شهداء مصر علي حدود مصر

راح البيـــاض م العلم
و مبقاش غير السواد والدم

و دموع كاسرها الهم

ابكانى بكائا شديدا
انا لله وانا اليه راجعون

شهداء مصر علي حدود مصر 530232_269115929856650_1430308618_n

شهداء مصر علي حدود مصر 530232_269115929856650_1430308618_n

لالالالالالالالالالالالالالالالالالالالالالالالالالالالالالالا
أه أه أه أه أه بأعلى صوت من القلب أه أه ه ه ه ه ه ه ه ه
عرفين لما سمعت هذا الخبر أتمنيت أن ارجع الخدمة والبس اللبس العسكري مرة أخرى لكى اخذ بثار إخواني و أبنائى الضباط والعسكر والله هذه حقيقة فأنا أتمنى الشهادة مثلهم وغيري الكثير من أبناء جيش مصر فنحن إذا نزفنا نقطة دم طاهرة فلدينا نهر دماء خالدة والله والله ليدفعوا ثمن هذا الدم الغالى فنحن جيش لا يعرف الخوف وقوتنا فى دمائنا الطاهرة وقولوا للعالم إن مصر مش هتقبل عزاء إلا لما نأخذ بالثأر للشهداء دمهم غالى أوى أوى
وأقول لكل من شارك أو ساهم أو نفذ هذه العملية الحقيرة سوف تندم ندم شديد ده إن لحقت تندم أساسا ولا تطمأن فسوف تكتشف انك حقير وجبان وأين كنت سوف تذوق العزاب ألوان حتى لو كنت فى بطن أمك فالموضوع اكبر بكثير من 20 ضابط و عسكرى يقتلوا هذا شرف العسكرية المصرية بل شرف مصر كلها آه سوف أموت غيضا ......أين سلاحي أين قواتي آه آه أنا فى حسرة أنا فى غيض .
35 كلب مثل هؤلاء وعليهم لا يقل عن 35 كلب أخر ساعد وخطط ودرب ومن قرأتى فى هذا الموضوع و أسلوب الهجوم واضح انه هجوم تكتيكى مخطط ومنظم و لهم ذراع عسكرى وهذا ان شاء الله سوف يكشفهم وسوف يعلموا تماما ما هى القوات المسلحة المصرية وان شاء الله سوف يكون الدرس قاصى عليهم ويكونوا عبرة لكل من لا يعتبر و أنصح ابنائى من القوات المسلحة اليقظة وكثرة العرق فى التدريب توفر الدماء فى المعركة .

نفسي أعيط علشان أنفس شويه عن اللي جوايا بس الدموع مش راضيه تنزل !

للأسف جدا ؛ أحقر شيئ في البلد دي فعلا هوا العسكري !

النهارده طول النهار أول بيت من نشيد الجيش عمال يتردد في خاطري :
رسمنا علي القلب وجه الوطن
نخيلا ونيلا وشعبا أصيلا !

يارب فطرهم عندك دول غلابه !!!

كل الحزن عليكي يا مصر
تفتكروا حق الشهداء دول هاييجي ولا زيهم زي كل الشهدا اللي ماتوا من أول الثورة وللأسف حقهم مجاش لحد دلوقتى.. للأسف مفيش حاجة بقي موثوق فيها حتى الأخبار اللي بتتقال في الإعلام برضه مابقاش موثوق فيها
والمسئولين مش شاطرين غير في الوعود لكن مابنشوفش حاجة علي أرض الواقع كلها صفقات مشبوهة ولعب من تحت الترابيزة والشعب المصري هو الضحية
صبرنا ياارب إحنا بجد تعبنا

الاستاذ Mahmoud.Abdalkarim
قال : للأسف جدا ؛ أحقر شيئ في البلد دي فعلا هوا العسكري !

