أكتب إليكم من وحى ما أشعر ...

بصراحة يا جماعة أنا مش عارف أبدأ من فين بالظبط ، من قبل الثورة ولا من أيام الميدان ولا من بعد تنحى المخلوع

ولا قبل الإستفتاء ولا بعد الإستفتاء ولا من عند كنيسة أطفيح ، ولا من عند أحـــــداث منشية ناصر ولا أحداث إمبابة

ولا أحداث عين شمس ولا من عند مباراة الزمالك والإفريقى ولا معركة الدستور أولاً ولا من عند مجالس الحـــــوار

الوطنى ولا من عند جمعة الإنقســــــــــام والتفرقة ولا من معـــــــــركة وثيقة المبادىء فــــــوق دستورية ولا من عند

أحداث التحرير الأخيرة ، أبدأ منين حد يقوللى !!! ، مش مهم أبدأ منين المهم إن إحنا فى كل اللى حصــــــــــل من قبل

بداية الثورة مروراً بالأمجاد التى صنعناها فى أيامها وإنتهاءً بتنحى مبارك ثم تتابعاً لكل الأحداث وحتى هذة الساعـــــة

إحنا السبب !!! ، أيوة إحنا السبب فى كل اللى حصــــــل ، الحلو والمر ، الكويس والوحش ، إحنا مين ؟؟؟؟؟؟؟؟؟

إحنا أنا وإنت ، أيوة حضرتك ، أنا أقصدك إنت ، إنت يا أستاذ(ة) يا اللى بتقرا الموضــــــــوع ، أيوة إحنا كلنا السبب

بس أنا ..... ، مس هاسمح لك تكمل ، المرة دى مفيهاش بس ، أصــــــــل الهم طايلنى وطايلك دى ثورتنا وإحنا اللى

عملناها وإحنا اللى اصحابنا ماتوا فيها وإحنا اللى سيبين غيرنا يتاجر بدمهم ، الوضـــــــع منيل بستين نيله وبلاش نطمن

بعض أو نعيش فى الوهم أو منديش للواقع قيمة كبيرة ، ايه عمركم مسمعتوا عن ثــــــــــورات فشلت ، مستبعدين الأمر

أهالينا البسطاء قالوا زمان اللى تستهتر بيه يغلبك ، الوضـــــــــع خطير وصعب ولو مكناش هنقف زى ما كنا واقفين

فى الميدان فى شق الثورة الأول (ثورة هدم وإزلة الفساد) يبقى عليه العــــــوض ،الثورة لسه مخلصتش الثورة نجحت

بس ما إنتصرتش لسه ، لسه النجاح ما إكتملش بنتخانق ع التورته قبل ما تتعجن أصــــــــــــلاً ، أيوة كلنا عملنا كده

كلنا شاركنا فى الخناق على التورته ، من أول الإستقطاب على الإستفتاء كل واحد فى معسكره لحد الإستقطاب على

الدستور أولاً النهارده ، كفايه بقى لازم نبقى ايد واحدة علشان نعرف نضرب ولاد الكلب ضربه تجيب أجلهم ، معلش

تعالى على نفسك يا سيدى المرة دى ، ميحصلش حاجه ولا نفضل كده ولا نحصل لا أبيض ولا أسود ، عـــــــاوزين

نكمل الثورة يا جماعة ، الإسلوب اللى إستخدمناه فى المرحلة الأولـــــــى منها (هدم الفساد ) نجح ليه بقى تخلينا عنه

أدينا جربنا إسلوب تانى وفشل ، ليه بقى مانرجعش لأسلوب زمان ، دا الشق التانى من الثورة ، دى مرحلــــــــة البناء

كل واحد عاوز يفصل الثورة على مقاسه ومـــزاجه ورأيه ، ليه بقى ما نرجعش نؤثر على نفسنا ، ليه مانرجعش ناكل

مع بعض ، ليه منرجعش ندى لغيرنا ونبقى جعانين وميتيتن من الجــــــــــــــوع ، بس لذة إنك تدى لغيرك وتؤثره على

نفسك أطعم من إنك تاكل لوحدك ، ليه إفتقدنا الإحساس ده ، لازم نحس بالخطــــــــــر علشان نرجع لبعض ، طب اهو

