صناعة الأسطورة ! مكونات منى الشاذلي الحلقة الأولى

اثارت حلقة الفاس بوك بالأمس جدلا كبيرا

وقامت خناقة بين قبيلة ( محبي برنامج العاشرة مساء ) وقبيلة ( منتدى محبي منى الشاذلي ) يا جماعة كبروا دماغكم أنا تابعت الجدال الساخن بين نوسا ( اللي هي نانسي في الفاس أول مرة أعرف ) ،وبين طاقم الادارة ، الله يمسيكي بالخير يا منى الشاذلي انت السبب ..

حاولت أن ألتقط هذا الخيط الساخن وأصنع منه موضوعا كنت أنوي التحدث فيه من فترة وجاء ميعاده ( مكونات منى الشاذلي )
أولا :
أنا لا أصدق ان منى الشاذلي صفر في النت ، طيب الكمبيوتر اللي قدامها كمبيوتر لعبة ( بلاي ستيشن ) ، وأيضا أنا لا أصدق ان منى الشاذلي خريجة الجامعة الأمريكية يصعب عليها حكاية النت وشفراته ، ولا أعتقد اننا يعني عباقرة علشان بنعرف النت.... طيب ايه الحكاية ايه اللي يخلي منى الشاذلي تشعر المشاهدين بقلة معرفتها بالنت وجروب العاشرة مساء ولا حتى بالمنتدى ده ليس من باب التواضع فقط !! ، منى الشاذلي يا جماعة :تقرأ كل شئ وتعرف كل شئ حتى الكلام اللي اأنا بكتبه دلوقت هتقرأه أنا متأكد ، طيب ايه اللي يخليني متأكد كده ؟

منى الشاذلي تحاول ألا تلقي جميع ورقها بسهولة تحتفظ بخصوصية تجعل الناس يلتقطون منها الكلمات عن حياتها الشخصية بتلهف ( المصرح به طبعا ) ، منى الشاذلي تصنع أسطورة لنفسها( وهي تصنعها بالفعل وتستحقها ) ليه مش عايزين تفهموا الحتة دي؟

طبيعة الأساطير الغموض وصنع هالة من تعدد الآراء والتعلق بمعرفة مصدرها ،

منى الشاذلي غامضة وان لم تقصد ذلك ولا أقصد أنها تتكلم بخلاف ما تفعل أقصد أنها مقلة حتى في حواراتها لا يراها الناس الا في البرنامج الذي تقدمه ، وكثير من الفنانين يفعلون هذا لا يظهرون الا من خلال أفلامهم ( عادل امام ـ أحمد زكي مثلا ) .

هذا ملمح من ملامح شخصية منى الشاذلي ،تحاول اظهار عدم معرفتها الكاملة حتى لا تتورط في اندماج كامل مع معجبيها ، فتهبط من قمة أسطوريتها الغامضة المليئة بالسحر والخيال ومعاودة الاندهاش وتصبح باندماجها الكامل مع محبيها ومشاهديها حكاية شعبية

فهل تريد منى الشاذلي أسطورة ولا حكاية شعبية ؟؟؟؟

أنا أنا أجاوب :: أسطورة شعبية


والى اللقاء في الحلقة القادمة مع مكونات أخرى

.

..

بصراحة يا اديب لو ما امتعتناش بمقالاتك دي

هتلم انا والاعضاء عليك ومش هنسيبك

انت ما تعرفينيش .......

فعلا انا بحس ده في شخصية مني من زمان حقيقا من بدايات العاشرة مساء

لكن من قبل في برامجها التانية ما خدش بالي لان كنت لسه صغنتوتة

بس فعلا انا اري انها اختارت الطريقة الصحيحة لتبني مكانتها في المجتمع

وانا حسيت ده مش كلام

لانها شكلتني من جوايا ......