هذا الكلام خطاء ومن يقوله لا يعرف ما هى الحياه العسكرية ويرها من اديق ابوابها
عسكرى وصف وضابط كلهم ابناء مصر
اما عن الحقاره هى صفة ليست ملك خاص ولكن هى للكل من يريد ان يكتسبها وليست من حق احد ان ينسبها الى احد لانها ليست من حقه فكرامة العسكرى من كرامة الجيش من كرامة البلد فعلم كل العلم بأنه لايوجد فى مصر حقير سواء كان مواطن او عسكرى او ضابط او دكتور ......... فنحن مصريين اعزاء فلا تقول هذا ارجوك فهذا غير مقبول .

يا احبائى

لن اعزيكم الآن ... لأننا صعايدة والصعايدة مش بيقبلوا العزاء إلا لما ياخدوا بالتار حتى لو استمر او التار انتظر 30 سنة
بس انا نفسى اسألأ الاخوة اللى ضربوا الظباط والجنود دول ساعة أو لحظة الافطار كانوا هم نفسهم فاطرين ولاصايمين ؟؟؟
يعنى هل كانوا صايمين وفطروا بعد ما ارتكبوا الجريمة القذرة الحقيرة دى ولا فطروا اليوم ده عشان ساعة ارتكاب الجريمة القذرة دى يكونوا بكامل صحتهم ؟؟
والمشكلة الاخطر لما تسمع الموضوع حتى لو من كذا مصدر تسمع كلمة جماعة دينية او حزب دينى هو الدين قال كده ياجماعة ؟؟
ايه اللى بيحصل ده هو الجماعة الدينية بتتكون عشان تنشر وتظهر الجوانب الجميلة فى الدين ولا تنتهك الدين
نفسى اعرف لو واحد من دول ساعة ماحيقابل ربنا حيقول له ايه ؟؟ ولا هم بيتبعوا دين تانى جديد بيبح القتل وارتكاب جميع ماحرمه الدين ؟؟؟
الجيش المصرى النبيل الكريم اللى وانت قاعد فى بيتكم مولع المروحة او مشغل التكييف وعمال تتفرج على التليفزيون هو قاعد على الحديد فى درجة حرارة فى الصحراء ببقى اعلى من جوا المدن كتير .. بيسهر بالليل يحرسك وهو معرض لتعابين وعقارب بتطلع من الرمل ... لكن مش بيخاف ومش بيتراجع
ومش بيفتح التلاجة ويشرب مية ساقعة ولكن بيشرب مية مغلية وبيشكر ربنا لأنه واقف هناك عشان يؤدى واجبه الوطنى انو يحميك
وفى اى لحظة ممكن يضحى بحياتة راضيا عشان يحمى تراب الوطن وشرف الوطن
المشكلة الاساسية ان الارواح دى راحت عشان لعب سياسية قذرة .... يعنى دول اصحاب دول ودول بببيجاملوا دول ودول عايزن يعملوا مقلب يحرج دول
وعادى لما فى التحرير يموت عشرات ولا فى اى مكان يموت ابرياء حتى مباريات الكورة ماسلمتش من المذابح
وعادى مانلاقيش سولار لأن السولار بيتقدم هدية لدول اللى هم اصحاب دول
وعادى تنقطع الكهربا لأن الكهربا بتتقدم هدية لدول اللى هم حبايب دول
وعادى يتم الافراج عن ناس محكوم عليها بالإعدام لأنهم بينتموا الى دول ... وعادى ان يكون فيه ناس فوق المساءلة او فوق القوانين لأنهم بينتموا الى دول
ماحدش واخد باله ان الوطن ده شىء مقدس واى واحد حايقعد على كرسة حساس فى الوطن حايتحاسب فى يومه حساب عسير عسير عسير
من على اخطاؤه الشخصية ولكن عمل ايه فى الوطن
ونفسى نفتكر سيدنا عمر رضى الله عنه لما كان حاسس باللى بقوله وان ربنا حايحاسبه على كل واحد يبات جعان فى الرعية بتاعته .. وماكانش بيعرف ينام إلا لما ينزل بنفسه يشوف الناس عاملة ايه ... ياترى اللى بيشبهوا نفسهم بالصحابة بيعملوا ايه ؟؟
وبعدين للعلم كل جريمة بترتكب او كل نقطة دم بتسال فى اى مكان فيه ناس اكيد عارفين مين اللى عملها ... لأننا فى دولة مش فى سويقة
دولة يعنى فيها على الاقل 4 اجهزة استخباراتية بتعرف دبة النملة
والسؤال هل الحادث القذر ده حايعدى زى الحوادث اللى قبله ؟؟؟ ويعنى نقعد نصوت ونتشنج اسبوع بعدين نغير الموضوع زى كل مرة ؟
لأن خلوا بالكم لو الموضوع اتكشف حايبقوا مطالبين باللى فات لأن القتل مش بينمحى بالتقادم
مع اطيب تحياتى