الخطــــــــــــر أهوه بيطل من كل حته ، ليه بنغمض ونقلب وشنا ومش عوزين نشوفه ، دى مرحلة ثورة البناء ولازم

نتعاون مع بعض فيها ، نجحنا فى الأول لإن الشعب دعمنا ، وهانفشل فى المرحلة دى لو فقدنا دعم الشعــــــــــــــب ،

صدقونى الناس بدأت تضيق ذرعاً بالنقاشــــــــــات التافهه ، لسه حضرتك بترد وتقول مش تافهه ودى سياسة ومش كل

الناس تفهم سياسة ومش كل الناس تقدر إنها مهمة ، ياعم السياسة بالأسلوب ده جبتنا ورا إمتى بقى هانغير أسلـــــــوب

السياسة ده ، تعالوا نلعب سياسة سوى مع بعض ، ايه حرام نعلبها سوى !!!!!!!!!!!!!!!!!!!!!!!!!!!!!!!!!!!!!!!!!!!!!!!

لأ أنا مش متشاؤم ، أنا بطبعى متفاؤل ودايماً باتمسك بأقل شيعرة من أمــــــل ، أنا فى كل اللى فوق ده بحاول أرصد

الواقع ، وإوعى تفكر إن دا مش بيحصل أو بكبره عن حجمه ، ما يحدث بالخارج ينعكس على كــــــل شخص فى أى

مكان عاوز دليل ؟ ، هو حضرتك مفكر إن اللى بيحصل فى الموقع حالياً دا حالة شاذة ، دا نتيجة للحاصل فى المجتمع

يا أستاذ(ة) ، سيبنا كل حاجه وبقينا نمسك ونتلحس قوى فى أى حاجه تافهه ، نجيب ساويرس قال كذا وعمل كذا وسوى

كذا ، وفيه صليب فى الموقع ، ومنى الشاذلى أبوها ايه وجوزها ماله ، والعضو الفلانى بيحرض ، لأ مابيحرضــــــش

لأ بيحرض ، ساويرس يقصد ، لأ ما يقصدش ، حرام علينا ، والله حرام علينا وعيب علينا اللى بيحصل ده ، دا بالضبط

صورة مصغرة من اللى فى المجتمع ، كــــــــلام كله لا بيجيب ولا بيودى ، نجيب ساويرس قال وإنت إقتنعت إنه غلط

خلاص هو يستحمل نتيجه غلطه وإنته اللى هادفعه ثمن غلطه ، لزمتها ايه حاله الإستقطاب والإستعداء اللى حاصله دى

يعنى أصبح كل المسيحسن ولاد كذا ، ياعم (ة) حرام عليك ، والله حرام عليك اللى بنعمله ده ، المرحلـــــــة دى إسمها

ثورة بناء مش ثورة كلام ، لو ثورة كلام والله ما كان ولا واحد هايطلع من بيته يوم 25 يناير ويبقى كـــــــــلام الفيس

زى كلام الليل ، لكن إنت أثبت إنها ثورة حقيقية وثورة عمل ليه بتنسى بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحـــــــل فى إيدينا ولسه الكرة فى ملعبنا ، لو راحت ملعب غيرنا هانحتاج مجهود مضاعف علشان نجيبها والله أعلم

بعد ما نجيبها هانقدر نجيب بيها إجوان ولا الوقت هايخلص ، طب ليه نزنق نفسنا ما دام لسه الوقت والكورة معانا ؟

أنا حـــــاسس إن فيه خير جاى برغم القتامة والظلام ده ، بس برضه حاسس إن لو مسعيتش علشان أجيبه مش جاى

لوحده ، لازم بقى نرجع مع بعض لبعض لازم بقى المرحلة الإنتقالية دى تخلص بأســـــــــــــــرع وقت علشان نجيب

اللى على مزاجنا ونمشيه بمزاجنا ، بدل ما هايتفرض علينا ووالله ما هانقدر نكح حتى لإن غيرنا هايكــــــون أكبر مننا

فى العدد وفى الحجة وفى الداعمين لإستمراره ، لسه الأمل موجود بس مش جاى لوحــــــــده لازم ندور عليه ونجيبه

ولو كل واحد دور لوحده مش هايلاقى حاجه ، لازم نرجع ونوحد مطالبنا ونوحد جهدنا ونشتغل ســـــــــــــــوى واللى

