عايزة اعرف كل حاجة عن.....*مصر-(ماهي مظاهر الاحتفال بالمولد النبوي في مصر؟)

طبعا طبعا يااستاذنا الفاضل مستمتعة جدا تعرف ان مبارح في لقاء بيتكلموا فيه عن مناظر اسوان والاقصر بالذات وافتكرت حضرتك قلت انا حاعرف الباقي من حضرتك

مستنينك ديمااااا

تحفة بجد موضوع رائع حقيقى بس لازم نشوف حل فى كلمة منى الشاذلى الى بتكتب دى
حضرتك عارف ان اول مرة احس فعلا بكلام الناس الى بتقول ان الاذاعة بتزود الخيال عند الناس اصلى متخيلة الشكل من الكلام ومستمتعة جدااااااااااااااا لاوم تكون الناس زمان كانت رايقة علشان التخيل ربط الموضوعين ببعض مش فاهمة ازاى بس هى جت فى دماغى الاذاعة وانا بقرأ الموضوع
وجميل اوى كمان تخيل حضرتك لكل واحد بيعمل ايه ههههههههههههههه
وانا حددت منين من الاطفال الى انا هأخدهم معايا الثلاثة الى حضرتك قولت عليهم هههههههههههههههههههههههههههههههههههههههههههههههههههههههههه
مرسيه اوى لحضرتك يا استاذنا كلنا

مش عارف اقول ايه .. حاسس اني في حلم جميل مش عايز اصحي منه ... حاسس اني جواه .. الموضوع و الصور و اشخاص الرحله اللي هما احنا تجمعوا في فيلم خيالي بديع اتمني ان لا ينتهي ابدا ..

ارفع لك القبعه يا اخي الحبيب ابو اسامه ... انك تكتب سيمفونيه رائعه .. تفوق اشهر السيمفونيات الحالمه ..

شكرا للفاضلتين نونه وآيه أتمنى لكما رحلة سعيدة حقيقية إلى الأقصر وأسوان
ولأمير منتدانا صحبتكم معنا في رحلة كهذه شرف عظيم لنا

انا مين ومنين وابن مين واهلي فين

انا الواد الاسكندراني

من عروس البحر الابيض المتوسط

ابن مصر واهلي ..اهل بحري والانفوشي وراس التين وسيدي جابر والمرسي ابو العباس

اهنا ...الجدعنه وولاد البلد

اهنا .... الدم الخفيف وحياة الربيع

اهنا...قاهرين الخريف ومدفين الشتا

اهنا ...الذرة المشوي والجيلاتي علي الكورنيش

بحبببببببببببببببببببببببببببببببك يا اسكندرية


ايييييييييييييييييييييييييييييييييييييييو

يا سلام يا ايات على اسكندرية واهلها احسن ناس

نورتي الموضوع ياأميرة الأميرات
والحلقة القادمة تكوني معانا في الرحلة
منتظرين قدومك إلى الأقصر فجميع الأعضاء معي هنا
وسوف ننتقل بعدها إلى أسوان
تمنياتي للجميع برحلة ممتعه

إلى الفاضلة إيمان
سنصل إلى أسوان وسأتحدث عن أسوان وأهلها الطيبين جدا جدا
فكوني معنا مرشدة سياحية
فأهل أسوان أدرى بشعابها
مع أني زرتها قرابة سبع مرات
وكانت لي فيها ذكريات جميله
ولا تنسي أن تعزمي أسرة المنتدى على وجبة سمك فأسوان بلد مشهورة بكرمها وجود أهلها ويوجد بها أجود أنواع السمك البلطي نظرا لوجود بحيرة ناصر
لكم كل التقدير والاحترام

ايات :

انا مين ومنين وابن مين واهلي فين

انا الواد الاسكندراني

من عروس البحر الابيض المتوسط

ابن مصر واهلي ..اهل بحري والانفوشي وراس التين وسيدي جابر والمرسي ابو العباس

اهنا ...الجدعنه وولاد البلد

اهنا .... الدم الخفيف وحياة الربيع

اهنا...قاهرين الخريف ومدفين الشتا

اهنا ...الذرة المشوي والجيلاتي علي الكورنيش

بحبببببببببببببببببببببببببببببببك يا اسكندرية


ايييييييييييييييييييييييييييييييييييييييو


الشاعره الكبيره جدا / ايااااااااااات .. القصيده زي العسل الابيض بالقشطه الطازه ...

و نحن في انتظار ابو اسامه الرائع لياخذنا في رحلته شبه الحقيقيه ...

