القنبلة النووية ... ومن وجهة نظرى
احبائى
مشكلة العالم هذه الايام ان فيه ناس بتخطط وبتتكلم فى مواضيع خطيرة جدا ومفهومها صعب شوية على العامة .. واستغلا لجهل الناس بطبيعة الامور .. ومن هنا بيأتى ارهااب الناس والتخويف والتركيع .. لكن بتشغيل المخ .. ومحاولة دخول جوا مخ الناس اللى بتتكلم ممكن نخرج بأمور ابسط كتير ..
اولا القنبلة النووية دى بتكلف عشرات المليارات من الدولارات .. ومعظم الدول الفقيرة اللى بتتورط مع الدول العظمى زى الهند وباكستان على سبيل المثال .. مش هم اللى بيعملوا القنبلة النووية .. ولكن جهات خارجية عايزة تشتغلهم .. بتبعت ناس يسلطوا الدولة دى على الدولة دى .. وبيقنعوهم ان لو عندك قنبلة نووية حاتخلى عدوك او خصمك يخاف منك .. طيب ماعندهمش فلوس يبقى تتعمل بالديون او بأخذ بضائع او خدمات لمدة سنوات طويلة سداد الدين .. يعنى انا أخر مرة رحت الهند تلاقى آلاف من الفقرا اللى مش لاقيين ياكلوا يتحايلوا عليك تاخدهم معاك بلدك ويشتغلوا عندك خدامين باكلهم بس .. والتخويف من ايران وانها ممكن تعمل قنبلة نووية كلام فاضى حتى لو عملتها حاتستعملها فى ايه ؟
اناشخصيا لو رئيس جمهورية واللى بينتجوا قنابل نووية قالوا لى نديكواحدة هدية من غير ماتدفع ولا مليم حقول لهم شكراً ماتلزمنيش ..
واحب اقول لكم ليه .. اولا معلومة متوضعة عن القنبلة النووية .. فاكرين طبعا القنبلة الذرية اللى القوها على قرية هيروشيما فى اليابان سنة 1945 والفضائع اللى سببتها واللى مستمرة لحد دلوقتى التوابع بتاعتها بعد اكتر من 50 سنة .. القنبلة النووية عبارة عن قنبلة طاقتها اكتر من الذرية من 1000 الى مليون مرة ماحدش يعرف بالتحديد لكن الجدير بالذكر انتم عارفين ان اى قنبلة بيلزمها مفجر .. يعنى جهاز بيعمل حرارة عالية جدا تكفى لتفجير القنبلة .. اما القنبلة النووية المفجر بتاعها قنبلة ذرية على الاقل .. يعنى النووية بيتركب عليهاقنبلة ذرية وبتفجير القنبلة الذرية بتعمل الحرارة الكافية لتفجير القنبلة النووية .. يعنى تخيلوا كمية التدمير بتاعة الاولى اد ايه وبتاعة الاتنين معا اد ايه وبالتأطيد القنبلة الذرية خلا ال 60 سنة الماضية بقت افظع وافتك بكتير .. انا فكرت فى حاجة .. اسألكم ايه المنتج الوحيد او الاختراع الوحيد فى الدنيا اللى تصنعه لكن ما تقدرش تجربة تجربة كاملة ؟؟
يعنى مثلا الغسالة او السيارة او التليفزيون بيعملوا من الموديل الاول كذا جهاز وبعدين يجربوهم فى اقصى ظروف التشغيل ويشوفوا مميزاته وعيوبه قبلما ينزل السوق وبعدين يعملوا عليه التعديلات الازمة عشان يبقى 100% , لكن القنبلة النووية مش ممكن طبعا حد يجربها لأن انفجار قنبلة نووية فى اى مكان وانتم عارفين الارض عبارة عن كرة .. التفجير ده ممكن يدمر الحياة على ربع الكرة الارضية على الاقل .. يعنى منطقة الانفجار عرة كيلو ع الاقل تفحم