استاذة ايات سيظل اللون الابيض في علمنا لأن نحن دولة سلمية وهذا من طباعنالكن ليس معني ذالك ان نسكت عن حقنا ونترك دماء شهدائنا تذهب هبأ لكن سنظل وسنحي ونموت سلمين
____________________________________________________
استاذ خالد بجد حضرتك عندك حق وأنا بجد اعرف ناس كتير نفسهم ينزلو مصر علشان يخدموها تاني
___________________________________________________________
محمود ممكن يكون حق العسكري المصري مكنش ليه معني أيام المخلوع بس أكيد العسكري ده انسان حقه مش هيضيع في اي زمان او مكان فالعسكري المصري خاصتا له قيمه ثانية مع احترامي لكل الدول العربية
___________________________________________________________
_استاذ عادل انا مع حضرتك ان مفيش عزاء الي لما يتحقق ما يطالب به محمود عبد الكريم وشعب مصر كله لأن من حق كل عسكري كان بيسهر اليالي في الصحرة وبيشوف الزل وتكفي بس غربته عن اببيه وامه يكفي بعده عن حضن امه يكفيه اشتياقه لابنه او ابنته
____________________________________________________
اما انا بقول كلمة وحده بس يا اسرائيل انا اسمي مصر يعني من اخر الكلام الافلام بتاعتهم دي خلاص جيم اوفر معتش بتخش دمغنا مع ان هي مكنتش بتخش اصلا وبعدين احنا مش عيزين من حد حاجة الي بيقولك هنمد مصر بتأمينات احنا نقدر نامن العالم كله متشكرين اوي مع ان التأمين ده له اغراض لديكم من الاخر سيناء ستظل مصرية حتي اخر نقطة في دم كل مصري مهما كان عجوزا او شابا او طفلا او رجالا او نساء [img] شهداء مصر علي حدود مصر 144797222

[/img]

الحقيقه يا سياده المقدم خالد أنا عندي رد قوي وقوي جدا كمان وغايه في المنطق علي وجه نظر حضرتك ، لكن شعورا بالمراره يجتاحني بعمق فلا أستطيع أن أسترسل الآن
لكن ...

لو حضرتك في كل مره لما كان العسكري بيأدي التحيه العسكريه لحضرتك كنت بتردها يبقي العسكري مش حقير !

لو حضرتك مش هتشوف واحد صاحبك معرفه علشان يطلع ابنك من الجيش أو يتوزع علي سلاح كويس وفي مكان مرتاح يبقي العسكري مش حقير !

لو حضرتك كنت بتاكل من ميس العساكر ومكنتش مسخر عسكري شغال لك خادم (حتي لو كان بإرادته ) وزمايله مسمينه سيكا ! ، يبقي العسكري مش حقير !

لو حضرتك عمرك ما شتمت عسكري بأبوه أو أمه أو مديت إيدك عليه لأي سبب يبقي العسكري مش حقير !

لو حضرتك عمرك ما كدرت عسكري ظلم يبقي العسكري مش حقير !

لو حضرتك عمرك ما عملت جميله لواحد صاحبك وريحت عسكري تبعه علي حساب زمايله يبقي العسكري مش حقير !

لو 20% من عساكر الجيش المصري العظيم كانت إجابتهم ب نعم علي السؤال ده :
لو رجعت بيك الأيام تاني وكان لك الإختيار هتدخل الجيش ؟
لو 20% بس (تخيل ) قالوا نعم يبقي العسكري مش حقير !

