Cairo Time احنا فين من

انا شفت النهرضة البرنامج وكان جايب الفيلم الامريكى Cairo Time وبصراحة لما شفت اللقطات اللي عرضتوها فكرت في 3 جاجات اولها وحشتني مصر بجد في عيون المخرجين ثانيها يااااااه هو احنا كنا بنتفرج على ايه (يعنى احساس بشمئزاز) وثالثها هو الجمهور ساكت ليه وفرحان؟؟؟؟؟؟؟؟؟؟؟

بصراحة انا بقالي فترة كبيرة الافكار ديه على بالى لكن اول مرة تخرج اول مشفت اللقطات اللى عرضتوها وبصراحة حسيت بغيرة واحساس بالحرقة انى شايفة ناس اجانب بيطلعوا مصر فى صورة حلوة واحنا يا اولادها بقالنا عدة مواسم فى السينما بنسابق مين يخرج اكتر اماكن الانحراف ومين يخرج اكتر الناس اللى معندهمش دين ولا قيم ولا اي نوع من انواع الاحترام ونبدع جدا وبشتى الصور فى كيفية ابراز جميع مفاتن كل ممثلة تظهر على الشاشة وكأنه اعلان عنها هى شخصيا واللى بجد زاد وغطاالحاجات اللى هتعرض فى رمضان اللى جاي اتفرجوا بقى واحد طالع سوري بقى بالفانلة علشان يضرب جارة بالشبشب ولا بالشومة ومحدش عارف يوقفة والتانية لابسة كل قمصان النوم اللى اشترتها من كذا سنة يعنى محوشاها لرمضان وغيرها وغيرها وغيرها
ياااااااه امتى هنتخض من اللى عمال يتصور كل يوم وممثلين عمالين يمثلوه ويتقنوا اكتر .
انا مش بقول يجيبوا كل الحاجات طول النهار ناس بتصلى وخلاص لاء بس على الاقل القيم هى فييييييييييييييين ضاعت خلاااااااااص هنربي اولادنا ازاااااي .
شوفوا الفيلم الامريكى اظهر محاسن لمصر وعيوب برده بس بشكل مهذب محترم والاجمل بجد انهم استعانوا باغانى ام كلثوم وعبد الحليم في الفيلم يعنى بجدمش عرفة اقول إيه اتمنى بل ارجوا اشوف قريب فيلم فى قضايا مهمة وفيها حل في الاخر للمشكلة وانا بتكلم اكتر عن السينماوبعدها التليفزيون .
من الاخر احنا محتاجين نحب نفسنا شويه وبقول نحب نفسنا مش بعضنا علشان اللى بيقدم حاجه وحشة بيقدمها لنفسه اولا ثم الاخرين وبتسؤه هو فى المقام الاول حتى لو قيل عنها اقاويل ظريفة لان لا يصح الا الصحيح .
انا عمرى مدخلت منتدى واتكلمت فيه بس انا بقول الكلام ده لمنتدى العاشرة مساء لانى اتاكدت انكوا بتقروا التعليقات مش بعيونكم...لاء بقلوبكم وعقولكم .
وياريت الشباب اللى هيقروا اللى انا كتباه يبقى ليهم راي بجد ويقولوا للوحش Stop مش يعدى ويطنش علشان فى حاجات على هوانا لاننا احنا اللى هنقدر نغير بادينا بمعنى ان لو فى فيلم من افلام بص وشوف الفيلم بيعمل ايه وانتوا فهمنى طبعا منعبرهمش لان اخلاقنا وقيمنا غاليه علينا وعشان هم كمان يبداو يحسوا ان الوحش ممشيش فى مصر وان الحلو بس هو اللى هيمشي .
ذى ممعروف عننا من زمااااااااااااان ان النجم اللى يتشهر فى مصر بيبقى مشهور بجد علشان فى جمهور بجد نفضل كده مش جمهور االى يتحطله يكله حتى لو كان حامض وكمان يقول الله الله.
ديه وجهت نظرى وانا اتعودت دايما اقول نيتى قبل البدء فى عمل اى شيء (نيتى وانا بكتب كل الكلام ده انى افكر زملائى وكل اللى فى الموقع ده لان منهم ناس فى شجرة عيلة متابعى العاشرة مساء يعنى بقوا من عيلتى ..وصلوا كل اللى بتفكروا فيه علشان نبقى حسن لكل المصادر اللى تقدروا عليها وده علشان نبقى احسن بجد ولان مصر متستحقش غير كده وانا بقول مصر بلدنا يعنى نعمل كده علشان احنا خايفين على بلدنا مش نقول اللى فيه خربنها لاء .
كل واحد يبدأ بنفسه وصحابه وصحاب صحابه وطبعا قريبة هيلاقى مصر كلها اتغيرت وهو مش عارف ليه).

ديه كانت نيتى وهدفى من اللى كتبته . وشكراً.رشا