يغلط نعذره ونعلمه مش ندبحه ، وحياة أبوكم والغاليين عليكم ترجعوا ، طب وحياة الناس اللـــى ماتت ودمهم فى رقبتنا

وغيرنا بيتاجر بإسمهم وبيشرب من دم أهلهم ، طب علشان خاطرها المرة دى بس ، علشان خاطـــــــــر مصـــــــــــر

هاترجعوا ؟؟؟؟؟؟؟؟؟؟؟؟

المشكلة اكبر من كدا ياجماعة المشكلة ان كل واحد متمسك برايه وشايف ان
هو اللي صح مش شايف غير نفسه وربنا يستر علينا

يا ليت قومى يعلمون أو يستمعون Sad

أنا مكتئب جداً جداً جداً ، بس مش قدامى غير إنى أستسمك بالأمل والتفاؤل ، أشكر مرورك يا مروة

أه يا استاذ محمود اه تعبانه اوي من الي بيحصل في البلد ومع ذالك برده متفائله وكلامك في غاية الروعه
بجد كل حرف في كلام حضرتك ليه إيمه وعايزه اسأل حضرتك سؤال فين وائل غنيم دلوقتي؟؟مش هو ده
مفجر الثوره ؟بصراحه انا مش بحب الراجل ده نهائياً (مش عشان الاشاعات عنه بالطبع)
واشكرك جزيل الشكر علي هذا الموضوع ولاكن ارجوك خليك متمسك( بالامل) Wink

شئ محزن جداااااا ..

ربنا موجود ..

علشان منخشش فى مواضيع فرعية يا بنت العرب ، دا رأيك فى وائل غنيم إنتى حرة فيه طبعاً

الحاجه التانيه وائل غنيم مش مفجر الثورة ولا حاجه ، دا من ضمن الالاف كان لهم دور فى

بدء الثورة وهو شخصياً قال ده أكتر من مرة ، بس إحنا لسه عندنا عقده الزعيم ولإن جديد

علينا إن تحدث ثورة لأول مرة فى تاريخ مصر بإرادة شعبية ودونما زعيم او قائد ندور إحنا

على زعيم ونصنعه وأنا إحترمته جداً لما رفض الزعامه دى ، مش تواضع وإنما لإن دا الحق

لا هو ولا غيره كانوا زعماء ، هو عمل صفحة كلنا خالد سعيد وأنا وإنت وفلان وفلان اللى نجحناها

لما إنضمينا لها ، وكلنا عملنا دعوات ليوم 25 و28 ونزلنا ولو مكناش نزلنا كان هايكون فيه ثورة ؟

هذة ثورة بلا قيادة ولا فضل لأحد فيها على أحد ، كلٌ قام بدوره مخلصاً فوفقنا الله ونجحت الثورة

والمتابع الجيد لما كان يحدث فى أيام الثورة على مستوى المحافظات يدرك تماماً أن ما كان يحدث

كان أشبه برعايه ربانيه للثورة ، فكان مستحيل أن يقوم فصيل معين بالتنسيق بهذا الشكل المذهل

بين كل المحافظات فى دعم التحرير بمظاهرات فى كل الميادين ، هذا أمر أكبر بكثير من قدرة أى

قوى موجودة فى الشارع المصرى ، إنه الله عندما أخلصنا النوايا رعى الثورة وحماها ، وعندما بدأت

روح الأنا تسود بيننا ونهمل حقوق الشهداء سادت بيننا الفرقة وبتنا متشرذمين ، والله العظيم لو

تناسينا حقوق الشهداء وتوجهنا ليجمع كل من أكبر قدر من الغنائم فلن نهنأ بثورتنا لأنها قامت

على دماء أبطال ماتوا ونحن جنينا الثمار ونسينا حق الأبطال ، فبالله عليكم هل سيبارك الله ثورة

نسيت حقوق أبطالها وأصبحت تبحث عن ذاتها ومصالحها ، أنا لا أملك إلا أن أكون متفائلاً ولكن

إن ضيعنا حقوق الشهداء فمثلنا تماماً كمثل من يأكل أموال اليتامى ظلماً وعدواناً ، هل يبارك الله

له فيما أخذ ؟ ، بكل تأكيد لا بل ستكون الأموال التى أخذها لعنة عليه ، اللهم لا تحل علينا لعناتك

وأفض علينا من رحماتك ، إنتبهوا يرحمكم الله ...