تحياتي ايات

الادارة

بص يا اديب ابصم بالعشر اصابع ان انتا تعرف منى واتكلمت معاها دا اذا مكنتش تعرفها وتعرفك شخصيا وبلاش لف ودوران وبوح بالسر وقول انتا مين احسلك لان انتا هتجننى
-----------------------------------والسلام عليكم

معرفش ليه حاسس ان كلام مراد
فيه جانب من الحقيقة
ومستنيين ردك يا اديب
وشكرا ليك
عالمقالة الرائعة

..

اولا السلام عليكم برحب بكل الموجودين فى المنتدى برده انا عندى احساس شخصى ان اديب يعرف منى او قريب منها

يا خبر تعرف مني يا اديب ومقلتلناش ؟؟؟؟؟؟؟؟؟؟؟؟؟؟؟؟؟

بس يا جماعة اديب عندة حق مش هو بس اللي لاحظ كدة ولا انا دة كل اللي بيتفرج عليها يعرف انها غامضة ومابتقولش حاجة عن نفسها ابدا وهو دة الصح لاي بني ادم طبيعي عشان ما يخليش الناس تمسك في سيرتة الشخصية البني ادم بردة بيحب يكون عندة خصوصية ولا يحب ان اي حد ينتهك الخصوصية بتاعتة فمابالكمان واحدة تاتش وود كل الناس بتحبها والاضوتء كلها عليها واكيد عايزين يعرفوا كل شيء عنها ودة شعور اي انسان طبيعي وانا منهم انا نفسي اعرف الصغيرة قبل الكبيرة عنها لذا هي من حقها انها تكون غامضة عشان تحتفظ لنفسها بشيء من الخصوصية ودة حقها لانها مش عايزة تخلي حياتها الخاصة لبانة في بق كل واحد ودة لانها عارفة ان الناس نفسها تعرف اي حاجة عنها
من حقها طبعا انها تبقي غامضة وطبعااااااااااا مش من حقها انها تتكلم عن نفسها في البرنامج لانها جاية تتكلم عن مشاكل وهموم الناس مش عن نفسها وبالتالي ومن كدة بقيت احسن مذيعة في مصر
ولعملمكم مش مني بس اللي غامضة انا كمان اعرف ناس كتير كدة وبقايلهم كتير ونفس اللي بتعملة مني هما بيعملوة
الموضوع من حقها والموضوع طبيعي حدا وغااااااااادي انها تكون كدة
اما بالنسبة للفيس بوك والنت يا جماعة معلش انا هقول رايي بصراحة انا شايفة ان الفيش بوك دة مضيعة للوقت علي قلة فاضة ووجع دماغ بصراحة اية اللي كا واحد يقعد يبعت للتاني في صور وهدايا انا لما اصحابي قاللي علية لم اوافق علي الاشتراك فية الي الان لاني غير مقتنعة بية من الاساس ومش مقنعة اصلا انة نادي اجتماعي ودة لاسباب كتير صعب اني اقولها هنا ممكن يكون مكان للحوار زي الاف المنتديات الموجودة غير كدة لا وانا شايفة ان اية اللي يخلي واحدة زي مني الشاذلي تدخل علي الفيس بوك دة من الاساس اولا وقتها لا يسمح دي لما تبقي فاضية ودة اكيد بالصدفة عندها ممكن تقعد تقرا في كتاب احسن تنمي ثقافتها او تشوف اولادها وبيتها او اي شيء مفيد غير الفيس بوك دة
ومش معني انها مش علي الفيس بوك دة يبقي هي ملهاش في النت اكيد كيد طبعل ليها في النت بس مش الفيس بوك وخلافة اللي هم مضيعة للوقت ولكن النت اللي لية علاقة بالقراءة بالكتب او بالابحاث يكفي انها خريجة الجامعة الامريكية عشان اكدلكم انها ليهيا علاقة بالنت بس النت فيما يخص ايحاث كتب او قراءة لكن مش الفيس بوك او خلافة
يعني انا مش فاهمة بتوع الفيس بوك دول يتكلموا في اية هي مني الشاذلي تدخل الفيس بوك تعمل اية هي فاضية او عندها يا حراااام وقت كبير عايزى ة تضيعة

هههه
يا جماعة الكلام الجميل ده كتير عليا ، يا رب أكون أستحقه

طيب ليه افتكرتم اني قريب أو أعرف منى الشاذلي ؟؟

علشان اريحكم : أخوكم أديب الشاذلي أخو منى الشاذلي !!!

