عسكرى المرور

موضوع: عسكرى المرور الأحد سبتمبر 25, 2011 5:02 pm

عسكرى المرور

فكرة غريبة قفزت الى خيالى ...ساعرضها عليكم وارجو المناقشة او التعليق::
الفكرة ببساطة هى رجل المرور فى الشارع المصرى ..
لماذا يحتك رجل المرور فى شوارع مصر بالسائق؟؟
اقترح الاّتى ::
اولا : منع احتكاك رجال المرور فى مصر باى سائق نهائيا الا فى حالة طلب السائق نفسة فى حالة طلب النجدة او الاغاثة
ثانيا : يتم تحرير مخالفة للسائق المخالف فورا من خلال رقم السيارة فقط وارسالة الى ادرارة المرور التابع لها .
ثالثا:يخطر السائق المخالف بالمخالفة التى حررت لة خلال اسبوعين من تاريخ تحريرها موضحا بها موقع المخالفة وساعتها واسم محررها .... واذا تأخرت عن هذة المدة تعتبر لاغية ولايطالب بها المواطن مرة اخرى.

هذا الاقتراح لة فوائد عديدة مثل :
= منع الرشاوى المنتشرة فى هذا الوسط .
= سيولة المرور لعدم توقف السيارات للتفاهم على حل المشكلة.
=عدم تعمد محرر المخالفة الانتقام من سائق معين واصطيادة دائما بالمخالفات.
=احترام رجل المرور الذى يؤدى عملة بامانة دون رغبة فى التغاضى عن المخالفة مقابل الرشوة.
= امكان السيطرة على المخالفات المحررة بالتعنت من قبل رجال المرور.
= استطاعة المخالف الدفاع عن نفسة فى حالة تعرضة للظلم.
= احترام اّدمية المواطن المصرى فى التعامل واكتساب الثقة مع الجهاز بالكامل.
=سداد المخالفات فوريا لا يعرض السائق لتراكمها نهاية العام .. مما يعرضة لمشكلة فى السداد.

مع تحياتى
محمود شافعى

الأخ الفاضل
انا اشكرك للطرح
بس العملية محتاجة توعية يعنى تنقسم الى قسمين مهمين لو ما اتجمعوش تبقى العملية فاشلة وخطيرة ,
وال قسم هو المواطن ... يعنى المواطن لازم يحترم نفسه اولا بإنه يحترم كل قواعد المرور الصح ومنها ان وانت داخل إشارة من بعدين لو لقيتها خضرا والمسافة حسب خبرتك ممكن تقفل لما توصل لها انك تبطىء سرعتك عشان لما تقف تقف فى امان بالذات عشان اللى وراك لما يلاقيك حاتبطىء حايبطىء زيك وما يخبطش فيك , لكن اللى بيحصل ان الكل بيجرى وحتى لو قفلت الإشارة السيل مش بيقف ويفضل العربيات بتعدى والإشارة حمرا عليهم كذا دقيقة مش كده وبس ولكن الاتجاه التانى واللى اشارته اتفتحت مش بينتظروا لحد ما التقاطع يفضى ولكن بيدخلوا وممكن يحصل اشتباطك والشارع يتسد , زائد اخطر واهم حاجة وهى الركن صف تانى , يعنى انا ساكن فى عين شمس لو عايز انزل التحرير , وانا بسوق من 40 سنة وسقت فى كذا دولة محترمة فى العالم , المفروض من عين شمس للتحرير 15 كيلو يعنى فى حدود 20 دقيقة , لو المرور فى مصر ماشى صح يعنى تمشى بسرعة معقولة لحد الإشارة , وعند الإشارة تقف دقيقة بالكتير تفتح تمشى للى بعدها وهكذا , ولكن المشكلة تلاقى الموضوع مش إشارات ولكن انسدادات فى الطريق يعنى عربيات بضاعة بتنزل للمحلات وتقف صف تانى وثالث طبعا بتسد الشارع وتخليك تاخد النص كيلو فى نص ساعة , اقصد فى اللى قلته المخالفات اللى انت قاصد تعملها , زائد فيه مخالفات فنية , يعنى تمشى بعربية مالهاش نمر او بتدخن بشكل مش حلو , او مشوهة يعنى مخبوطة وفوانيسها طايرة , او كاوتشها مهربد او مافيهاش كلاكس او طفاية او فرامل يعنى مفهوم الامن والمتانة اللى مكتوب فى الكتاب , او مامعكش رخص , ده طبعا غير تجاوز السرعات فى الطرق السريعة او انك تخرج من شارع جانبى وتدخل رئيسى من غير ماتبص , تخلى اللى جاى بسرعة يعمل حادثة , والاهم احترام راجل المرور لأن ده بيحافظ على روحك وارواح عائلتك والللى تعتبر اغلى حاجة ,
القسم التانى رجل الشرطة , قلنا ان فيه قانون محدد لمخالفات الأمن والمتانة , يعنى يتلكك لك على اى حاجة هايفة ومش فى القانون يعنى رفرف مخبوط خبطة متوسطة بس ماشى ( لأن لو مدشدش اكيد انت مش حاتمشى بيها كده ) وهنا بتضطر تشترى دماغك وتدفع رشوة , او مثلا فى اشارة وقفت على اول خطوط المشاه المفروض بمنتهى الذوق ييجى يقول لك خلى بالك عشان ماتاخدش مخالفة المرة الجاية , واكيد الذوق يخليك تاخد بالك , يعنى انا بحب اللجان والكمائن بس لما تكون عادلة لأنها بتمسك بلاوى , لكن زى ماقلت لما يكون عايز يسحب اى عشرين رخصة وخلاص عشان يبقى اشتغل هنا بنتضايق منهم .
بس الخلاصة ان من المستحيل اننا نقدر نستغنى عن الشرطة , يعنى شوف عدد الحودث على الطرق السريعة زاد اد ايه بسبب عدم وجودهم على الطرق السريعة , بس ااالمشكلة اننا احنا وهم نفهم بعض , واللى بيقصد يخالف القانون بتعمد ياخد فوق دماغه , يعنى غرامة الموبايل 500 جنيه وانت سايق , دى مش ظلم , انت عارف الشعب المصرى بيعدى الشارع مالوش دعوة بالعربيات يعنى السواق هو اللى لازم يتفاداهم مش هم ياخدوا بالهم من العربيات زى كل الدنيا , ممكن واحد بيتكلم فى الموبايل ينشغل يدوس واحد يقتله يحصل ايه ؟؟؟