أنا مكتئب جداً يا أ/ أمير بقالى يومين مليش نفس أضحك ولأول مرة تطول معايا الحكاية دى

إنت شفت عدد الحضور النهاردة فى جمعة حق الشهداء ؟ !!!

فين القوى السياسية ؟ ، فين الـ 18 إئتلاف وحزب اللى قالوا هنشارك

فين الإخوان والوفد والأحزاب الكبيرة ؟؟؟

فين بتوع الدستور أولاً ؟؟؟

طبعاً هايشاركوا ليه ، هما فضيين ، دول بيربطوا ويخططوا للمصلحة

الشهداء دول مش ماتوا ، فى ستين داهيه ، ربنا ياخد حقهم وربنا كبير

الشيخ المحلاوى الناهردة قال فى الأسكندرية الشهداء ربنا هياخد حقهم

ونعم بالله يا عم الشيخ ، هو مش إعقلها وتوكل برضه ، ولا أنا مش فاهم ؟؟؟

إشمعنا فى الإعداد للإنتخابات الجايه كله بيسن سنانه وبيحارب التانى ، إشمعنا

مفيش هنا ربنا هايقدم الخير ؟؟؟؟

ولا واحد من السادة المشاهير والنخبة اللى كانوا قرفنا بدماء الشهداء والدستور والإنتخابات أولاً راح الميدان النهاردة

هايروحوا الجمعة الجاية ، علشان الدستور أولاً والإنتخابات أولاً !!!!!

هايروحوا كل واحد يضغط من ناحيته علشان مصلحته

ألا لعنها الله من ثورة إن تناست دماء أطهر من فى هذة البلد

إنتوا سامعين كلمات الشهيد :

بلاش دموع يا أمى فى أهم كتير حاجات (مش مهم انا فيه حاجات تانيه مهمه ، الشهيد لما مات كان بيفكر كده )

إحكى لى إنت الأول أنا لو حكيت هاطول ( مش عن نفسك يا أمى عن اللى حصل فى البلد الأول )

معشان بحب بلدى كان لازم تضحيات (الله يرحمك ، الظاهر معدش منك دلوقتى)

أيوة مت لمصر بلدى أحلى موته دا أنا الشهيد ، بس وحياتك قولى لى إن فيها حصل جديد ( حد عنده رد ع الشهيد ، هاتقولوا له ايه ؟ )

لما مت دا كان تحدى إنى أجيب الخير لمصر ، مش عشان مصلحتى وحدى ولا نفسى أعيش فى قصر (لا تعليق !!!)

هو أنا سايبك لوحدى ، دا إنت أم لأى حد ، أى مصرى هاتندهى له هاتلاقينى فيه بجد ( الشهيد بيقول كده أصل دى كانت أخر شافها قبل ما يموت

كنا كلنا واحد ، كان واثق إنه لما يموت أمه مش هاتبقى فقيده الإبن ، الظاهر إنت كنت غلطان يا شهيد )

إطنى يا أمى فى لسه ناس غالى عليهم دمى ( ياترى هو لسه فيه فعلاً ؟؟؟ )

أترك لكم الإجابة ولا إنتوا مش فاضيين ، موضوع الصليب ونجيب ساويرس

شاغلكم وواخد كل إهتمامكم ، والله عيب علينا ، والله عيب علينا

اخي العزيز محمود ..

للاسف عندك حق في كل ما كتبت ..

ممكن توضحى تقصدى ايه بالصور يا ايات ؟؟؟ ، أنا فهمت بس خايف أكون فهمت غلط

معاك حق فكل كلمه كتبتها يا استاذ محمود والله عينى دمعت وانا بقرا كلامك
فعلا الثورة بتضيع منا وحق الشهدا ضايع لغاية دلوقتى
ضيعنا شهور واحنا بنتكلم فتعديلات وبعدها مش راضيين بالنتيجه وبنتكلم فالدستور اولا ولا الانتخابات اولا
وكله عمال يقطع فالتورته حتى لو مالوش حق فيها الكل بيجرى ورا مصلحته والبلد بتضيع منا
كل المصايب اللى بتحصب بيخطط ليها الفلول اللى لسه واخده راحتها وعايزه تنتقم من الشعب وعايزه الناس تقول فين ايامك يا مبارك
للاسف الثوره بترجع لورا ومحتاجه الشعب يرجع ايد واحده تانى وينقذها عشان منضعش كلنا