لو ربع في الماىه من عساكر الجيش مشتموش الجيش ولعنوا أم الجيش علي أم اللي فيه يبقي العسكري مش حقير !

لو 50% من العساكر خلصوا جيشهم ومكرهوش حته القماشه اللي عليها علم مصر يبقي العسكري مش حقير !

لو 30% من عساكر الجيش مشتموش مصر وأم مصر وهما ف الجيش يبقي العسكري مش حقير !

لو فيه 25% من قاده الكتائب عساكرهم بتحبهم يبقي العسكري مش حقير !

لو فيه 10% من العساكر مستحلفوش لضابط أو صف ضابط إنه لو قابله برا بعد ما يخلص جيش هيهزأه يبقي العسكري مش حقير !

لو فيه 25% من الساده قاده الكتائب والسرايا مقتنعين بإن القاعده دي :تريح العسكري يتعبك ، وتتعب العسكري يريحك اللي درسوها لكم في الكليه صح يبقي العسكري مش حقير !

لو حضرتك إقتنعت بأن النسب اللي ذكرتها فوق دي والكلام اللي قلته صح 100% يبقي العسكري مش حقير !

لو حضرتك كان عندك من الإهتمام ولو النذر اليسير بالكلام اللي بقوله وهترجع تقرا كلامي تاني وتركز ف النسب يبقي العسكري مش حقير !
بس حضرتك عمرك ما هتصدقني ببساطه لإنك عمرك ما كنت عسكري !

لو حاجات كتير أوي يا فندم بس اللي يسمع !!!

اه نسيت أعرف نفسي يا فندم
جندي مجند / عسكري حقير !

في كلمها سمعتها
اسرائيل لعبتها ومصر بلعتها وغزة لبستها ودا اللي حصل
فهمنا ان غزة ولا الجهاد هو اللي عملها وطيب وايه مصلحتهم كل المصلحة مصلحة اسرائيل علشان
المنافق تتقفل وكمان طريق رفع يتقفل فخلاص بس اكتر حاجة مزعلاني اننا خلاص دمنا بقي رخيص علشان
كلاب زي اسرئيل قصدي الصهاينة ياعملوا كدا حسبي الله ونعم الوكيل
..................................................................
استاذ محمود متقولش كدا لان مش العسكر اللي حقير الحقير هو اللي وصل الموضوع للدرجة دي ياريت تبقي فهمني وفعلا مفيش حاجة تستاهل خلاص حتي الجيش ، الجيش ساب الحدود ومسك المزانية عليه العوض يابلد

استاذ محمود
لا يوجد فى مصر جندى مجند / عسكرى حقير
واذا كان فعليك اثبات ذلك .
هههههههههههه
تسمح لى ان قول لك هذا الكلام تهويل ومعاير خاصه بك وليست بقوانين واسس وقواعد مفروضه علينا لتصبح مسلمات .
اما عن الحقارة فهى موضوع كبير ولك التوضيح :

السؤال : متى يحتقر الإنسان نفسه؟؟!!!

عندما تشعر في داخلك أنك تكره كل شئ جميل في حياتك ولا تحس به ؛؛
فأنت اذن !!

عندما ترفض النعم التي تفضل الله بها عليك ولا تحمد الله عليها ؛؛
فأنت اذن !!

عندما تستشعر أن حياتك يجب أن لا تكون بهذا الواقع بل أفضل من ذلك أي ترفض الواقع الذي تعيش فيه ؛؛
فأنت اذن !!

عندما تسخر نفسك من نفسك ولا ترضى بها ؛؛
فأنت اذن !!

عندما تختفي مشاعر الرحمة والشفقة من قلبك ويطبع عليه بمشاعر أخرى ؛؛
فأنت اذن !!

عندما تتحجر أحاسيس الحب ولا تقدمه لمن أحبوك ؛؛
فأنت اذن !!

عندما تعبس بوجهك لكل من نظر اليك نظر حب اعجاب احترام لانك لا تنتظر من أحد أن يقدم لك هذه المشاعر الجميله فأنت مكتفي بتقدير نفسك ؛؛
فأنت اذن !!

