قالولي بتحب مصر؟ .....قلت مش عارف !

.

القصيده جميله و فيها احاسيس كتيره حلوه .. و فعلا انا لو سالوني بتحب مصر حارد و اقول مش عارف دي الحقيقه .. فيه حاجات كتيره مضايقه الناس و خليتهم مش عارفين هل بيحبوا بلدهم و لا مصر دي اصبحت وهم و غم علي كل الوجوه ..

امير

لا مصر مش كده بس يا استاذ امير مصر فيها ناس كويسين اوى بس احنا مش بنذكرهم لو رحتوا مستشفيات السرطان ودار الايتام هتعرفوا اد ايه فى ناس عندها استعداد تعطى من غير حساب ودون انتظار شكر من احد
وانا عن نفسى لو قالولى بتحبى مصر هقول بلدى بموت فى كل حتة فيها حتى زحمتها

انا عارف يا ايه ان فيه ناس كويسه لكن انا قصدي حال البلد وصل لادني شئ في كل حاجه ...التعليم و الدروس الخصوصيه ..و المعامله في المصالح الحكوميه و الرشوه ..سوء حالة المستشفيات و الصحه .. الشوارع المليئه بالبلاوي و المعتمه ...السرطان الذي يكمن في الاسمده و الفاكهه ..الواسطه و المحسوبيه ...البطاله الغير عاديه ...تدني المرتبات ..ازمة وغلاء الشقق ...اقول كمان و لا كفايه ...واضح انك رومانسيه ..لازم نواجه الحقيقه المره و نواجهها ..مش عايزين نضحك علي نفسنا ..مصر ام النيل ..مصر الاهرامات .. و نفضل نعيش علي امجاد غيرنا من الفراعنه ..

امير

انا معاك وعلى فكرة مش بحب موضوع ان احنا نعيش لى اساس اننا اهرامات وحضارات وكده لا انا راى انا احنا كشعب لو غيرنا من تصرفتنا السيئه اكيد بلدنا هتكون فى احسن حال هقول لحضرتك مثل بسيط كنت ماشية مع واحدة وكان فى ايديها اكل اول ما خلصت راحت رامية الورقة فى الشارع انا الموضوع دا بيستفذنى جدا وبعدين تيجى تشتم فى البلد علشان مش نظيفة وفيها زبالة والحومة مش قادرة تشيل الزبالة واحنا اصل الى رمينها لازم احنا نكون كويسين علشان حكومتنا تبقى كويسة
صح ولا حضرتك رايك ايه

انا سافرت بره كتير ..ليه هما مابيعملوش كده علشان فيه قانون بيتنفذ ... والقانون ده اجبر الناس تمشي صح ..و مع مرور السنين اتعودوا علي الصح ..يعني مثلا مافيش عربيه نقل تمشي شمال علشان ممكن مايسوقش تاني ...ممكن هناك الواحد يتسجن لو اساء لقطه صغيره ...احنا عندنا قوانين لكن ماحدش بيتابعها علشان المسؤلين مش في بالهم ..صاحبتك ضحيه لعدم و جود مسؤلين بيحبوا مصر ...و عدم الاهتمام بتنفيذ القانون و لو اتنفذ بيكون ظلم ..

امير

عارف حضرتك المشكلة ان احنا دايما بنقارن نفسنا ببره لو ركزنا جوه اكيد فى هنعرف نصلح عارف حضرتك ليه علشان هما فوق اوى واحنا متخيلين ان هما طلعوا كدة فجاءة فاحنا عايزين نطلع لهم علطول ودا بيجيب احباط لكن احنا نطلع واحدة واحدة علشان نوصل لهم

بس انتي عارفه يا ايه هما سبقونا بكتير قوي قوي ...لو طلعنا واحده واحده عمر ماحنتقدم ابدا ..اللي مزعلني يا ايه ان احنا ماشيين واحده واحده بس للوراء ..ياريت لقدام ...علي العموم احاول اتفاءل زيك ...مافيش قدامنا غير كده ...

امير

انتى شايفنى متافئلة ولا عندى امل عارف ماليزا والصين هم بالضبط10سنين واصبحوا من احسن الدول ان شاء الله نكون زيهم وانا عند راى ان احنا اى لازم نتغير الاول وبعديب بلدنا هتكون احسن بلد باذن الله وندعى ونغير من تصرفتنا

اة فعلا يا سلمي والدتة ست في منتهي الاحترام