..

طيب عايزين حاجة تقولوها لمنى الشاذلي تحت أمركم : أخوها بقه فيه حد أدي ؟؟ وانتي يا جنة أي حاجة

لكن فين تعليق نوسا ( اللي هي نانسي في الفاس بوك ) ، تعليقها برضه مهم ، انتي فين يا نوسا ؟ ، منتظر تعليقك

اوعا اوعا اوعا اديب يبقي اخو منى الشاذلى وسع يا بني من الطريق وهنوصل للعالميه

بص بقي يا اديب اولا اكتب بطاقة تعارفك هنا بسرعه يعني اسمك ايه وسنك ومنين من المنحوسه مصر وكده يعني

تانى حاجه اوعى تخلي منى تدخل المنتدى هنا على الاقل اليومين دول خليها تدخله بعد التطوير الكبيرررررررر اللى هنعمله ان شاء الله وادعولنا

للتبرعات اتصل على 018161741.......اكمل الرقم الاخير واتبرعلى

اتبرع ولو بربع جنيه

اديب بص انا دارس علم نفس واستشفيت دة من كلامك بس متوسعهاش خالص وتقول اخوها فهمنا براحة وبهدوء على شان انتا لو اخوها بجد تبقى مصلحة جامدة وهفهمك بعدين بس لما اتاكد
--------------------------والسلام عليكم

يالله انا اسمى مراد الشاذلى اخو منى الشاذلى ياله ولى سؤال هتسالة عن منى هجاوب عليه خش فى تحدى ياعم
------------------------------------------------------والسلام عليكم

..

مين منكم محسش ان منى أخته أو حتى بنت خالته أو بنت عمته ، مين منكم ؟؟؟

سبحان الله فعلا حاسس انها زي أختي الكبيرة بالضبط بخاف عليها من كل شر وبتمنى ليها كل خير ، وفيه كيمياء كده هي بنت مصر بجد

..

واللي يقول ان سبب النجاح طاقم البرنامج كله أنا بقول ان منى الشاذلي بتساهم مش أقل من 80 % من هذا النجاح ، قليل جدا لما ترتاح لمذيع تحس فعلا انه منك ويخش بيتك بسهولة وبالتالي قلبك ، الحضور الطاغي لمنى الشاذلي هو الاساس ومحدش يقلل من الجزء ده

أما تعليق نوسا ( اللي هي نانسي في الفاس بوك ) مهم لأن كانت مكالمتها هي سبب الموضوع ده عن طبيعة منى الشاذلي

ويا عمي مراد انت اللي طلعت قريبها بقه ، اللقب واحد

شادي باشا خد تبرعك من مراد أنا مش قريبها

يا جماعة الدنيا دي فيها كام قمر؟؟؟؟؟؟؟؟؟؟؟؟؟؟؟؟؟؟؟؟؟؟

هو قمر واحد ,,,,,مني الشاذلي

فعلا كلنا نحس اننا نعرفها

هي الي شكلتني فكريا,,,ثقافيا ...ادابيا,,,,كل حاجة ممكن تكسبها حلوة في الدنيا دي هتلقيها في مني

تحياتي ايات

الادارة

كااااااااااااااااااااااااااااااااااااابسة

مني الشاذلي مالهاش اخوات

هههههههههههههههههههههههههههههههههههههه


تحياتي ايات

الادارة

ممممممممممممممممم يعني راحت عليا التبرعات طيب مش مهم انا وانهارده صحيت لقيت على الموبيل 7 رسائل و 1 ميسد كول ببص لقيت مبعوتلى رصيد وحد رن عليا قولت ايه ده هي التبرعات ابتدت توصل ولا ايه هههههههههههههههه بس طلع الراجل كان بيشحن على الهوا واتبعتلى غلط

..