عندما تنظر الى من حولك أنهم أقل منك شئنا وأنت دائما الأفضل رغم أن العكس صحيح ؛؛
فأنت اذن !!

عندما تتنكر لمن لهم الفضل بعد الله تعالي في وجودك للحياة ؛؛
فأنت اذن !!

عندما تتحجر أحاسيسك على من قام بتربيتك والأنفاق عليك والخوف عليك من مخاطر الحياة حتى لو قصروا على أنفسهم وراحتهم ؛؛
فأنت اذن !!

عندما تخجل من أهلك ولا تعترف بهم بل وترفضهم في حياتك ؛؛
فأنت اذن !!

عندما تتمنى لو أنك ولدت في دولة أخرى غير الأرض التي تربيت عليها وتنعمت من خيراتها ؛؛
فأنت اذن !!

عندما تسعى جاهدا لحصول أمنتيك حتى لو أدت الى إيذاءمن حولك دون مبالاة منك ؛؛
فأنت اذن !!

عندما تعتقد أنه لا يوجد أحد يستحق الزواج بك لانهم دون مستواك وأنك رفيع الشان ؛؛
فأنت اذن !!

عندما تفكر بالزواج من شخص من دولة غير دولتك وتسعي للحصول على هذه الأمنية ولا يهم إن كان هذا الشخص يستحق التضحية وهل هو إنسان سوي وعلى خلق أم لا ؟ فقط الرغبة بالزواج من خارج حدود الدوله ؛؛
فأنت اذن !!

؛؛ اذن أنت !! تحتقر نفسك في جميع الحالات ؛؛

أنت بذلك تصبح انسان سئ في صفاتك وليس بأخلاقك بل أن هذا يؤدي الى سوء أخلاقك وطريقة تعاملك مع الآخرين حيث أنك تتعامل معهم بما تريده أنت وهوى نفسك وليس كما يريد من حولك فيتولد لديك الأعتقاد بأنك الصح في تفكيرك وقد نسيت وأنت بهذه الحالة وبجميع ما ذكرت أنك تحتقر نفسك قبل أن تحتقر من حولك ،، هذه الشخصية تجدها في كل مكان ولكن من الصعب أن تلتقي بها بسهولة ،،

لا أملك غير البكاء

مروه :
أنا فاهم كلامك كويس وعندك حق ، بس أنا مش حقير ، أنا عسكري حقير !
الجيش مش شايفني غير عسكري حقير وضيع نكره
من الأخر مليش قيمه !
هوا دا أصدي من كلامي
هما شايفينا كدا وبيعاملونا علي إننا كدا ، إحنا مكنش نفسنا نكون بالنسبه لهم كدا ولا فرحانين !
بس دا الواقع للأسف وأي حد دخل الجيش كعسكري إسألوه الكلام ده صح ولا لأ ؟
أنا عارف إن محدش هيصدق لإني مكنتش مصدق زيكم لحد ما جربت بنفسي !
إنت عندهم هناك مش دكتور ولا مهندس ولا مدرس ولا محاسب ولا حتي بني آدم لك حقوق آدميه أساسيه بغض النظر خالص عمن تكون
لما يحبوا يذلوك ويكسروا فيك إرادتك وإحساسك إنك حد محترم يناديك ويقول لك إجمع يا عسكري ويتكي علي كلمه عسكري أوي في إشاره منه إلي كينونتك الحاليه الــ ....
الحقيره !
وإلا كان ناداك بإسمك وهو يحفظه ثنائي علي الأقل !

