في حدود المحبة حدود الكلام ! ( الميثاق لكل الأعضاء )

لم يحدث وارجو ألا يحدث .. تقبلوا مني هذا الكلام

كلامي في الموضوع لا أقوله من باب الاستعلاء على أحد ، لكن من باب فتح حوار قبل فوات الأوان ، اتهمنا البعض واتهم غيرنا بأننا مجرد عشاق لمنى الشاذلي يتطور كلامنا عنها أويهبط ويبتذل الى دائرة العشق ، وقد يكون هذا الاتهام مبالغ فيه الى حد كبير ، لكن من الممكن حدوثه وأرى أن هناك بوادر لهذا المسلك وهو محدود لكن الخوف لو تطور الى ما أخاف منه واربأ بهذا المنتدى من الوقوع فيه ، لأنه لو وقعنا وتمادينا ستكون انتهاء عضويتي أنا شخصيا بدون أن أجبر أحدا على أن يرتدع ويعود ولكن لا أملك الا أن أقدم له تلك الكلمات .

والكلام هذا موجه بدرجة كبيرة للشباب بوجه خاص لأن البنات لو تمادت في حبها لمنى الشاذلي لا يصيبها هذا باحراج ، ولكن من الممكن أن يتخفى شاب في عضوية أنثى ويقول مالا يستطيع أن يقوله وهو شاب ، ومن هذا المنطلق أرجو من البنات مراعاة ذلك وعدم فتح الطريق أمام الشباب للتمادي في هذا المسلك الغير لائق لنا ولا لشخصية منى الشاذلي ،أنا لم أقل ان هذا حدث لكن لا نسبب له أسباب حدوثه .

لذا سأبدأ بنفسي وللجميع حرية اختيار موافقتي في هذا الرأي والمنهج أم لا يوافقون هذه حريتهم ، سيكون كلامي في المنتدى له حدود وهذه الحدود هي حدود المحبة لشخصية منى الشاذلي وهذا غير العشق والحب ، لن أصف وأمدح في ملامح ولا مفاتن في السيدة المحترمة والمتزوجة منى الشاذلي ، لن أقبل هذا لها ولا لنفسي ، ولسبب آخر أن من يتابع منى الشاذلي من المفروض أن تفكيره يبعد عن هذه الأفكار المريضة ، فمحبتي لمنى الشاذلي محبتي لأختي لأمي لقريبتي لأي شخصية محترمة اقتربت من همومنا كصديق قريب لنا ومخلص .

سيقول واحد أن هناك فنانين وفنانات لهم معجبون ويقولون لهم أكثر مما يقال عن منى الشاذلي ، فاقول هذا وضع وهذا وضع آخر ، مكانة منى الشاذلي عمليا وجماهيريا لا تتطلب ولا يجوز فيها ما يجوز للفنانات وما أدراك من هم بعض الفنانات ، منى الشاذلي في مكانة راقية أرجو أن لا نهبط بتلك المكانة الى أسفل افهذا ترفضه منى الشاذلي شخصيا . فليبتعد الباحثون عن فوارس الاحلام وفتيات الأحلام بكلامهم وليبقى عقلهم مخزنا له غير مخزن المنتدى .

من الممكن أن نتلكم عن منى الشاذلي بكلام كثير ، لكن كل هذا في حدود المحبة التي تصنع حدودا للكلام ..

والنقاش مفتوح .................................. في حدود المحبة أيضا

اديب كلامك لا يختلف عليه اثنين...وانا حقيقي بخاف من النقطة دي



وصدقني في موضوع مفتوح حاليا ..ينطبق عليه كلامك ...بالعكس انا عايزة الموقع



يزيد تعليقات اكتر..يعني لما بلقي تعليقات قليلة علي الحلقة مثلا بضايق ..او بمعني اصح



تعليقات الحلقة حلوة وكلمتين وخلاص لا..انا عايزة الكل يقول كل محلظاته الي بتبقي



بدور في دماغه اثناء الحلقة...وفكرة الحب الزايد لدرجة العشق...المشكلة اني مش بقدر



احذف مشاركات غير الي بيستخدم فيها الفاظ او تدخل في حياة حد الشخصية ...الخ



لكن الردود الي فميها مدح زايد ... ببقي مش عارفة اذا كان الامر زاد من العضو في كلامه



ولا هو مقتن بكده لدرجة العشق...ببقي في حيره شديدة..وكمان حتي مسالة الكلام الزايد عن حده



يعني مثلا..