اقصد اننا نضع الثورة في يد البلطجية الان

*************************************

للأسف يا أ/ رنا فى غمار فرحتنا بالثورة نسينا أبطالها ، وسبناهم للكلاب ينهشوهم

فيه كام صورة شهيد بتطلع فى التليفزيون ، وفيه كام واحد مات ؟؟؟

هل خدوا حقهم من التكريم (مش من القصاص) من اللى قتلهم ؟؟؟؟

مش تكريم أهلهم برده من واجبات الحكومة اللى هيا مفروض حكومة الثورة !!!

دا مفروض إحنا اللى ندور عليهم مش العكس ، صح الكلام ولا ؟؟؟

لأ دا هما مش طالبين تكريم ولا زفت دول طالبين حقهم ، حقهم ومش عاوزين حاجه بعده

حد عبرهم ، سبناهم لفلول الوطنى يستغلوا حاجتهم ويبتزوهم مرة ومرة يضربوا

فى الشرطة بإسمهم وإحنا قاعدين نقول : لأ دا مينفعش وحقوق الشهداء

ودولة القانون وعيب ميصحش ونمشى صح ، طب ما إحنا ماشين صح بقالنا 5 شهور عملنا حاجه

الوضع بيزيد كل يوم من سىء لأسوأ ، والإخوة النخبة مش فضيين لهم وهما محروق دمهم

على ولادهم وعلى المعاملة اللى بيتعرضوا لها

يعنى مش بس ولادهم مقتولين ومش بس محدش كرمهم ، ومش

بس مفيش محاكمة عادلة ، ومش بس القتله بيرهبوهم ويضغطوا عليهم ، لأ دا كمان إحنا

بنطلعهم غلطانين ومفروض يحترموا القانون ، أى منطق يقبل بهذا ؟؟؟؟؟؟؟؟؟؟؟؟؟؟؟؟؟؟؟؟

والله العظيم هاتحل كل لعنات الدنيا علينا وعلى ثورتنا لو فرطنا فى حقهم

دى دعوة المظلوم ليس بينها وبين الله حجاب

وأنا مش هالوم أبداً أم شهيد تدعى على الثورة وعلى اللى عملوها لما محدش يسأل

فيهم ويساعدهم يجيبوا حقوقهم ، وغير دعوات أم الشهيد

هل يستقيم عقلاً أن يبارك الله فى ثورة تنصل أهلها من واجب الدفاع عن حقوق أبطالها ؟؟؟

وتركوا أهلهم يعيشون كمداً عليهم ويلاقوا من الويلات ونحن نتقاسم الكعكة ؟؟؟؟؟؟؟؟؟؟؟

هل ستكون هذة الكعكة ذا فائدة ، هل ستطعمنا ونحن أتينا بها من حرام ، لأنها نتاج تضحية

أبطال سرقنا نتيجة مجهودهم ونسينا أهلهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فالنحذر من دعوة أم مظلومة وفقيرة لا حول لا ولا قوة ولنحذر من عدالة السماء لأنه لايرضيها

أن ننسى حق الشهداء ، فالنحذر فما زال الأمر بإيدينا ، مازال أهالى الشهداء لم يدعوا علينا

