انتبهوا يا أبناء مصر.

............ المهمه : ايقاع آخر منظومه في مصر و هي الجيش
............ الهدف : انهيار الدوله المصريه و انقلابها الي قبائل متحاربه
............ الحاله : قيد التنفيذ
........... النتائج حتي الان : اكثر من ممتازه
.................... انتهي ....................

تفريبا ده اللي كان على لساني
بالأمس واليوم وجدت شيء غريب يحاك في الخفاء
وكأنه كابوس
قلت اللهم اجعله خير
الموضوع يا اخواني مش مجرد مظاهرات
دي أصبحت صدامات مفتعله
وفيه طرف ثالث كما قالت الشاذلية الليله منذ قليل بخلاف الثوار والجيش
مين هما؟
وعاوزين ايه؟
وهتنتهي الأمور على ايه؟
أنا شخصيا أصبحت في حيره
وعندي حل بسيط وفعال
يجب على الثوار الحيطه والحذر وتكوين مجلس قيادة للثوره مكون من 20 رجل رشيد يمثلون جميع التيارات
ويقدموا مطالبهم للمجلس العسكري ومجلس الوزراء ويعلنوها في جميع وسائل الاعلام على الملأ
ثم
يفض جميع الاعتصامات نهائيا (بل وتجرم أي اعتصامات )
ثم يتابع العشرون رجلا (مجلس قيادة الثوره ) تطبيق مطالب الثوار
وعند عدم تطبيق اي من مطالب الثوار المشروعه يقومون عبر وسائل الاعلام بتبصير الشعب كله بمن المتسبب في تعطيل تطبيق المطلب والمطالبة بمحاكمته
بدل يا اخواني لما اولادنا يموتوا اويصابوا وتصبح البلد خراب واقتتال داخلي على الفاضي
ده هو الحل
بصراحه شعوري لا يختلف عن شعور معظم العقلاء من ابناء مصرنا العظيمه
وهو
البلد دي رايحه على فين ؟
شكرا جزيلا للاستاذ / يحيى
مطراوي

بجد انا مخوقة اوي بسبب اللي حاصل دا وبجد تعبت مش عرفة دول ثوار ولا اهالي شهداء ولا بلطجية ولا اصحاب اجندات ولا فلول ولا عملاء بجد مش عرفة وتعبت من الحوار دا خلاص ربنا يستر علي البلد دي

يا مروه ألى فى الميدان دول الثوار وأهالى الشهداء لكن للأسف بيندس بنهم الطرف التالت ألى أستاذ أبو أسامه قال عليه
بس فى نقطه حابه أقولها الطرف التالت ده من فصيل معين بس لا هو فيه طرف تالت فعلا بس الطرف التالت عده فصائل داخليه وخارجيه الداخليه منها نوعين نوع يريد عوده نظام مبارك ونوع الاخريريد السيطره على مجريات الأمور ونشر أفكاره أما الخارجي فهو نوع واحد معروف وهم الذين يرون فى قوه مصر ضعف لهم فلا يريدون هذه القوه تكتمل
بس بينى وبنكم كده مين ألى بيدى للأطراف الداخليه دى الشجاعه فيما يفعلوه أو خلينا نقول بشكل أفضل هومين المفروض ألى يتصدى للناس دى ؟؟؟طيب ليه مش بتصدى لهم!!!!!!؟؟؟؟؟؟؟؟؟؟
فيه حلقه مفقوده لو أكتملت السلسه هنفهم وأخشى أن يكون ما يدور فى أذهان المصرين الأن صحيح.

لا ياشوشو انا بتكلم عن اللي كانوا انهاردة في العباسية
مش اللي في التحرير

لا يا مروه بتوع العباسيه دول ألى زقهم هو الطرف التالت وعلى فكره هتلاقى ناس كتير فيهم مضحوك عليهم وطبعا أحنا عارفين كويس الطرف التالت بيستخدم أسلوب معين للضحك على الناس لايمكن يامروه شباب الثوره وأهالى الشهداء حتى ولو كانوا معترضين على حجات كتير يعملوا كده

جميل فعلا لو افترضنا ان فى طرف تالت زق المتظاهرين وان نفس الطرف ده هو اللى جاب البلطجيه

طب الامن المركزى اللى كان بيضرب قنابل مسيله للدموع ؟؟؟؟!!!!!!!
والاوقاف الى امرت امام مسجد النور انه يقفله ؟؟؟؟؟!!!!!!!!
والشرطه العسكريه اللى شافت تجهيزات البلطجيه ؟؟؟؟!!!!!!!
ووزير الداخليه اللى كان بيحضر حفل افتتاح حزب الاخوان ؟؟؟!!!!!!!
اتهام 6 ابريل بالخيانه دون تقديم دليل او محاكمتها ؟؟؟؟؟؟؟؟!!!!!!!
تصريحات الروينى اللى بقت اشهر من خطابات القذافى ؟؟؟؟؟!!!!!!!!!!
وفى ظل الكلام ده كله اخبار مبارك ايه ؟؟؟؟؟!!!!!!!!!
اخبار السعوديه ايه ؟؟؟؟؟؟؟؟؟؟؟!!!!!!!!!!!!!
ولو فيه طرف تالت ليه الجيش ما بيتعاملش معاه تجنبا لوقيعة الشعب مع الجيش ؟؟؟؟؟!!!!!!!!!
مين اللى دفع للبلطجيه وسمحلهم بده ؟؟؟؟؟؟؟؟؟؟؟؟؟!!!!!!!!!!
التليفزيون المصرى بيقول انهم مش بلطجيه وانهم اهالى العباسيه لو الاهالى بيشيلوا ملوتوف وسنج وسيوف ومطاوى يبقى احنا عايشيين فييين؟؟؟؟!!!!!!!!!
ولو هم الاهالى طب ليه اهالى غمره والدمرداش ورمسيس ما عملوش كده برضه؟؟؟؟؟؟؟!!!!!!!!
الصوره دى بتعبر عن ايهhttps://www.facebook.com/#!/photo.php?fbid=223220484387543&set=a.174149879294604.35939.174069802635945&type=1

مين اللى عمل الكماشه ؟؟؟؟!!!!!!!

لا يبقى الموضوع فيه مجلس عسكرى ونظام سابق

مصر الان في حالة من اللخبطة و الانفلات الامني الشديد ..

» انتبهوا يا ناس قبل ان لا ينفع الندم
» هل العرب أبناء الغلام الحليم أم العليم
» انتبهوا شباب الثورة ! الفوضى تطل برأسها على تونس