خليكوا معايا في النقطة دي:



عضو يعمل موضوع حلو ويفتح باب للنقاش..ويجي حد يرد ويهزر هزاراية ..القي الموضوع



وصل لاربع خمس صفحات..هزار علي الهزارية دي فقط..!!!!!!!



ولكن طبعا في الاول وفي الاخر الموضوع لا يخلوا من الموضوعات الجيدة والتعليقات البنائه



والتي النسبة الاكبر..بس ياريت نفضل علي كده..لاني مش هقبل بغير كده



يعني انا عايزة اقتراحات منكم وخصوصا انت يا اديب عشان نقدر نقف للاي حاجة من النوع ده



ظهرت في الموقع



..........................وشكرا لطرحك الموضوع يا اديب.............

.

موافق تماما لكلامك يا ايات و يا جنه ..... لكن اللي عايز اقوله حب الناس للملكه هو اللي بيخليهم يعملوا كده ... لانها جميله في كل حاجه ...جمال الروح و الشكل و العقل و الفكر و العلم و الشخصيه..... جميله في كل شئ ...

امير

سالمه انا معاكي .. اللي بتقوليه ده هو المراهقه عند الشباب الصغير .. وده ارفضه تماما .. لو كان بيتفرج علشان شكلها و جمالها فقط ده مرفوض تماما ... بس انا باعذرهم لسنهم الصغير .. لما حيكبروا حيبصوا للموضوع ده بزاويه اخري حيتفرج و يستمتع و يمكن مايخدش باله من تفاصيل شكلها و لكن الاستمتاع بجمال تسلسلها في المواضيع و طريقة حوارها و ذكاءها في مناقشتها للضيوف ... ده الجمال الحقيقي ... و لكن سن المشاهد له عامل اساسي .. و في المنتدي ارجو من كل المشرفين حذف كل ما يسبب احراجا لمني الشاذلي حتي يظل المنتدي يحترم شخصية مني الشاذلي و يبعد كل من يحاول ان ينفث عن مراهقته و امراضه النفسيه ...
امير

تمام يا استاذ امير اللة ينور عليك

شكرا يا سالمه ... و احب اضيف انه علي الجميع الاحترام في التعليقات و عدم نسيان انها لديها عائله و زوج و ابناء و هي تقدس اسرتها فمن غير المستحب احراجها بالتعبيرات التي تخدش الحياء .. واللي عايز ينفث بكلام غير مستحب يروح بعيد عن هذا المنتدي المحترم ... و علي جميع المشرفين التصدي لذلك ...

امير

حلو الكلام لغاية دلوقتي ..والاتفاق مابنا هيخليني انزل بقانون جديد للموقع

بس برده لسه ماعرفتش ردك يا اديب..؟؟

و اشوف بقيت ردودكم.........................

انا جيت اهه يا شباب

بالنسبه بقي للموضوع ده في ناس هنا معانا مزوداها شويتين او اكتر يعني

احب اتكلم عن نفسي الاول :

انا لما اتفرجت على البرنامج في الاول شدني الموضوع و مكنتش واخد بالى من شكل المذيعه كنت عادى يعني بالنسبالى وبعدين ابتديت اركز مع المذيعه شويه وبعدين ابتديت اعجب بتفكيرها واسلوبها في الحديث وبعدين الاعجاب ده زاد عشان هي مش تافهه زي تلت اربع المذيعات التانيه وبس لكن لحد انهارده انا مبصتش على الشكل الجميل للمذيعه ولا الحاجات ديه لان انا مقتنع بان الجمال هو جمال الروح مش الشكل فحسيت ان مدام منى ديه اختى الكبيره حد كده تديله ثقه من اول مره تشوفه وعمري عمري عمري عمري ما فكرت باسلوب قذر فيها او في اي حد تانى الحمد لله لان مش مراهق ممكن يكون سني ده هو سن المراهقه لكن انا مش كده والحمد لله مش عاوز ابقي كده بلا قرف

لكن مدام منى ديه اختى الكبيره فعلا بحس انى لو حصلي حاجه او رقدت في المستشفي هلاقيها بتزورني وطبعا ده مستحيل لكن انا بحس بكده انها اختي الكبيره اللى استناها واعتمد عليها في حل مشاكلي