وضحت وجهه نظرك يا ايات وكويس إنى سألتك تقصدى ايه ، إنا كنت فاهم غير كده

وغموض ردودك فى بعض الأحيان هيا اللى بتولد الفهم الخاطىء ، أرجو ملاحظة هذا

أهالى الشهدا قاعدين

جه حد قال لهم دول بيكرموا أهالى الشهدا وسايبنكم

خدوهم وراحوا على المسرح وكسروا المسرح علشان منعوهم من الدخول

وخدوهم بعد كده وراحوا ع الداخلية يضربوا فيهم

الداخلية شايفه قدامها شويه بلطجيه

قامت ردت عليهم

قام البلطجيه إستفزوهم أكتر

الضرب زاد

بعض النشطاء عرف قاموا نزلوا على أساس إن الشرطة بتضرب أهالى الشهداء

شويه بلطجيه تانين راحوا يضربوا مع الشرطة علشان يبان إن الشرطة جايبه بلطجيه

وهكذا إستمر الوضع يوم الثلاثاء

ايه الملخص ؟ ،الجملة اللى إنتى قولتيها يا ايات

نضع الثورة الآن فى يد البلطجية

اهالى الشهدا لا حول لهم ولا قوة ومفيش حد بيسأل عنهم

والفلول والكلاب خلاص كل ما يخشوا من سكة علشان يجهضوا الثورة تتقفل فى وشهم

خلاص يستغلوا حاجه أهالى الشهدا ويبانوا قدامهم إنهم زعلانين عشانهم ورايحين معاهم

وهايضربوا معاهم كمان ، وأهالى الشهدا غلابه والغريق بيتعلق بقشايه لإنهم طفح بيهم

الكيل بقالهم 5 شهور من سىء لأسوأ ، والنشطاء مش مستحملين يسيبوا أهالى الشهدا

بينضربوا لوحدهم فلازم يضربوا معاهم ، الموقف معقد بالشكل ده ، والحل إننا كنا ندى

لأهالى الشهداء حقهم فى محاكمة عادلة من الأول ، الحل بسيط جداً ، بس محدش بيسمع

ومدام محدش بيسمع يبقى نعمل إعتصام فى التحرير علشان يسمعوا وجمعة حق

الشهدا كان اللى فيها أهالى الشهدا فعلاً والقليل من النشطاء ولا شىء من النخبة

وأنا مع إعتصامهم لحد حقهم ما يجى ، إحنا جربنا قبل كده ومش بناخد حقنا غير

بالضغط بدليل كل المواقف والجمع اللى قبل كده والقرارات الهامة اللى كانت بتتاخد

يوم الخميس والأربعاء وبدليل إن المجلس العسكرى طلع قانون يوم الخميس بصندوق

رعاية الشهداء تابع لرئيس الوزارء مباشرة ، ودا مكنش من شهور فاتت ليه ؟؟؟؟؟؟

بس الخطوة دى متأخرة ومش هاتلبى رغبتنا ، أعتقد إن فلوس الدنيا مش هاتغنى

أهالى الشهدا عن حق ولادهم ، فالمطلوب دلوقتى محاكمة عادلة ، خلص الكلام

استاذي الاستاذ محمود لك كل الحق فيما قلت وانا من ضمن الاعضاء الذين شاركوا في موضوعي الاستاذ محمود فرج بخصوص اقحام الصليب ونجيب ساويرس في المنتدي كان لابد ان اعبر عن رأي وادافع عنة مادمت مقتنع بة ولكن حسك العالي دائما تاخدنا الي الافضل
ياريت كل واحد في المنتدي يقدم فكرة لبكرة وكلنا نتناقش فيها بدل من الاتهامات والاستفزازات الباطلة علينا وللجميع
بصراحة اهم مايحزنني البطء في محاكمة رموز النظام الفاسد والانتظار علي المخلوع الي الان في المستشفي في شرم بلدي الثاني مستفز بالرغم من ثقتنا في شرف عموما علينا نحن الافراد العمل و التحلي بأخلاق الثورة وغرسها بأيجابية فينا و عدم التهاون عدم دفع رشاوي وعدم رمي شيء في الشارع الابلاغ عن حائزي الاسلحة التي هربت من اقسام الشرطة.. الخ
قد يكون تغيير السلوك السلبي الي الايجابي من اهم مكتسبات الثورة علي مستوي الفرد

أ/ عماد أنا كنت فى مرحلة من المراحل (وليس لى وقت كبير بالمنتدى كعضو)