سياده المقدم :
لا تعليق علي كلام حضرتك مطلقا
لإن كلامي من الوضوح والصراحه المباشره بحيث لا يحتمل التأويل

ربنا معاك يا استاذ محمود ويعينك يارب
................................................
عمو خالد هو حضرتك بتشتغل في الجيش

دلواقتي عكاشة بيقول الاخوان وحماس هما اللي عملوا كدا علشان يكسروا المجلس العسكري
طيب سؤال بقي هيا فين المخابرات العامة والمخابرات العسكرية في كل الليلة دي اعتقد انهم بيعرفوا خرم الابرة ولا انا غلطانة

يا حضرة الجندى المجند العسكرى .......
إذا كان هذا رأيك فى العسكرى أو الإحساس الذى أنت حاسس به نحو العسكرى ومقدره داخل الحياة العسكرية وهذا الإحساس خطاء طبعا واستطيع القول انك حتى ألان لم تعلم ما هى العسكرية و ما هى الحياة العسكرية ودعني اشرحها لك حتى تستطيع ان تعيشها بحب واستفادة وليس بكره وبغيضة واعلم اننى مرت بنفس ظروفك ونفس الإحساس وكنت اصغر منك سننا بس مع الفرق .
دخلت هذه الحياة الصعبة والجميلة مع العلم بأنني كنت وحيد وليس لى جيش اى وحيد على بنتين اى مدلع وكان مجموعي فى الثانوية دخلني كلية هندسة حلوان ورغم ذلك دخلت الكلية الحربية اى عن رغبة وحب وليس عن اضطرار المهم لم أطول عليك .
تخيل أنت من ولد مدلل لأمة وأبوه فى أسرة متيسرة والحمد الله إلى حياة عسكرية وعكسها تماما فى كل شئ فعلا فى كل شئ فكان من الطبيعي أن اكره هذه الحياة واسقم عليها وان اهرب أو أستقيل منها و.....
والغريب اننى أحب الحياة العسكرية والكلية الحربية رغم العزاب والتعب و...........الذى مروا عليه وعلى دفعتي بالكامل عرف ليه أقولك ليه .
علمونا حب الجماعة والتوحيد وقوة الفرد من قوة الجماعة عرف أتعلمتها ازاى بس متضحكش
أول شيء فى الحياة العسكرية هى قص الشعر زيرو صح عرف ليه ؟
طبعا ممكن تقول غلاسه أو كسر نفس أو الازلال أو ..........
ولكن الحقيق هى :
1 * نظافة وتوفير والحفاظ على المياه فى الحرب لان نقطة المياه فى الجبل تساوى حياه
2* نفسيا انك دخل على حياه جديدة فيها تغير لك فى كل شئ وهى عكس حياتك السابقة 180 درجة .
3* التوحيد فى الشكل لكل الدفعة حتى فى طول شعر الرأس وأحسسنا كلنا نفس الإحساس فى نفس الوقت .
4* عدم التميز بيننا فى الشكل حتى نصبح جميعا جسد واحد
وكل هذا تحت بند واحد وهو الشعر وهذا على سبيل المثال وليس على سبيل الحصر
وأيضا هل تعلم ما المقصود من التعليم من الخطوة المعتادة ؟
المقصود منها إننا جسد واحد نفس واحد لبس واحد خطوه واحدة اى الكل فى واحد فعلم كل العلم بان الحياة العسكرية كلها علم وخبرة والله أنا عن نفسى اعشقها برغم من كل المصاعب فيها فتعلم كيف تحبها ولا تنقدها حتى تستفيد منه فهى فترة مهمة جدا فى حياتك ولا تنظر فيها للأوامر بسطحية بينما انظر فى الأوامر بعمق حتى تعشقها .