ولكن
بالنسبه لاتهامنا في اننا مجرد عشان لمنى الشاذلى يعني لجمالها وعنيها وضحكتها والحاجات ديه يعني في ناس هنا كده فعلا اللى مسجل نفسه باسم عاشق منى الشاذلى والحاجات ديه يعني لا ديننا ولا اخلاقنا بتسمح بكده انا بتخيل ان مدام منى اختي الكبيره مثلا و متجوزه يعني ودخلت مكان لقيت واحد كاتب كده ايه اللى هيحصل بقي اكيد هضايق يعني عشان الاسم ده مستفز اووى لانها استاذه كبيره محترمه و متزوجه يعني الكلام ده ملوش لازمه اصلا يا جماعه وياريت نراعي ده انا هقولكم حكايه


تفتكروا ليه انا معملتش موقع للعاشره و مدام منى ومع العلم انى قادر والحمد لله ليه لانى اصلا مصمم مواقع يعني ده اسهل حاجه بالنسبه لى وكمان بالنسبه للمساحه والحاجات اللى بيدفع فيها فلوس ديه مكنتش مشكله بالنسبالى عشان اغلب اصحابي عندهم شركات استضافه فبكلمه منى اخد مساحه غير محدوده عندهم عشان استضيف فيها موقعى وللابد كمان وبدون مدفع قرش واحد وبالنسبه للدومين ده ثمنه 60 جنيه في السنه يعني مش مبلغ يعني وهيبقي موقع مدفوع مش مجانى كمان بس انا معملتش ده ليه

عشان اللى بنتكلم فيه دلوقتى قعدت افكر في الموضوع ده انى لو عملت موقع اكيد هيبقي فيه كلام غزل و عشق وكده يعني فتخيلت لو جوزها او حد قريبها دخل ايه هيكون شكلنا قدامه ... هيبقي شكلنا وحش اووى قدامه وهنكون مصدر ازعاج جامد ليه وانا مكنتش هسمح بكده ولكن كان هيحصل فقولت لا متعملش كده ومتكونش سبب في كده اصلا ومرضتش اعمل موقع وعلى فكره انا كنت صممته كله من الالف للياء لكن لغيته يوم انطلاقه ولغيت كل حاجه ومرضتش خالص ولغيت كل حاجه والحمد لله .

والحمد لله انا اسلوبي الكل عارفه هنا انا مش بتاع عيون و حواجب و الكلام ده ....

وعلى فكره انا من فتره كده قولت انى هسيب الموقع هنا لكن مهنتش علي العشره واصحابي اللى هنا قولت هرجع لكن كمحب للعاشره مساء ولكن المواضيع التافهه والحاجات ديه هتبقي بره الحسبه يعني

وشكرا يا اديب انك فتحت الباب ده لانى كنت عاوز افضفض بصراحه
خلص الكلام

الشكر للجميع على الردود القيمة ، وباين اننا معظمنا بيتفق ، وعاوز أوضح حاجة ل جنة يمكن كلامي موصلش ليها صح أنا بقول اني هاترك عضويتي وأكيد ناس كتير معايا ، اذا انجرف المنتدى لهذا الاتجاه لكن قبل ترك العضوية هاقول رأيي وهنتكلم لكن لو مفيش فايدة في الآخر مش هقدر أستمر وان شاء الله ميوصلش الموضوع لكده وكلامكم دلوقتي يبعد هذا القرار عن اختياري .

أما عن اقتراحي لا ايات وياريت الكل يقول رايه فيه ، لأن لو قامت ايات بحذف شئ هيقولوا ان ده ديكتاتورية لأنها الادمن ، لكن أنا بقترح ، اانا نعمل موضوع تحت عنوان ( برلمان المنتدى ) يكون خاص بالمشاكل الداخلية للمنتدى ومنها حذف المواضيع التي تثير جدلا وضيقا ، فمثلا لو نشر أحد الأشخاص موضوعا يحتار فيه المشرف يحذفه ولا لأ ، فيتم ابلاغ الادمن بالموضوع عن طريق مثلا رسالة خاصة بواسطةأي عضو ، فيقوم الادمن بطرح نقاش وأخذ آراء الأعضاء في موضوع برلمان المنتدى ، ونعمل عملية تصويت لعدد الآراء فاذا مالت الكفة للحذف يحذف واذا مالت للترك يترك ، وهذا يكون في المواضيع فقط وليس في المشاركات لأن ممكن المشرف يتصرف ويحذفها من تلقاء نفسه ، ولابد أن يكون الموضوع المقترح حذفه انه يثير الآراء بين معارض ومؤيد ، أما المواضيع التي لا يجوز لها الانتظار وغير لائقة على الاطلاق تحذف فورا بواسطة مشرف الاقسام ، ونكون بذلك حققنا ديمقراطية في المنتدى ..أيه رأيكم ؟

الاحترام حلو في كل حاجة والكل بيعبر عن البيئة الموجود فيها

انا موافقة يا اديب ..انت كده شلت الحيرة الي كنت فيها وليه يبقي موضوع نعمل منتدي



خاص..........................................

