائل من يكتبون عنها

بس احيانا الشخص لما يكون عيشها معارضة...بيلبسه شبح المعارضة...فيتحول من معارض الي منافق..!!!

ودائما يتفق ويعارض في نفس الامر...حتي يقع في التناقض..اقصد النفاق..!!!

شكرا يا اديب علي المقال...

مقال جميل جميل جميل جدا يا اديب

وانا الصراحه جت علي فتره وكنت بتردد على مدونة الشخص ده ولما لقيته زي ما انت بتقول كده حسيت انه من بتوع الشهره وكده مبقتش احط كيبوردي في مدونته تانى خالص لانه ميستحقش انى اضيع وقتي معاه

تماما يا تيوليب

شكرا ليكم ولتعليقكم جدااا، وي أيات كلامك كبير عليا قوي أنا انسان عادي جدا افتخر اني صاحبكم فقط

ميرسي يا اديب علي المقال
وبعدين بصراحة
دي قلة ذوق منة انة يشتم مني كدة
اية دة مايعرفش يعبر راية بذوق وادب ولا يشتم وبس وبعدين مش فاهمة هي تهمة انها تبع جمال عبد الناصر
اما التاني انا شايفة انة موضوعي وساعة جامعة الازهر انا مش شايفة انة غلط انها ذاعت الشريط ماهو دة واجبها الاعلامي وانها تعرف المشاهدين كل االالي بييحصل حواليهم ولا كل ما تذيع حاجة نعمل زي الحكومة ونقول دي بتحرض الناس

واللة انا شايفة ان لا دة كلامة يستحق ان احنا نزعل منة ولا التانى كلامة يستحق ان احنا نفرح بية مع ان الاتنين على طرفى النقيض
وانا شخصيا لا احب المعادين للناصرية زى الاستاذ واءل السليط اللسان
ولا الى شبة الاخوان زى الاستاذ محمد
رغم ان الشكلين دول بقو موضة رغم تناقضهم
واحب اسجل اعجابى باجتهادك يا اديب

شكرا ليكي يا سارة وشكرا ليكي يا هند