اعتذر عن الإطالة مع اطيب تحياتى

فعلا لازم المواطن يحترم نفسه -- أشكرك يا أستاذنا صموئيل لهذا الطرح الراقى

عادل صموئيل كتب:: الأخ الفاضل
انا اشكرك للطرح
بس العملية محتاجة توعية يعنى تنقسم الى قسمين مهمين لو ما اتجمعوش تبقى العملية فاشلة وخطيرة ,
وال قسم هو المواطن ... يعنى المواطن لازم يحترم نفسه اولا بإنه يحترم كل قواعد المرور الصح ومنها ان وانت داخل إشارة من بعدين لو لقيتها خضرا والمسافة حسب خبرتك ممكن تقفل لما توصل لها انك تبطىء سرعتك عشان لما تقف تقف فى امان بالذات عشان اللى وراك لما يلاقيك حاتبطىء حايبطىء زيك وما يخبطش فيك , لكن اللى بيحصل ان الكل بيجرى وحتى لو قفلت الإشارة السيل مش بيقف ويفضل العربيات بتعدى والإشارة حمرا عليهم كذا دقيقة مش كده وبس ولكن الاتجاه التانى واللى اشارته اتفتحت مش بينتظروا لحد ما التقاطع يفضى ولكن بيدخلوا وممكن يحصل اشتباطك والشارع يتسد , زائد اخطر واهم حاجة وهى الركن صف تانى , يعنى انا ساكن فى عين شمس لو عايز انزل التحرير , وانا بسوق من 40 سنة وسقت فى كذا دولة محترمة فى العالم , المفروض من عين شمس للتحرير 15 كيلو يعنى فى حدود 20 دقيقة , لو المرور فى مصر ماشى صح يعنى تمشى بسرعة معقولة لحد الإشارة , وعند الإشارة تقف دقيقة بالكتير تفتح تمشى للى بعدها وهكذا , ولكن المشكلة تلاقى الموضوع مش إشارات ولكن انسدادات فى الطريق يعنى عربيات بضاعة بتنزل للمحلات وتقف صف تانى وثالث طبعا بتسد الشارع وتخليك تاخد النص كيلو فى نص ساعة , اقصد فى اللى قلته المخالفات اللى انت قاصد تعملها , زائد فيه مخالفات فنية , يعنى تمشى بعربية مالهاش نمر او بتدخن بشكل مش حلو , او مشوهة يعنى مخبوطة وفوانيسها طايرة , او كاوتشها مهربد او مافيهاش كلاكس او طفاية او فرامل يعنى مفهوم الامن والمتانة اللى مكتوب فى الكتاب , او مامعكش رخص , ده طبعا غير تجاوز السرعات فى الطرق السريعة او انك تخرج من شارع جانبى وتدخل رئيسى من غير ماتبص , تخلى اللى جاى بسرعة يعمل حادثة , والاهم احترام راجل المرور لأن ده بيحافظ على روحك وارواح عائلتك والللى تعتبر اغلى حاجة ,
