في حدود المحبة حدود الكلام ! ( الميثاق لكل الأعضاء )

العفو يا اديب انت تامر

عفوا يا أخ أديب انا مقدر اللي كتبته وفاهمه كويس اوي
وانت نفسك كتبتت التالي
لم يحدث وارجو ألا يحدث
اتهمنا البعض واتهم غيرنا بأننا مجرد عشاق لمنى الشاذلي
والميثاق الأعظم ميثاق منتدى منى الشاذلي سأقوم بتنفيذه بحذافيره حرف حرف من دلوقت
والاسم اللي اخترته اخترته بعد قراءتي لعنوان المنتدى فكان الاسم بالنسبالي شئ عادي ولو كان في شروط على الأسماء ما كنتش اخترته
فمكانة الاعلامية القديرة منى الشاذلي عمليا وجماهيريا لا تتطلب الابتذال في المشاركات ، منى الشاذلي اكبر من كدا مشاركات بكتير اووي وما عنديش مانع تحذف هذه المشاركات حتى لو كانت مشاركتي من دلوقت
منى الشاذلي تطرح وتناقش مواضيع نخبوية كبيرة وهي انسانة مثقفة وراقية خريجة جامعة امريكية
وينبغي على اعضاء منتدى منى الشاذلي وانا منهم الارتفاع الى المستوى الراقي للاعلامية المبدعة منى الشاذلي

مقدرش أقولك غير انك رجل محترم وعلى وعي كبير شكرا ليك جدااا


وشكرا يا سلمى

كلام مظبوط جدا من كل الاعضاء

وفعلا الملحوظات دى كتير جدا

بس شوفو الغزل الكتير دة فى منتدى الصور

يعنى احنا ممكن نحد من الصور او نشيل الموضوع خالص اصلو برضو مش ولا بد حكاية الصور دة

وانا مع كل الاعضاء
-------------------------------------------------والسلام عليكم

شكرا يا مراد ورأيك مطروح للنقاش

الكلام ده سليم واعتقد انه ممكن يطبق على الشباب والبنات لان ممكن زى ما أديب قال ان شاب يدخل كأنه بنت بس سواء ولد أو بنت مفيش إختلاف على اننا بنحب منى الشاذلى لعقليتها أولا وانها بتحترم المشاهد وثقافته من الوزير إلى الغفير لذلك لا يصح أن تحدث تطاولات على مذيعة إحترمت مشاهدها واحترمت نفسها فى هيئتها بالبرنامج فليس من حق أحد أن يساويها بكثير من الأعلاميات الاتى لا يحترمن المشاهد ولا الهيئة فهذا ليس إنصاف

اتفق مع الكثير فى حب وعشق الاستاذه // منى الشاذلى .. للعقل والثقافه ومع ذلك لايعيبها انها على قدر عالى من الجمال وخفة الدم فهذا ايضا يروح عن مشاهديها .. اتتفقون معى ان هناك فارق كبير بينها وبين لميس الحديدى مثلا بالتليفزيون الحكومى .. نعم .. فمع منى الشاذلى ننتظر ونشاهد بشغف وتركيز .. لنخرج فى النهايه بشيىء مفيد ولذيذ ... اما من ناحية مقص الرقيب لااوافق عليه لسبب بسيط وهو ان نترك الاحاسيس والمشاعر تتربى عند الشباب فمن يتغزل اليوم .. غدا سينضح ولابد من إختوائه وتقديم النصح له وإلا كيف سيتعلم الصح من الخطأ .. وفى النهايه هى أراء وغير مفيد مصادرتها ..