يا احبائى
الخرائط اللى بتقولوا عليها دى حاجة من عشرات الآلاف من المقتنيات الثمينة واللى مالهاش مثيل والتى لاتقدر بمليارات المليارات واسالونى عشان اختى من كبار علماء الآثار وانا شفت اللى فى المجمع ده بنفسى
من حسن الحظ ان الخرائط دى طبعا فيه منها نسخ , لكن الكارثة العظمى المخطوطات اللى مفيش منها نسخ تانية واتحرقت
والمصيبة ان الكتب دى مكتوبة بخط اليد ..
والفرق بين الكتاب المطبوع والكتاب اللى بخط اليد ايه ؟؟؟؟؟
انتى النهاردة روح ألف كتاب وروح مطبعة وقول لهم عايز اطبعه .... حايقول لك عشان نطبعه لازم نطبع منه عشر آلاف نسخة على الاقل مش حايطبع لك نسخة واحدة , ودلوقتى الطبع سهل يعنى الكتاب بيتكتب على الكمبيوتر وتحط فيه اى صور واى سومات انت عايزها وبينطبع فى وقت قليل .... لكن زمان كانت طبع الكتاب ده موضوع معقد جدا , يعنى كل صفحة شوف فيها كام كلمة ,,, وكلمات الحروف دى كانت بتتجمع من حروف حرف حرف , يعنى كان فيه واحد اسمه عامل تجميع كان بيجمع حروف الصفحة الواحدة فى ساعات ... بعدين الكتاب بيتقسم مجلدات زى الكراسة , بتبقى صفحة 17 مثلا قدامها صفحة 46 وبيتجمع حروف الصفحتين وبينطبعوا بعدين بيفكوا الحروف ويرجعوها مكانها كل حرف فى مربعات خشبية يعنى الالف مع الالف جنبها الالف فى وسط الكام جنبها الالف فى آخر الكلمة وكل حرف كده , بعدين بيجمعوا صفحتين تانيين ويطبعوهم وهكذا غير الرسومات والصور بيتعمل لها اكليشييهات زنكوغرافية وبتاخد وقت طويل ... شوفوا بقى الكتااب لو 300 صفحة بياخد اد ايه جمع حروف وطباعة وتغليف ,, ف بالطبع عشان تعمل المعمعة دى لازم الكاب ينطبع منه آلاف النسخ , لأنك لو حبيت تطبع منه نسخة تانية حاتعمل نفس العملية الشاقة دى ... كل القصة دى بقولها لما يكون كتاب مطبوع , يعنى لو ضاع ممكن تلاقى منه نسخة تانية فى 24 ساعة , لن انطبع منها كتير .. وفى اى مجال من مجالات المعرفة خبراء الكتب بيعرفوا يجيبوا لك النسخة مهما كان تمنها , اما الكارثة 90% من الكتب اللى اتدمرت فى المجمع كانت مكتوبة بخط اليد , زمان اوى اوى ,,, واللى بخط اليد بيبقى واحد كتب كتاب واحد قعد يكتب فيه شهور وهو نسخة واحادة فقط مفيش اختها تانى , وبيبقى قيمته لاتقدر بثمن ... وحتى لو اتصور بيبقى الصور حاجة رخيصة لكن الاثل ده تحفة فنية ,,, ومن اهم اللى ضاع كتاب وصف مصر , وده عبارة عن عشر مجلدات بحجم صفحتين الجريدة لما تفتحهم جنب بعض , وعشان تشيل مجلد من المجلدات دى تحتاج 4 رجال عشان يقدروا يشيلوه , ومرسوم كله باليد جء منه بالريشة ابيض واسود وجزء متلون الوان خارقة للعادة , والرسومات مذهلة يعنى احلى كتير واعمق وتحس فيها حياة اكتر من لو متصورة بكاميرا 100 مرة , وده نابليون لما جه مصر وعشان قيمة مصر المذهلة للعالم جاب معاه عشرات من امهر سامى فرنسا ,, كلف كل واحد منهم يقعد يرسم جزء من مصر ,,, ما سابوش شبر ولا سنتى متر فى مصر من اسوان واسكندرية إلا ورسموه , وعشان كل مصرى يفهم ايه مصر .... مصر هى البلد الوحيدة فى الدنيا اللى اتعمل عنها كتاب يرسمها كده ... النسخة دى اللى اتحرقت كانت لاتقدر بثمن ولا مليارات المليارات تعوضها ,,,اى نعم الكتااب فيه منه نسخ فى كل الدنيا , بس طبعا الاصل موضوع تانى ,,,غير كتب بخط اليد فى جميع مجالات الفنون والعلوم والآداب بخط مؤلفيها
خسارة اكبر من الوصف بكتير ,,, والمصيبة ان اللى ما اتحرقش مياه الإطفاءشلفطته ,,, يعنى انتم عارفين الحبر لو جت عليه مية بيسيح كله فى قلب بعضه ... وده فى اعتقادى جزء من خطة تخريبية لقتل مصر , او الغاء مصر من الخريطة الحضارية , يعنى ماتبقاش مصر ام الدنيا ,, لكن تبقى بلد زى اى بلد , جريمة بكل المقاييس ,, ولو انتم حزنتم قيراط كل العالم حزن 24 قيراط لأنهم بيقدروا الثقافة وبيقدروا الشىء النادرواللى مالوش مثال
خسارة خسارة خسارة
النوع
موضوع: وجهة نظر واعية لما يحدث بمصر الأن(1) 
الثلاثاء ديسمبر 20, 2011 3:15 pm