القسم التانى رجل الشرطة , قلنا ان فيه قانون محدد لمخالفات الأمن والمتانة , يعنى يتلكك لك على اى حاجة هايفة ومش فى القانون يعنى رفرف مخبوط خبطة متوسطة بس ماشى ( لأن لو مدشدش اكيد انت مش حاتمشى بيها كده ) وهنا بتضطر تشترى دماغك وتدفع رشوة , او مثلا فى اشارة وقفت على اول خطوط المشاه المفروض بمنتهى الذوق ييجى يقول لك خلى بالك عشان ماتاخدش مخالفة المرة الجاية , واكيد الذوق يخليك تاخد بالك , يعنى انا بحب اللجان والكمائن بس لما تكون عادلة لأنها بتمسك بلاوى , لكن زى ماقلت لما يكون عايز يسحب اى عشرين رخصة وخلاص عشان يبقى اشتغل هنا بنتضايق منهم .
بس الخلاصة ان من المستحيل اننا نقدر نستغنى عن الشرطة , يعنى شوف عدد الحودث على الطرق السريعة زاد اد ايه بسبب عدم وجودهم على الطرق السريعة , بس ااالمشكلة اننا احنا وهم نفهم بعض , واللى بيقصد يخالف القانون بتعمد ياخد فوق دماغه , يعنى غرامة الموبايل 500 جنيه وانت سايق , دى مش ظلم , انت عارف الشعب المصرى بيعدى الشارع مالوش دعوة بالعربيات يعنى السواق هو اللى لازم يتفاداهم مش هم ياخدوا بالهم من العربيات زى كل الدنيا , ممكن واحد بيتكلم فى الموبايل ينشغل يدوس واحد يقتله يحصل ايه ؟؟؟

اعتذر عن الإطالة مع اطيب تحياتى

عزيزى استاذ عادل ... لاشك ان هذا الموضوع متشعب جدا ولة اطراف كثيرة يجب ان تتفق معا حتى تكتمل المنظومة تماما.
اولا : المواطن :-
= يحتاج المواطن المصرى الى توعية خاصة عن اخلاق قيادة السيارت التى نسيها منذ فترة طويلة .
= يجب على مدارس تعليم القيادة تعليم اخلاق القيادة قبل فن القيادة والميكانيكا.
= اذا تعرض المواطن الى عقوبة بسبب انعدام اخلاق القيادة فسوف يراعيها مستقبلا.
ثانيا : الشرطة :-
= لابد ان تتخلى الشرطة عن الاسلوب المتبع فى تحرير المخالفات بواسطة جندى جاهل او مرتشى.
= تركيب كاميرات فى معظم الميادين والطرق الهامة يجبر رجل المرور على احترام المواطن واستخدام القانون بصورة سليمة بعيدة عن المساومة.
= وجود افراد شرطة متميزين وثقافتهم عالية يجبرون المواطن على احترامهم وتنفيذ اوامرهم بسهولة .
= احترام رجل المرور يجعل من الامر احترام للذات اكثر منة خوفا من رجل المرور .

== هذا بالاضافة الى تصميم طرق على مستوى عالى من التقنية بحيث لاتكون سببا فى اهدار دماء المواطنين الذين هم الهدف الاول لحديثنا هذا.

** كل هذة امنيات اتمنى ان تسمح ظروف مصر القادمة من اقرارها وتنفيذها فى القريب العاجل ... فنحن لدينا خبراء فى الشرطة والقانون والطرق وعلم النفس يمكنهم تنفيذ افكارهم البحثية على ارض الواقع بدلا من وضعها على الارفف فى ارشيف النسيان .

