عايزة اعرف كل حاجة عن.....*مصر-(ماهي مظاهر الاحتفال بالمولد النبوي في مصر؟)

اي ده رحت ياا.ابواسامة مش قلت حتحكيلنا عن رحلة الغربة
امال رحت فين؟؟؟؟؟

يانونة مصر دى اجمل بلد فى الدنيا يعنى باختصار ام الدنيا بدون اى مبالغات باختصار لو لفيت العالم كلة منلقيش بلد فى جملها ارضها جنة وسماها صافية زى قلب شعبها الطيب ونيلها شفا للعليل واخيرا يعجز اللسلن عن وصفها

ياخبر
منا عارفة والله
حضرتك بس اقرا الموضوع من الاول وكلمنا عن منطقتك
شرفتني

ياريت حد يكلمينا عن سيناء ........

عارفة يانونة انا نفسي اخدكم لفة في شارع شبرا

يالة يامصطفى ياريت لان من وقت مساب الموضوع أ.ابواسامة ومحدش عبرني

لا لا متقوليش كده يا نونة دا انتي كل الناس بتحبك

احلي حاجة مراد يكلمنا عن سيناء

اه يا ايات ياريت بس هو فين مراد من مده طويلة جدااا ما دخلش

انا انشاء الله هصطاده علي الاميل هو ساعات كده بيفتح الاميل بتاعه

بص يادرش انت تكلمنا عن شبرا ولما يجي سي مراد ان شاءالله يكلمنا عن سيناء ها....حنستناك يامصطفى اوكي؟؟؟؟

شبراااااااااااااااااااا

اه والله ياريسة خلينا نعمل تشجيع للموضوع هههه ربنا يكرمك

فين شبرااااااااااااااااااا

هفضل واقفة في الشارع كده كتير ؟؟؟؟؟؟؟؟؟؟؟

هههههههههههههههههههههههههههههههه
يلا يا مصطفى علشان ايات كده هتبرد ههههههههههههههه

ههههههههههههههههههههههههههههههههههه
سيبيها شوية ولا اقولك لاحسن ترفدني انا عارفها وساعتها مش هتديلي مكافئة نهاية الخدمة
حاضر حاضر حاضر يا جماعة حالا الموضوع هيرجع ينور تاني

اديك عرفت الي فيها يا فينوس...

لخص مافدلش غير عشرة جنية في جيبي اجيب بيهم اخر وجبه

بعد كده هتبقي برد ولطعة في الشارع وجوووووووووووووووع

انا مش هكلمكم عن بلدي

انا هسيب شاعر كبير يحكي عنها

هي زي اي قريه في مصر بس الشاعر ده هيوصفهالنا قبل شويه سنين

الشاعر ده اسمه نجيب سرور للي ميعرفوش انا هعمل موضوع كامل عنه

أنـا ابن الشـــقاء
ربيب (الزريبــة و المصطبــة)
وفى قـريتى كلهم أشـــقياء
وفى قـريتى (عمدة) كالاله
يحيط بأعناقنــا كالقــدر
بأرزاقنـــا
بما تحتنــا من حقول حبــالي
يـلدن الحيــاة
وذاك المســاء
أتانـا الخفيـر و نـادى أبي
بأمر الالـه ! .. ولبى أبي
وأبهجنى أن يقــال الالـه
تنـازل حتى ليدعـو أبى !
تبعت خطــاه بخطو الأوز
فخورا أتيــه من الكبريــاء
أليس كليم الالــه أبي
كموسى .. وان لم يجئـه الخفــير
وان لم يكن مثــله بالنبي
وما الفرق ؟ .. لا فرق عند الصبى !
وبينــا أسير وألقى الصغار أقول " اسمعو ا ..
أبى يا عيــال دعــاه الالــه " !
وتنطـق أعينهم بالحســد
وقصر هنــالك فوق العيون ذهبنـا اليه
- يقولون .. فى مأتم شــيدوه
و من دم آبائنا والجدود وأشــلائهم
فموت يطــوف بـكل الرءوس
وذعر يخيم فــوق المقــل
وخيــل تدوس على الزاحفــين
وتزرع أرجلهــا فى الجثت
وجداتنــا فى ليـالى الشــتاء
تحدثننا عن ســنين عجــاف
عن الآكلين لحـوم الكلاب
ولحم الحمير .. ولحم القطط
عن الوائـــدين هناك العيــال
من اليــأس .. و الكفر والمســغبة
" ويوسف أين ؟ " .. ومات الرجاء
وضــل الدعــاء طريق الســماء
و قــام هنــالك قصر الالــه
يــكاد ينــام على قـريتي
- ويــكتم كالطود أنفاســها
ذهبنــا اليــه
فلما وصــلنا .. أردت الدخول
فمد الخفــير يدا من حـديد
وألصقنى عند باب الرواق
وقفت أزف أبى بالنظــر
فألقـى الســـلام
ولم يأخذ الجالسـون الســلام ! !
رأيت .. أأنسى ؟
رأيت الاله يقوم فيخلع ذاك الحـذاء
وينهــال كالســيل فوق أبى ! !
أهـــذا .. أبى ؟
وكم كنت أختــال بين الصغــار
بأن أبى فــارع " كالملك " !
أيغدو ليعنى بهــذا القصر ؟ !
وكم كنت أخشــاه فى حبيـه
وأخشى اذا قـام أن أقعـدا
وأخشى اذا نـام أن أهمســا
وأمى تصب على قدميــه بابريقهــا
وتمســح رجليــه عند المســاء
وتلثم كفيــه من حبهــا
وتنفض نعليــه فى صمتهــا
وتخشى علــيه نســيم الربيــع !
أهـــذا .. أبى ؟
ونحن العيــال .. لنا عــادة ..
نقول اذا أعجزتنا الأمور " أبى يستطيع ! "
فيصعد للنخـلة العـاليـة
ويخـدش بالظفر وجــه السـما
ويغلب بالكف عزم الأســد
ويصنع ما شــاء من معجزات !
أهـــذا .. أبى
يســام كأن لم يكن بالرجــل
وعـدت أســير على أضــلعي
على أدمعى .. وأبث الجــدر
" لمـاذا .. لمـاذا ؟ "
أهلت الســؤال على أميــه
وأمطرت فى حجرهــا دمعيــه
ولكنهــا اجهشــت باكـيه
" لمـاذا أبى ؟ "
و كان أبى صــامتا فى ذهول
بعــلق عينيــه بالزاويـة
وجـدى الضــرير
قعيـد الحصــير
تحسسنى و تولى الجـواب :
" بنى .. كذا يفعل الأغنيــاء بكل القرى " !
بقلم نجيب سرور