حين أصبح يكون موقع العاشرة هو أول ما تقع عليه عينى لأتابع حوارات ونقاشات

أما الآن فأشعر بكآبه حين أدخل إلى الموقع ، حالة إستقطاب غير عادية وبعد تفكير

وجدت أنها ليست حالة شاذة إنما هى نتاج الوضع الحالى (للأسف) فى المجتمع

يقولون أن هذا شىء طبيعى فى مرحلة إنتقالية ، لكن أيضاً يقولون أنه إذا لم يتم

الإنتباه إلى هذا وخطورته فسينقلب السحر على الساحر وتذهب بنا الثورة إلى

أسوأ مما قمنا بها لأجل القضاء عليه

لن أتحدث عن المجتمع هذة المرة ، سأتحدث عن مجتمعنا الصغير هذا ، موقعنا هذا

ماذا حدث ، لماذا لم أعد أجد أعضاء كانوا نشيطين ، أين شيماء خفاجه وقد كتبت أن

هناك ما يضايقها وتشعر بظلم كبير ، لا أعرف ماذا حدث ولكن بكل تأكيد هناك شىء غير

صحى وغير صحيح بالمرة ، أين العضو فرحة ، وهل ضايقها أحد أم أن غيابها أو لنقل

عدم المشاركة ورائه سبب أخر ؟؟؟

موضوعات الساحة فى قسم النقاشات هل خرجنا منها بغير التفرقه وسوء التفاهم وغضب

الأعضاء بعضهم من بعض ، لماذا تنتشر الندية فى النقاشات ، آسف فى الجدالات ، لأننى

لا أعتقد ان هذة نقاشات باى حال من الأحوال ، النقاش ينتج عنه نتيجه إيجابيه فهل حدث ؟

لماذا لا نسمو فوق جراحاتنا والامنا ؟؟؟

لماذا لا نكمل مرحلة البناء بروح ميدان التحرير ؟؟؟

هل ياترى سئمناها أم أننا نهفو إلى روح الفرقة ؟؟؟

لماذا نحول دائماً مسائل شخصية إلى حالة إستقطاب حادة ؟؟؟

لماذا نحمل فصيل بالكامل أخطاء شخص منتمى له ؟؟؟

ولماذا يدافع أهل هذا الفصيل عما إرتكبه هذا الشخص لأنه منهم وحسب ؟؟؟

لماذا لا نقدم مصر والمصريين فوق كل إنتماء وكل فصيل وكل دين ؟؟؟

لماذا الفرقة الحمقاء تسودنا من جديد ؟؟؟

لماذا التعصب الأعمى يتكلم بأفواهنا ؟؟؟؟

يقول الرسول محمد (ص) ما معناه :

" إنصر أخالك ظالماً أو مظلوم ، قالوا ننصره مظلوم يارسول الله ، فكيف ننصره ظالماً ؟؟؟

قال برده عن ظلمه "

لماذا نفتقد لغة الحوار بعدما كنا قد تعلمنا أحرفها فى بداية أيام التحرير وأجدنا التحدث بها فى اخر أيامه

عفواً إننى أفقتد روح التعايش فى ميدان التحرير كثيراً فى مجتمعنا الكبير وفى موقعنا الصغير

فهل لديك الإرداة لتتكلم بلغة التحرير وتتحلى بأخلاقه مرة أخرى ، أم أنك لست من أهله ؟؟؟

السؤال الأخير موجه لكل من يقرأ سطوره وأولهم أنا شخصياً

أطيب المنى بفرج قريب ،،،

استاذ محمود
نعم يوجد شيء مما قلت في المجتمع وفي المنتدي ايضا وما تعاني منة اظن انة سياسة فرض الرأي في الحوارات بمواضيع مستفزة تفرق و لا تجمع مواضيع عنصرية واتهامات باطلة وهذا اظنة طبع قد تطبعنا بة نتيجة الفكر الخاطيء و التعليم المتحيز غير الموضوعي
اما بالنسبة لأخلاق التحرير فأظن تلك هي اخلاق المصريين المفروض ان تسود وعلي كل فرد فينا التحلي بتلك الاخلاق ان كان يحب مصر ولكن هذا قد يأخذ وقت
ولكني ارجوك تمسك بالامل في التغيير و لا تيأس وهذة هي ايضا اخلاق التحرير فيجب عليك التمسك بها قبل الكل و..........سلام

متمسك بالأمل والله يا أ/ عماد لأننى بطبعى متفائل ولأنه لايوجد لدى خيار آخر سوى الأمل

أشكرك شكراً جزيلاً

مش هتكلم لانك قلت كل اللى انا عاوز اقوله

معاك فى العوده لروح التحرير

لأ أنا عاوزك تغير معاك دى يا خالد ، ايه رأيك نخليها مع بعض نرجع لروح التحرير ونستمسك بها

ونعض عليها بالنواجز كى لا تتفلت ، ربنا يكرمك يا خالد

خلاص وماله مع بعض فى العوده لروح التحرير من اجل مصر افضل

» (أكتب لكم)
» عن أول قصة حب فى حياتى أكتب ...
» أتوسل إليكم: الشعب يريد بناء النظام