شكرا استاذ عادل على مشاركتى فى التفكير وعلى ملاحظاتك الممتازة
محمود شافعى

الناس بقت بتتطاول علي اي حد يحمل زي ضابط شرطة

وضابط الشرطة لسه في منهم لسانه طويل

انعدام الاخلاق جعل استحالة تطبيق القانون فبالتالي غابت العدالة

تحياتي لجميع الاراء المشاركة

الأخ العزيز
وانا اشكرك انى لقيت حد بيفهم اتكلم معاه

فى موضوع التوعية حاجة مهمة بتحصل فى الخارج مش بتحصل فى مصر , يعنى لما تسأل هنا 90% من اللى بيسوقوا تلاقيهم خدوها جدعنة كده , يعنى اللى بيروح مدرسة تعليم قيادة 10% , فى الخارج فيه كتاب 300 صفحة انا شفته , نصه الاول عن احترام عسكرى المرور وقوانين القيادة , وبالرسم لو فيه تقاطع ومفيش اشارة مين اللى له الاولوية يعبر اولا , يعنى كمان مثلا ازاى تطلع من عربية قدامك على طريق سريع , كل ظروف القبادة اللى تمر بيك , بعدين تذكرهم وتمنتحن فيهم فى ورقة اسئلة واجابة ولما تنجح فيهم بعد كده تقعد على الدريكسيون عشان تبقى اد مسؤولية الارواح اللى فى الشارع والى معاك فى العربية , طبعا هنا ابنك بيتعلم شيطانى كده واى مدام جوزها بيعملها وماحدش عمره سمع ع اللى بقوله
زائد فيه حاجات خطيرة جدا جدا بتحصل , ومالهاش حل جذرى ,يعنى مثلا شارع صلاح سالم فى المنطقة الخطيرة من بعد العباسية وانت نازل على القلعة , الحكومة عاملى كبارى مشاه , وعاملة اسوار حديد عالية تمنع مرور المشاه على نهر الشارع لأن العربيات طالما الشارع معزول بتمشى بسرعة جدا وده من حقها , ونس الكلام ع المحور بعد ماتخرج من المهندسين وانت رايح 6 اكتوبر , برضه تلاقى مشاه طلعوا لك من تحت الارض ماتعرفش منين , ولمل عربية تخبط واحد يطلعوا اهله يكسروا كل العربيات اللى بتمر , ونفس الحكاية فى طريق اسكندرية الزراعى , يعنى السرعة فيه 100 لكن عربيات الأجرة بتوصل ل 140 واكتر , وعارفين مكان الرادار بيلتزموا عنده وبعدين يطيروا تانى , وحتى لو الحكومة مشكورة عملت لهم كوبرى المشكلة ان طول القرية على الطريق كام متر لو حطيت الكوبرى حاتحطه فين ؟ فى اول ولا منتصف ولا آخر القرية ؟ وفى اى مكان لو عملت الكوبرى المشاه اللى الكوبرى مش قدام بيتهم حايعبروا برضه من نهر الشارع حايكسلوا يمشوا شوية لحد الكوبرى يبقى انت ماعملتش حاجة ,
تيجى للمخترعين والمبدعين من مخططى الشرطة : شفت الحديد الشيطانى اللى محطوط فى الارض وبيسموه عين القط آل ايه مطب صناعى , الحديد ده مش مكانه وسط الشارع لأن النوعية المحطوطة دى اما بتقطع الكاوتش لو ماشى سريع او بتكسر العفشة لو ماشى بطىء , وكل السواقين بياخدوه ع السريع جدا يبقى مطب صناعى ازاى , عين القط الاصلى كان زمان جوا شوارع اسكندرية ناعم جدا وبينور فى الظلام يعنى يادوب تحس بيه , لكن الشىء الشيطانى المحطوط ده وظيفته انه معمول خصيصا للطرق السريعة وبيتحط على جوانب الطريق عشان فى الصحرواى فى الظلام بينور قدامك شان تحس الشارع متجه يمين ولا يسار قدام , ولو سواق نام وهو سايق الحديد ده بيكسر له العربية عشان يصحى , والملحوظة الخطيرة جدا جدا , ان مابقاش الكاوتش التيل بتاع زمان , دلوقتى الكاوتش كله داخلة سلك والحديد الشيطانى ده بيخبط فى الكاوتش مرة فى مرة بيقطم السلك والعجلة ممكن تنفجر حتى وهى جديدة جدا مش شرط تكون قديمة , الكلام اللى بقوله ده بتاخد فى كلية الهندسة اسمه هندسة طرق , ييجى مفتى عبقرى فى وزارة الداخلية يقول ان الحديد ده حلو وعاجبهم وعايزين يعمموه فى كل الجمهورية بدل المطبات الصناعية العادية اللى بتبقى من الاسفلت , وانا ارد اللى يخرب بيوتكم , يعنى لو المفتى العزيز ده ينزل يقف عنده مطب من الحديد ده ساعة حيلاحظ ان كل العربيات مش بتهدى ولكت بتاخده ع السريع يبقى مطب صناعى ازاى
ومن ده كتير , يعنى النمر الزبالة الحديثة , استنى عليها كام شهر لما مياه المجارة وانت ماشى تطرطش عليها وتبتدى تصدى , اولا العسكرى مش متعود على قرائتها بسرعة , تانى حاجة لما تصدى ممكن جيم تطير منها نقطة تبقى نمرة واحد مظلوم تانى وحاجات كده
مع اطيب تحياتى انا على فكرة عايز اشترى كارتة بحمار واريح مخى ايه رأيك مش احلى ؟