الله اي الاغنية الحلوة دي ياايات ياسلام دنتي تنفعي مؤلفة للاغاني يمكن حالها يتعدل
واحنا بنحبوا اسكندرية واهلها اوي

ايمان تبقي من اسوان ومتقوليش؟لالالالالا مش حسيبك لازم تحكيلنا عنها وبلهجتم الصعيدية الاسوانية الجميلة

هههههههههههههههههههههه

اده هي جيت معاكم قصيدة ...هههههههههههه

انا بكتب بس معاني بحسها عن الاسكندرية


واعملواا حسابي في قطار اسوان

واحد راكب هنا لو سمحت

بيشحن بنزين يا جماعة...بس مستني شويه عشان البنزين شاحح شويه من السوق

لالالاانتهت دي ايه لسة مفهمناش حاجة مليش دعوة حد يروح لبيت الاستاذ ابواسامة ويجيبوا

انتم كمان مش عندكم بانزين اي الاملة اللي العرب فيها دي-ياحوستي-

والله مش باين
طب لغاية ميجي ا.ابواسامة عايزة اسال
هي منطقة العاشر من رمضان فين؟في القاهرة ولافي محافظة تانية؟

هي بولاق من العشوائيات؟وضمن اي محافظة؟

ياا.امير,ايات صحيح لسة في اسكندرية بيتكلموا اللهجة اللي بنسمعها في المسلسلات ولااختفت زي مقال احد المؤلفين؟

اي حكاية فنار بور سعيد؟

الي الفاضله / نونه ..


اللهجه الاسكندراني دي انقرضت تماما .. و لا تجديها الا في المسلسلات فقط ...

عفوا يا نونه .. ااسف للتاخير ..

العاشر من رمضان

هي باكورة المدن العمرانية الجديدة في مصر وتقع حدودها على بعد 28 كم من حدود القاهره كما تبعد عن مدينة بلبيس بحوالى 30 كم ، ويربطها بأقاليم شرق ووسط الدلتا و القناه و سيناء شبكة من طرق سريعه ، إلي جانب قربها من مطار القاهره الدولى، ومدينة العاشر من رمضان تمتاز بموقع فريد بين هذه الأقاليم وللمدينة مدخلان على طريق القاهره الاسماعيليه الصحراوي الأول عند الكيلو 51 والثانى عند الكيلو 56.
المدينة قد تم إنشاؤها عام 1977 م لجذب رؤس الاموال الأجنبية والعربية والمحلية بغرض توفير فرص عمل للشباب، وكذلك لإستقطاب الزيادة السكانية إلى خارج القاهره ومن الوادي الضيق إلي أفق أوسع وأرحب والإرتقاء عمرانياً و اجتماعيا بسكان المدينة.
يشمل تخطيط المدينة إقامة نوعية من الصناعات الثقيلة شرق طريق القاهره الاسماعيليه الصحراوي و صناعات متوسطة وخفيفة غير ملوثه متاخمة للاحياء السكنية لسهولة الإنتقال بين المسكن و المصنع .
تشتمل المدينة على أربع مراحل عمرانية وكل مرحلة أربع احياء سكنية يتوسطها مركز المدينة الرئيسي بخلاف المناطق السكنية بأنواعها المختلفة.

-----------------------------------

بولاق الدكرور

حي بمدينة الجيزه بمصر يقع غرب الدقي والمهندسين وشمال فيصل والهرم وجنوب امبابه وبشتيل.
وهو من القرى القديمة وردت في قوانين الدواوين وتحفة الإرشاد باسم بولاق ..وأصل الاسم كلمة بولاق هو بلاق بكسر الباء وهي كلمة مصرية قديمة معناها المرساة أو الموردة، وقد أطلق هذا الاسم على بولاق لأنها كانت الموردة قبل إنشاء الجيزة ثم حرف اسمها إلى بولاق ..
وهو الأمر الذي تكرر بعد ذلك في عهد السلطان الناصر محمد بن قلاوون عندما أنشأ مدينة جديدة على النيل تجاه القاهرة في عام 713هـ/1313 م وأطلق عليها اسم بولاق أيضا لأنها صارت مرساة ترسو فيها السفن القادمة إلى القاهرة والمبحرة
غير أن تسميتها ببولاق الدكرور ترجع إلى عهد الخليفة المعز لدين الله الفاطمي 365-386/975-996 عندما نزل ببولاق الشيخ أبو محمد يوسف بن عبد الله التكروري، كان الناس يعتقدون فيه الخير والصلاح، فاشتهرت القرية باسم بولاق التكروري.
وكانت مساكن بولاق التكرور واقعة على شاطئ النيل الغربي في شمال سكن قرية الدقي وقت أن كان النيل يجري تحت سكن القريتين المذكورتين، وعليه ساقيتان لري أراشيهما الزراعية . عرفت الأولى بساقية بيان والثانية بساقية خواجا ..
هذا وكانت بولاق التكرور إحدى قرى محافظة الجيزة، ثم دخلت منذ عام 1967 في زمام مدينة الجيزة، وأصبحت مقرا لأحد أقسامها الإدارية يبتعها بعض الشياخات.

و تعتبر بولاق من المناطق الشعبيه بالقاهره ..

ياااااااااااااااااااه مش عارفه ازاى الرحله دى فاتتنى شكلى وصلت متاخر قوى مش عارفه لو استاذ ابو اسامه هيكملها هيبقى فيه مكان ليا ولا لأ عالعموم ممكن اركب فوق الاتوبيس مفيش اى مشكله

تحياتي:
كل الأعضاء بإذن الله معانا
انتي تنورينا يا رنا
سننطلق لتكملة الرحلة ابتداءا من غد أصلي عندي بنتنا آيات بتمتحن وانشغلت معاها شويه
ربنا يوفقها أدعولها
آآآآآآآآآآآآآمين