كامل لكل شىء ,, بعدهم لحد اكتر من 50 كيلو نار فظيعة ماتنطفيش غير لما ما يفضلش حاجة ممكن تشتعل ,, بعدها اشاعاعات ذرية قاتلة مباشرة حوالى توصل ل 100 كليو كل ده طبعا دوائر مركزها موقع الانفجار .. بعدها غبار ذرى بيطير لآلاف الكيلومترات وبتتحمل بيه السحب والهواء ويفضل يعمل شغب عشرات السنين .. وممكن موقع الانفجار الكرة الارضية ماتتحملش يحصل فيها تفتت اوحاجة تخل بكرويتها يعنى يتلخبط دورانها او قوانين الجاذبية تتلخبط .. او يحصل تفتت .. بإختصار تفجير قنبلة نووية واحدة ممكن يلخبط كل الكرة الارضية مع دمار لنصف سكانها .. ومن هنا قلت ان اللى بيعملوها ما يقدروش يجربوها ولكن بيعملوا تجارب نووية على كمية منها يعنى مصغرات لها .. وبرضو تأثيرها خطير جدا جدا .. لأن بتطلع ضغوط على طبقات الجو العليا بتلخبط الطبيعة ,, يعنى قوة هائلة ممكن تنقل السحاب الطبيعى من قارة لقارة .. واكيد بتمعوا ان دول زى وسط افريقيا بتعيش على الامطار فى الصيف المطر انقطع عنها سنتينتلاثة ورا بعض وتحصل مجاعات .. والسحاب اللى المفروض بيمطر عندهم بيروح امكنة تانية يعمل فيها سيول .. غير درجات الحراة الغريبة اللى بنحسها وما بقاش فيه لا ربيع ولا خريف يعنى عز الحر تلاقى الشتا بيدخل فى يوم واحد مش بالتدريج زى زمان وده من العبث بالطبيعة والتنظيم الدقيق اللى خلقه ربنا .. من هنا ما اعتقدش ان اى دولة تقدر تضرب دولة تانية بقنبلة نووية ,, لأنها مش حاتضر الدولة ولكن حاتضر نفسها هى كمان ضرر شديد جدا جدا .. حتى لو فى بلد بعيدة اوى اكيد لازم يصيبها من الخراب جانب .. يعنى انا لو قالوا لى اسرائيل او ايران عندها قنبلة نووية عمرى ما اخاف لأن لو ضربتها هى كمان حاتتخرب ؟؟
لكن الخوف من حاجة واحدة برضو محتاجة تمعن دقيق .. انتم عارفين الانتحاريين اللى بيفجروا نفسهم فى الابرياء وبيقتلوهم وهم بيتخيول ان ده تدين وعمل يرضى ربنا ويدخلوا الجنة ( مع ان جميع الاديان بتقول غير كده خالص ) , التخوف الوحيد من القنبلة النووية ان تيجى دولة قيادتها انتحارية .. بمعنى ان اللى بيضرب قنبلة نووية مش من نفسه بيبقى قرار سياسى من رئيس الدولة وقيادة القوات المسحلة وكل الرؤوس الكبيرة .. لو ناس متعقلين اكيد حا يبقوا عارفين اللى انا هنا بقوله .. التخوف لو الدولة حكومتها عندها ميول انتحارية بمبدأ عليا وعلى اعدائى والتخوف من هنا فقط ... اما احتمال وجوده مش عندى
لكن التخويف والتهديد بالقنابل النووية ... مش علينا احنا ناس بنشغل مخنا .. وحتى امريكا اقول لكم على سر هى الظاهر انها بتحارب ان ايران تمتلكها لكن الباطن بيشجعوا من تحت لتحت ان ايران تصرف عليها اكبر فلوس ممكنة وتفلس او تتراكم عليها ديون تقطم وسطها لأن المديون بيبقى دايما صوته خافت
مع اطيب تحياتى
النوع
موضوع: القنبلة النووية من وجهة نظرى 
الأربعاء مارس 21, 2012 3:57 am