ابنتى مروه انا كانت اعمل فى الجيش

احبائى
انا آلمنى اوى اوى شعور الابن العزيز محمد عبد الكريم بالمرارة بس عايز اقول لو حاجة
الجيش .. او اى جيش فى الدنيا اولا عساكر وثانيا ضباط ...
يعنى تخيل لو مجموعة بتتكون من عشرين عسكرى وعليهم ضابط هل الضابط ده يقدر يعمل حاجة بدون العساكر دول ؟؟؟؟
نيجى بقى للمصيبة السودة
المصيبة السودة هى وانا بكتب لكم الكلام ده الساعة 4 الفجر لسه قافل التليفزيون وفيه اخبار عن 3 اشتباكات يعنى ناس اشتبكوا مع الجيش فى 3 مواقع داخل سيناء بس مش جوا شوية يعنى مش على الحدود عشان مانشكش فى اسرائيل اول حاجة
طبعا لسه الاخبار مش دقيق يعنى الخسائر لسه البيانات لسه ماجتش وربنا يستر لأنهم طبعا مش بيضربوا بمب ولا صواريخ من بتاعة العزيزة بنت العرب
دول بيضربوا بأسلحة تقيلة ... بس المرة دى ماضربوش ساعة الفطار يعنى ضربوا بعد الفطار بشوية
وبعدين يا احيائى التااريخ التاريخ التاريخ ... كل مصيبة بتحصل بتتنسى مع اننا لازم نحوش المصايب يعنى كل ماتحصل مصيبة لازم نكتبها فى ورقى ونلزقها قدامنا على الحائط عشان نبص عليهم ونعرف بقى عندنا كام مصيبة ... لأننا النهاردة بنتكلم على المصيبة الاخيرة .. ماحدش افتكر كام مرة تم الاعتداء على المواقع والكمائن الحدودية وقى نفس المكان .... وكام شهيد راح قبل كده خلال الفترة الاخيرة ... وبننسى المصابين واللى ساعات بتكون اصاباتهم اسوأ من الاستشهاد ... يعنى المجندين دول اول حاجة مش جايين من الصين زى كل حاجة فى مصر دلوقتى ... ولكن دول ولادنا واخوك وابن عمك
ومش كلهم ولاد ناس مستريحين ... معظم المجندين وبالذات الى مش مؤهلات يعنى تلاقى اللى فلاح وفاتح بيت واللى عامل وبيعول اسرة
النهاردة شهيد من الشهداء عندو طفل عمره 14 شهر وطفل تانى جاى فى السكة ... وبيعول اسرة ... يعنى يمكن مش لاقيين العيش الحاف لحد مايخلص تجنيد ويرجع لهم ...
الحوادث اللى بتحصل بالطبع اكبر جهة كسبانة منها هى اسرائيل ... لكن مش اسرائيل اللى بتنفذها ... يمكن اسرائيل بتدفع ... لكن اللى بينفذوها زى دود المش .. منو .. فيه ... يعنى اكبر مصيبة دلوقتى حالا اننا نتهم اسرائيل ونسكت ... اخطر شىء نشوف مين اللى منا فينا ياعرب اللى بينفذ مخططات اسرائيل
او مين اللى قابض مليارات من اسرائيل وبيستدرج شباب مش فاهمين اللى هم بيعملوه ... بالطبع مش حانكر ان اسرائيل هى المستفيد الاول
لكن اسرائيل مش بتعمل بإيدها خلوا بالكم عشان ماندخلش فى سكة غلط ... يعنى نوجه انظارنا ناحية والتعابين بتلعب فى الناحية التانية
مع اطيب تحياتى

قلبى واجعنى على مصر و حاسة ان اللى جاى اسود

يا رب احفظ مصر

بص يا حضره الضابط أنا كلامي ومعناه وأسئلتي كانت واضحه زي الشمس !
حضرتك عمال تلف وتدور علشان معندكش إجابه ورد علي كلامي وكبرياء العسكري بداخلك يمنعك من أن تبدو في موقف الضعيف فبترد بكلام في غير سياق الموضوع !

وتعليقا علي ما كتبت :

حضرتك بتقول إنت مش فاهم العسكريه وأشرحلك !

حضرتك بتتكلم عن النظري اللي درستوه أنا بكلمك في الواقع العملي اللي إحنا عايشينه !
النظريه براقه جدا ، لكن الفرق كبير بين النظريه والتطبيق الحالي ، حضرتك مش عاوز تصدق إنت حر
بس لو حضرتك صادق في اللي بتقوله مكنتش(كضابط) لما ابنك يجي داخل الجيش هتشوف واسطه له !
هتشوف واسطه ليه مادامت الدنيا حلوه في الجيش !