طيب عايز منك ثلاث طلبات

ـ تعيين مشرف لمنتدى محبي الاعلامية منى الشاذلي وده ضروري جدااا

ـ عدم البوح باسم العضو الذي نبهك لموضوع يريد أن تضعيه في برلمان المنتدى ، حتى لا يحدث هذا مشكلة بين الاعضاء لكن تقولي جالي رسالة من عضو بخصوص الموضوع كذا ايه رأيكم .. ويبدا التصويت .

أنا هاعدل في عنوان الموضوع ده باضافة كلمة الميثاق له ، لأننا نتفق عليه كلنا ، لذا أطلب منك أن تثبتي هذا الموضوع ليكون ارشادا لكل من يشارك في المنتدى .

وشكرا ليكي يا آيات

.

فعلا يا جنة كلنا لازم نحس بالمسئولية دي ، أما منتدى الاستفتاءات من الممكن تغيير اسمه الى برلمان المنتدى ويكتب كلام بجواره خاص باستفتاءات المنتدى وقضايا المنتدى

معلش يا جماعه

انا جيت في الاخر

بس انا رايي من رأيكم بردوا

لازم يكون في حدود

سواء في حب الشباب لمدام مني

او في الشات الي بتتم داخل المنتدي

كويسه فكره برلمان المنتدى انا قولتها قبل كده بس كان في صوره اجتماع للمشرفين كل فتره على المسنجر ونتكلم ونتنقاش في اي حاجه تخص المنتدى ولكن انت بتقول نخليها منتدى فكره برضه احسن لان كل ما الاراء تعددت كل ما كان احسن ومن رائ برضه ان المواضيع اللى تبقي في البرلمان هتتعمل استفتاء وديه خاصيه وانت بتنشئ الموضوع ونغلق فيه الردود يعني اللى داخل هيقرا الموضوع وعنده استفتاء نعم او لا عشان منتكلمش كتير يعني

.

انا كمان اتفق معاك يا اديب ورايي بالضبط هو راي سلمي ومتفقة في كل كلمة قالتها ساعات واللة اسالوها لما بقرا حاجات علي النت بتفرس واتغاظ وابقي هطق من اللي بيقولوة الشباب انا كمان بعتبر مني اختي الكبيرة لانها طبعا اصغر من مامتي ومش عايزة اكبرها ورايي زي ما قولت هو بالضبط راي سلمي اللة ينور يا ست سلمي اية دة كلة دة انتي خلاص خذتي القضية مننا اهو دايما يا جماعة تقولي انتي اللي بتسبقي وتقولي الراي وانا اقول اني متفقة معاكي المرة دي انتي اللي سبقتي اهو يا ستي وانا اللي قلت اني متفقة معاكي عشان ما تزعليش بس
بالنسبة لموضوع البرلمان انا موافقة

من نفسشي مرة يا سارة مش كل مرة انا اللي اتفق وبعدين وفرت عليكي الكتابة الكتيرة وانا من الاول عارفة وجهة نظرك في الموضوع دة من ساعة الواد اللي انتي كنتي مشلولة منة اللي كان قاعد يقول بحب مني وكدة يعني الكلام الهبل دة فقولت اختصر ووفر عليكي الكتابة وانجز واهي مرة من نفسي يا قمر ياااااااااااااااااااااا سااااااااااااااارة

أخي العزيز عاشق ، أرجو ألا تزعل من أحد مننا ، الموضوع كله باختيارك ، لو عاوز تغير الاسم أم لا ، اللي أنا قصدته من الموضوع التنبيه الى الانجراف في هذا المسلك ، فياريت تكون قدرت وجهة نظري ونظر بقية الاعضاء .. تحياتي


وشكرا ليكي يا سلمى انت وسارة على تعليقكم الجميل وشكرا ليك يا شادي انت وريهام .

والشكر الكبير لايات التي نفذت اقتراحي الذي وافق عليه معظم الاعضاء