سلملي على كرامة المصريين

في السعودية سجنهم وجلدهم 80 جلدة وفي الجزاير حصارهم وتدمير محال اقامتهم واعمالهم وممتلكاتهم
وفي الكويت ترحيلهم وفي اياديهم السلاسل الحديدية امام العامة او سجنه لشهور على ذمة قضية قتل والحكم بالاعدام عليه فتظهر المجني عليها فيكتشف صدفة انه برئ وفي لبنان ضربه ثم ضربه مرة اخرى فيقتل وسحله وتجريدة تماما من ملابسه والتمثيل ...بجثته عاريا وتعليقها مكان عمود النور وتصوريه ليشاهد العالم إلي أي مستوى وصل العرب من التحضر والرقي ؟؟؟

: هما مين اللي يحصل فيهم كل دا ؟؟؟؟؟؟؟؟؟؟

دول اللي الأمن بتاعهم في بلدهم بيضربهم بالجزم يوم 6. أبريل في ميدان التحرير وبسياط العصيان لكل واحد يقول أه كفاية ادام نقابة الصحفيين او المحاميين
دول اللي نواب شعبهم مش طايقنهم وقالوا اللي يفكر يقول لا يضرب بالرصاص بناقصهم دول اللي معتصمين وبالبطاطين متغطيين ليل في عز التلج ونهار في عز النقرة ومفيش حد يقولهم انتم مين وعايزين ايه
دول اللي بيغرئوا في البحر الأحمر وقاتلهم بيقضي عقوبته في شارع اكسفورد في لندن

دول اللي بيتحرقوا في القطارات او يطئش القطر بتاعهم في القطر صاحبه
دول اللي اتسرقت منهم الفرحة والإحساس وقبليها الكرامة مش عارفين اتسرقت منهم الاول جوة ولا من برة عمالين بيدوروا عليها هما دول اللي اتسرقت منهم حياتهم كلها وعيشتهم حلمهم انهم يلاقوا بس حاجة واحدة منها

دول اللي عاليهم واطيهم وواطيهم عاليهم دول اللي العدل في بلدهم خد معاه الحق وراحوا رحلة ومرجعوش تاني ومش عايزين يرجعوا والضمير اخد اجازة بمرتب دول ناس غلابة اوي

دول اللي صرختهم مكتومة ومخنوئة وبيظهر بدل منها صوت الزيف والكدب
دول اللي الزمان جار عليهم بعد ما كانوا اصبحوا في خبر كان

اعمل فيهم كل اللي انت عايزه مش هتلاقي حد يحاسبك ولا يقولك انت بتعمل معاهم ليه كدا ؟؟؟؟ وان سألك في يوم انت ليه بتعمل كدا قوله لاني لقيتك انت كمان بتعمل اكتر من كدا

الان بعض المصريين والإخوة اللبنانيين والمتابعين للقضية بكل بساطة يدعون أن ما حدث للقتيل هو ما يستحقه فهو قاتل وذلك هو القصاص وحق أهل المجني عليهم عفوا نحن لا نعيش في قانون الغابة وارجوا ان نفهم ديننا جيدا ربنا أحل القصاص وأمرنا به ولكن مش اي حد ماشي في الشارع يطبقه يكون بطل القصاص لأولي الأمر يطبق فيه أقصى عقوبة دا اذا فرضنا أنه مجرم وعن فكرة التمثيل بالجثمان فتلك فعلة شاذة بعيدة عن الفطرة الإنسانية السوية

عمرو علي

كلماتك هى نفس آهاتنا الدفينة ، فشكرا على التنفيس عنا ، وأنا معك أن البوليس اللبناني قصر وكان يجب أن يتخذ القانون مجراه وهو الإعدام طبعا ونحن كنا سنكون مع القانون لأن مافعله هو أيضا بشع ، لكن إهانته بهذا الشكل هو الذى آلمني وليس تعاطفا معه كشخص إرتكب جريمة بشعة جدا سمعت تفاصيلها من أم البنتين فقد قتلهما ومثل بهما وكذلك بالجد والجدة ، ولكن تعاطفا مع إنسان مصري أهين فى بلد آخر فقط ، وتقبل مروري

شوف يااستاذ عمرو
كل امثلة اهانة المصرى فى الخارج واكثر منها بيحصل وحيصل
وضع طبيعى جدا
فالمصرى توجه له الاهانه ولا يعامل كانسان داخل وطنه
فهو الذى يأكل الخبز المصنوع من القمح المخلوط بالحشرات
وهو الذى يأكل لحم الحمير واللحم بالديدان
وكفايه كده
عاوز بعد كده يعاملون المصرى فى الخارج كانسان
شوف يااستاذ عمرو مره تانيه
فيه مثل شعبى بيقول
اللى جوزها يقول لها ياعوره يلعبوا بيها الكوره
وطبعا حكومتنا مش قالت لنا ياعوره بس ديه قالت كل حاجه يبقى فى الخارج يلعبوا بينا الكوره بس ؟؟؟؟؟؟؟؟؟؟؟؟ طبعا لأ
يمسحوا بكرامتنا الارض
وحسبى الله ونعم الوكيل

لو سمحمتم

محدش يقول علينا كده
كرامتنا محفوظــــة
لانها من كرامة ريسنــا
وكرامة نجلـــــة
وكرامة عـــــــز
وكرامــــــــــات أم هاشـم
وسلم لى بقى على الكـــرامـة

كل ده ماشي واضافة بسيطة وهي ان في مصريين بيقطعوا في بعض

شكرا استاذ عمرو علي طرح الموضوع

الدكتور عصام المحترم
معك فى أى سخرية على أوضاعنا المخزية ولكن لست معك إطلاقا أن ندخل فى سخريتنا آل البيت أو الأنبياء أو الدين ، فأم هاشم هى عقيلة بني هاشم أخت الحسن والحسين بنت علي كرم الله وجهه وفاطمة الزهراء رضي الله عنها وجدها هو رسول الله صلى الله عليه وسلم ، خير ماخلق الله ، فرجاء لاداعي أن ندخل هؤلاء فى سخريتنا أو كلامنا العادى

» كرامة مصر
» أضحك مع المصريين
» العادات والتقاليد عند المصريين.,
» دعوة لتمصير المصريين
» اراهن على ذكاء المصريين