عادل صموئيل كتب:: الأخ العزيز
وانا اشكرك انى لقيت حد بيفهم اتكلم معاه

فى موضوع التوعية حاجة مهمة بتحصل فى الخارج مش بتحصل فى مصر , يعنى لما تسأل هنا 90% من اللى بيسوقوا تلاقيهم خدوها جدعنة كده , يعنى اللى بيروح مدرسة تعليم قيادة 10% , فى الخارج فيه كتاب 300 صفحة انا شفته , نصه الاول عن احترام عسكرى المرور وقوانين القيادة , وبالرسم لو فيه تقاطع ومفيش اشارة مين اللى له الاولوية يعبر اولا , يعنى كمان مثلا ازاى تطلع من عربية قدامك على طريق سريع , كل ظروف القبادة اللى تمر بيك , بعدين تذكرهم وتمنتحن فيهم فى ورقة اسئلة واجابة ولما تنجح فيهم بعد كده تقعد على الدريكسيون عشان تبقى اد مسؤولية الارواح اللى فى الشارع والى معاك فى العربية , طبعا هنا ابنك بيتعلم شيطانى كده واى مدام جوزها بيعملها وماحدش عمره سمع ع اللى بقوله
زائد فيه حاجات خطيرة جدا جدا بتحصل , ومالهاش حل جذرى ,يعنى مثلا شارع صلاح سالم فى المنطقة الخطيرة من بعد العباسية وانت نازل على القلعة , الحكومة عاملى كبارى مشاه , وعاملة اسوار حديد عالية تمنع مرور المشاه على نهر الشارع لأن العربيات طالما الشارع معزول بتمشى بسرعة جدا وده من حقها , ونس الكلام ع المحور بعد ماتخرج من المهندسين وانت رايح 6 اكتوبر , برضه تلاقى مشاه طلعوا لك من تحت الارض ماتعرفش منين , ولمل عربية تخبط واحد يطلعوا اهله يكسروا كل العربيات اللى بتمر , ونفس الحكاية فى طريق اسكندرية الزراعى , يعنى السرعة فيه 100 لكن عربيات الأجرة بتوصل ل 140 واكتر , وعارفين مكان الرادار بيلتزموا عنده وبعدين يطيروا تانى , وحتى لو الحكومة مشكورة عملت لهم كوبرى المشكلة ان طول القرية على الطريق كام متر لو حطيت الكوبرى حاتحطه فين ؟ فى اول ولا منتصف ولا آخر القرية ؟ وفى اى مكان لو عملت الكوبرى المشاه اللى الكوبرى مش قدام بيتهم حايعبروا برضه من نهر الشارع حايكسلوا يمشوا شوية لحد الكوبرى يبقى انت ماعملتش حاجة ,
تيجى للمخترعين والمبدعين من مخططى الشرطة : شفت الحديد الشيطانى اللى محطوط فى الارض وبيسموه عين القط آل ايه مطب صناعى , الحديد ده مش مكانه وسط الشارع لأن النوعية المحطوطة دى اما بتقطع الكاوتش لو ماشى سريع او بتكسر العفشة لو ماشى بطىء , وكل السواقين بياخدوه ع السريع جدا يبقى مطب صناعى ازاى , عين القط الاصلى كان زمان جوا شوارع اسكندرية ناعم جدا وبينور فى الظلام يعنى يادوب تحس بيه , لكن الشىء الشيطانى المحطوط ده وظيفته انه معمول خصيصا للطرق السريعة وبيتحط على جوانب الطريق عشان فى الصحرواى فى الظلام بينور قدامك شان تحس الشارع متجه يمين ولا يسار قدام , ولو سواق نام وهو سايق الحديد ده بيكسر له العربية عشان يصحى , والملحوظة الخطيرة جدا جدا , ان مابقاش الكاوتش التيل بتاع زمان , دلوقتى الكاوتش كله داخلة سلك والحديد الشيطانى ده بيخبط فى الكاوتش مرة فى مرة بيقطم السلك والعجلة ممكن تنفجر حتى وهى جديدة جدا مش شرط تكون قديمة , الكلام اللى بقوله ده بتاخد فى كلية الهندسة اسمه هندسة طرق , ييجى مفتى عبقرى فى وزارة الداخلية يقول ان الحديد ده حلو وعاجبهم وعايزين يعمموه فى كل الجمهورية بدل المطبات الصناعية العادية اللى بتبقى من الاسفلت , وانا ارد اللى يخرب بيوتكم , يعنى لو المفتى العزيز ده ينزل يقف عنده مطب من الحديد ده ساعة حيلاحظ ان كل العربيات مش بتهدى ولكت بتاخده ع السريع يبقى مطب صناعى ازاى
ومن ده كتير , يعنى النمر الزبالة الحديثة , استنى عليها كام شهر لما مياه المجارة وانت ماشى تطرطش عليها وتبتدى تصدى , اولا العسكرى مش متعود على قرائتها بسرعة , تانى حاجة لما تصدى ممكن جيم تطير منها نقطة تبقى نمرة واحد مظلوم تانى وحاجات كده
مع اطيب تحياتى انا على فكرة عايز اشترى كارتة بحمار واريح مخى ايه رأيك مش احلى ؟

