كلمات من واقع الحياة

تعلمت فى هذا الزمان
ان لا شخص يستحق الامان
فمن اعطيته ثقتى خدعنى
ومن وهبته حياتى قتلنى
ومن عشت له عاش لغيرى
فكيف اعيش بقلبى الحنون وسط بشر دائما تخون
--------------------------------------------------------------------
لم يكن صمتى لجرحك مجرد استسلام
بل هو بركان ينتظر الاوان
فلا تفسر صمتى انكسار
بل هو هدوء قبل الانفجار
----------------------------------------------------------
شكراً يا مروة زللاسف وبكل حزن هذا هو الوااااااااااااااااااقع !!!!!!!!!!

شكرا يا مروة
وزى ماقالت بنت العربللأسف هذا هو الواقع

والمشكلة فى الدنيا ان الانسان المتميز اللى يمتلك كل المشاعر الجميلة بيقابل الشخص اللى مش بيقدر المشاعر دى ولكن بيحاول يستغله
يعنى الطيب والحنين بيعتبروه عبيط , واللى ابيض من جواه ماعندوش الشك فى كل حاجة بيعتبروه ساذج

كمان تحسى ان الناس مدهونة بوية او لابسة ماسكات ,,, والمشكلة الأخطر انك ماتقدريش تحسى ان فلان غدار إلا بعد حدوث واقعة الغدر فعلا

مع اطيب تحياتى

يامروة انتى جبتى المفيد

يعنى لما تدى ثقتك لحد لازم تحترسى بس احتراس بعقل من غير مايفسد عليكى حياتك
بمعنى ان انا اعرف ناس عندهم وسواس قهرى يعنى بيشكوا فى كل اللى حواليهم , يعنى يبقى قاعد متخيل ان وراه حد داخل عليه بسكينة
او ان اى واحد بيكلمه بيكلمه عشان غرض
قصدى الانسان بيتمتع بحياته على قد مايقدر , من غير مايعرض نفسه لمشاكل يعنى انتى واللى زيك مثلا علقتك بالناس فين اما فى المدرسة او اى تجمع زى نادى مثلا او اى حاجة زى كده

المفروض فى المدرسة تخلى علاقتك حلوة باكل لكن الاصدقاء الانتيم هم اللى تعرفيهم كويس اوى , يعنى الاهل يكونا اصحاب مثلا او جيران , بحيث ان طنط فلانة تخاف عليكى زى ما بتخاف على بنتها بالضبط , كمان بالنسبة ليكى انتى لو عايزة تنزلى تروحى عند صاحبتك رشا مثلا بتبقى ماما عارفة ان رشا دى بنت صاحبتها مدام فلانة وانتهم ناس محترمين , لأن انتى لما تكبرى ويبقى عندك اولاد زيك دلوقتى حاتعرفى كانت زمان ماما بتخاف عليكى اد ايه , وبتخاف ليه ومن ايه
اما لو فيه نادى مثلا هنا انتقاء الاصدقاء بيكون بدقة اكبر واخطر يعنى محتاج عناية كبيرة جدا جدا , لأن مجتمع النادى مفتوح مش محدود زى المدرسة

وطبعا اهم حاجة ان ربنا يحرسكم كلكم

مع اطيب تحياتى

العزيزة مروة
انا ببص لكم كلكم على انكم مستقبل مصر , يعنى مخكم الجميل هو اللى ممكن يخلى مصر احلى بلد فى الدنيا
بس اهم شىء انكم يكون عندكم استعداد تتعلموا مننا وتستفيدوا من تجار بنا يعنى انا مثلا خسرت حاجة المفروض انكم تتعملموا منى عشان ماتخسروهاش تانى , وبسعد جدا لما الاقيكم بتتكلموا فى كل المواضيع يعنى فى السياسة والاقتصاد , والاقوال المأثورة , وتفهموا الجد من الهزار , وتكتشفوا البكاشين , يعنى تعرفوا مين بيتكلم صح ومين بيشتغل الناس عشان مصلحته الشخصية , ومين بيهبل ف الكلام وهو مش متخيل عواقب تهبيله ايه
وربنا يحميكم ويحمى مصر