لو حضرتك بتتكلم في إن أنا كنت داخل الجيش وكارهه واللي بقوله دا نتاج طبيعي لكدا أحب أقول حضرتك ممكن تدور علي مبرر تاني لإن أنا كتبت هنا ف الموقع في موضوع بعنوان :
كلمه وداع قبل الرحيل
أنني سعيد وفخور إن أنا هبقي عسكري ف الجيش !
وأصدمك بأه أنا عمري ما دعيت ربنا إني أخد تأجيل !

أنا ببقي بتقطع من جوه لما بسمع عسكري بيشتم مصر
كذا ........... أمك يا مصر !
وأنا مش قادر أقوله حاجه !

حضره الضابط أنا كعسكري مش مشكلتي ف الجيش مشكله ماديه ؛ شعر وذقن وأكل وشرب وسرير وحمام مع كامي إحتفاظي بأن هذه من حقوقي الأساسيه ويحق لي أن أتمتع بها كما يفعل أي ضابط وإلا فليكن التقشف علي الجميع
حضرتك رتبتك اللي علي كتفيك لا تجعلك من طبقه إنسانيه أرقي مني حتي تستمتع أنت بهذه الحقوق الإنسانيه الأساسيه وأنا لأنني عسكري تكون محرمه علي بدعاوي ومبررات لا نهائيه ، هوا مش مفروض القائد يبقي قدوه لنا برضه ويتقشف قبلنا ؟
وبالرغم من هذا أنا أقسم علي أن مشكلتنا ليست في هذه الماديات أو الحياه القاسيه ، المعامله الأدميه يا سياده المقدم
إنك تعاملني بإحترام ومن دون إهانه ببساطه لأن دا أقل حقوقي كإنسان !
حضرتك بتقول تتغلب علي الصعوبات دي بروح وقوه الجماعه وكلام حضرتك صح جدا بس إزاي يبقي فيه الروح دي وأنا كرامتي بتمتهن !
الأجواء الودوده تصنع الروح الطيبه يا فندم الروح مش بالأمر !
أكلني طين بس عاملني بإحترام !
متعاملنيش معامله العبد وتطلب مني أحبك وتبقي روحي حلوه !
علي أتم الإستعداد إني أعيش في ظروف أصعب من كدا بمراحل بس بشرطين :
معامله محترمه
غرض نبيل وهو خدمه البلد فعلا !(وحط هنا علامات إستفهام كتير !)
سياده المقدم عمر التغيير في الجيش ما هيجي من تحت لفوق
وعمر ما هيحصل تغيير غير لما حضرتك تعترف إن فيه مشكله مش تكابر وتبرر بإن أنا مش فاهم
سياده المقدم إرجع وإقرأ التاريخ تاني وإقرأ سبب هزيمتنا في 67 وإقرأ سبب نصرنا في 73
السبب في الإثنين كانت الروح اللي حضرتك قلت عليها !
إنتهي .

ربنا يهدى الجميع
بلاش هذا الأسلوب فى النقاش فأنا ليس فى وضع متهم وخائف آو ضعيف يحضرة العسكرى
وبعيدا عن العسكرية فأسلوب الحديث معك ينم عن شخصية جميلة ذات قلب ابيض وجميل وأشكرك على كافة النقاط الجميلة التى أشرت إليها والتى توضح للجميع عما تكن بداخلك .......
ولكن أعزرك فأنت من دور ابنائى وتمر بظروف واضح أنها صعبة ربنا معاك
وشكرا على إنهاء الكلام معك فعلا هذا اسلم شئ ههههه
أه و أحب أعرفك بنفسي
البكباشي
و حديثا يعني مقدم
و عماليا ضابط عظيم
و مهنيا مقاتل
مدنى مدير عام
وعند نهاية الحديث معك أقولك انتهاء وانصرف

» في حدود المحبة حدود الكلام ! ( الميثاق لكل الأعضاء )
» الحكومة المصريّة تحاصر الفضائيّات: للصبر حدود!
» ازاي تخلي يومك كله انتعاش وحيوية ونشاط بلا حدود ..تعالي اقولك انا
» احنا اسفين يا شهداء ومصابي الثورة
» بحبك يا بلادى ( اغنيه شهداء الثورة ) 2011