[color=cyan]

استاذ / عادل
اشكرك على المجاملة اللطيفة فى بداية حديثك واحترم فكرك الممتاز فى هذا الموضوع

وبعدين انت توهتنى معاك فى سرد امور كتير وربنا يعيننى فى التفكير معاك ...
بالنسبة لاستخراج الرخصة او تعليم القيادة .. دو موضوع علمى كبير ونظام البلد لا يشجع العلم نهائيا فى اى موضوع ... لو سواقين مصر كلهم راحوا اى بلد اوروبى او حتى عربى لايمكن ينجحوا فى اختبارات القيادة التحريرية ... يمكن ينجحوا فى القيادة نفسها اما فى اصول واخلاق القيادة استحالة.
ولو فكرت الحكومة فى تنفيذ الاسلوب العلمى فى استخراج التراخيص هتلاقى استجابة من الشعب لكن المشكلة هنا فى الشرطة نفسها ... كل الامور ماتكون صعبة على المواطن كل ماتزيد قيمة الرشوة لتلافى هذة الصعوبات ... والحل فى ثورة على الاخلاق الفاسدة .

فى الدول الاوروبية سرعة الطريق مسجلة على الاسفلت ولابد من الالتزام بها بخلاف ان عبور المشاة باسلوب فنى ممتاز ... رأيت فى هولندا على الطريق السريع اثناء عبورى للطريق اجد عند مفترق معين يمكننى العبور منة عامود يحمل اشارة ضوئية يسمح لك باستخدامها وعند الضغط عليها فان الاشارة تتحول الى الضوء الاصفر انذارا للسيارات فتبدأ بتقليل سرعتها بمرونة حتى تصل بعد قليل الى الضوء الاحمر فتقف السيارات تماما لمدة حوالى 20 ثانية فتكون انت قد عبرت الطريق بامان وتعود الاشارة تلقائيا الى الاخضر وتسير السيارات بطبيعتها وهذا يمنع المجازفة فى الطريق او الفهلوة المصرية .