المسيري 2009

وشكرا علي الفكره

فعلا يا خالد الريف زمان كان كدة وهى دى شخصية عمدة زمان ,أما الآن فقد تراجع دور العمدة وأصبحح لاحول له ولا قوة,وأصبحت الداخلية وزبانيتها هم من يقومون مقام العمدةوممكن الأب ينضرب فى بيته قدام مراته وعياله,حتى الكماين بتاعتهم على الطريق منتهى الذل والمهانة,لازم تدخل عليهم وأنت ذليل,طافى النور ومدى إنتظار ومنزل القزاز وشادد الحزام ولو ضربت كلاكس إستعجال يبقى يومك إسودولازم تطلع الرخص من الغلاف ,بالزمة دى مش بتفكركم بحواجز اليهود,, والله دة إحتلال,,ربنا ينتقم من الظلمة

أسمحولى أكلمكم عن سيناء ,,(أرض الفيروز) فعلا سيناء ارض الفيروز ليس مجازا ففى سيناء مناجم الفيروز هذا الحجر الكريم المشهورأما سيناء فهى شمال وجنوب , وأنا سوف أحدثكم عن الجنوب,جنوب سيناء يعنى رأس سدر وأبو رديس وأبو زنيمة ودير سانت كاترين وغيرها وتقع شواطؤهاالجنوبية على البحر الأحمر حيث توجد أجمل شواطىء العالم بشعابها المرجانية وأحيائها المائية البديعة وسكانها الأصليين هم من البدو وتمتاز بموقها الفريد الذى جعلها مطمع لكل الغزاة عبر كل العصور فهى بوابة أفريقيا كما أن بهاسلسلة بديعة من الجبال لو نظرت إلى قممها فى الشروق سترى كأنه قد نثر عليهاحب الألماس وإذا نظرت إليها فى الغروب سترى ألوانها البديعة سوف تشاهدأن لكل جبل عدة ألوان منها الأحمر والأصفر والأسود فى مشهد عجيب سماؤها صافية طول السنة وفى موسم المطر البسيط تنهمر السيول مكونة أنهارا من الماء العذب الذى ينحسر إلى بعض الأحواض التى تعد من أهم مصادر الماء العذب فى سيناء,,من زار سيناء لا ينساها فهى مرابض الأبطال وملاحم الشهداء وتاريخ نضال لا ينقضى0

شكرا علي تعليق حضرتك ياستاذ طلعت بس انا اسمي محمد مش خالد

ارجو التعديل

شكرا جزيلا

اشكرك ياا.طلعت على مرورك للموضوع
نورت...

الف شكر يا محمد و الف شكر يا استاذ / طلعت ..

تحياتي:

إلى جميع الأعضاء القدامى والجدد
نرحب بكم من جديد
وندعوكم لتحزموا أمتعتكم في رحلة جديده من رحلات السندباد
نطوف ونتجول من خلالها داخل ربوع الوطن
ولي شكران
شكر خاص للفاضلة رنا التي لبت سريعا وبحثت عن هذا الموضوع وأرسلت لي اللينك الخاص به بعد فقدي إياه لطول الغياب عنه حتى ظننت أنه تناسى مع الأيام
والشكر الثاني للفاضلة نونه صاحبة فكرة هذا الموضوع من أساسه
وما أنا الا ضيف في رحاب موضوعها
انتظرونا في رحلتنا الجديده داخل ربوع الوطن
رسم الاشتراك هو محبتكم ومحبتي لكم
لكم جميعا كل الحب
آمل من الأعضاء الجدد الذين لم يشاهدوا هذا الموضوع من ذي قبل الاطلاع عليه حتى تكون لديهم رؤيه مسبقه
ولا أخفيكم سرا أنني شخصيا بين الحين والآخر أرجع إلى هذا الموضوع لأتذكر ما كتبته وما صنعه الأعضاء خلال الرحلات السابفه
فهي ذكريات جميله جدا
لكم كل الحب

» من مظاهر الصحه النفسيه .................
» ليبيا عايزة ايه؟؟؟؟؟؟؟؟؟؟؟؟
» ما فيش حاجة
» من هنا وهناك(موضوع منوع)متجدد.....ماهي الفواكه التي تزيد من مناعة الجسم؟لماذا سميت الفواكه بهذه الاسماء
» اعرف مرضك من وجهك وملامحك