بالنسبة لكبارى المشاة فانى لدى فكرة بسيطة ...
ان الدولة لاتدخر جهدا فى خدمة المواطن المصرى .. وفى سبيل ذلك تقوم بانشاء الكثير من سلالم المشاة لتؤمن بذلك عبور الطرق السريعة والبطيئة والميادين المكتظة بالسيارات العابرة من هنا وهناك مما يعرض حياة المواطنين للخطر..
ولكن بنظرة بسيطة نجد ان معظم افراد الشعب لايلجأون الى استخدام السلالم توفيرا للوقت والجهد المبذول فى الصعود والهبوط حتى لو كان ذلك يعرضهم لكثير من المخاطر فنجد ان المواطن المصرى يفضل عبور الطريق بالمجازفة فى الوقت الذى نشاهد فية السلالم المنشأة وكأنها اطلال ينظر اليها المواطنون فى تعجب من فكرة انشائها والغرض منها .. ومن جانب اخر نجد ان الدولة تحاول بشتى الطرق اجبار المواطن على استخدام السلالم بعمل متاريس فى الميادين او اسوار حديدية او اسمنتية لاجبار المواطن الذى يقبل التحدى ويقوم من جهتة بتحطيم هذة المتاريس ايا كانت دون اسف على التخريب..
لذلك فاننى بصفتى مواطن مصرى ارغب فى تقدم وطننا العزيز اقترح فكرة بسيطة يمكن بها تلافى كل ماسبق بان ندفع المواطن دفعا لحب بلدة والحفاظ على ممتلكاتة بان نجعلة يشعر باّدميتة واهتمامنا الكبير بصحتة وتوفير سبل الحياة الكريمة لة واستفزاز وطنيتة باسلوب عصرى وذلك باقامة سلالم متحركة يقبل عليها المواطن سعيدا بانة مواطن مصرى تهتم بة الدولة مع الوضع فى الاعتبار بتوفير جهاز صيانة وامن لهذة السلالم لضمان عملها اطول فترة ممكن ويمكن تشغيلها بالخلية الكهرومغناطيسية حتى تتوقف وحدها اذا لم تستخدم لمدة دقيقتين مثلا وتعمل تلقائيا بمجرد المرور فى بداية السلم.

عين القط هدفها هو تحديد الطريق عرضيا فقط حتى تعطى انتباها للسائق بتجاوزة حدود الطريق والعودة الى نهر الطريق ... لكن استخدامها فى مصر يتم باسلوب فهلوة مهندسى الطرق كما هو متبع دائما فى كل شيئ فى مصر...
والمطبات الصناعية لها ابعاد وارتفاعات معينة حتى تؤدى دورها كما يجب اما المطبات فى مصر فان مايمكن ان يطلق عليها انها كمين للسيارات لتكسيرها وتفكيكها وليست لحماية السائق او المواطن .

موضوع النمر الجديدة دى كانت سبوبة حلوة لحرامية مصر واظن انت سمعت عن قضية اللوحات المعدنية ...

المهم فى الموضوع انك بتفكر تشترى كارتة بحمار ... ياجبروتك ياأخى معاك فلوس تشترى كارتة بحمار النهاردة بعد الثورة وبعد ماجمعوا كل الحمير فى البلد وغلى تمنها جدا والا انت ناوى تاخذ واحد من طرة .......

اسف للاطالة ولكن انت السبب
مع تحياتى
محمود شافعى

[/color]

آيات السيد كتب:: الناس بقت بتتطاول علي اي حد يحمل زي ضابط شرطة

وضابط الشرطة لسه في منهم لسانه طويل

انعدام الاخلاق جعل استحالة تطبيق القانون فبالتالي غابت العدالة

تحياتي لجميع الاراء المشاركة

شكرا استاذة اّيات
على المرور الجميل وابداء الرأى
لقد لخصت ببساطة سر المشكلة الامنية فى مصر
تحية خاصة لفكرك العظيم
محمود شافعى

» السير و المرور في ج م ع
» ازمة المرور في القاهرة
» الخطر الداهم فى حال المرور
» حضضا نة الاسكندرية والام الحنون وغرامات المرور
» متابعة و صور و فيديو حلقة الأربعاء 17 أبريل 2013 . كتاب أنجازات مرسي يثير الضحك و السخرية بين جميع الأوساط . أول رئيس مصري ملتح و موكبه لا يعطل حركة المرور