ماذا تفعل لو ؟؟؟

انا بقى صحيت امس ولما شفت الخبر المعلن على رحلات الى انجولا

عمالت اتصلات علشان اسافر معاهم واساند المنتخب

ولكن لم يسمر البحث عن شىء

بس انا بقى اليوم هتابع المبارة بعصبية

لانى مشجع متعصب جدا ولكن فى حدود الرياضة فقط

يعنى لا سباب ولا شتائم لا نرفزة

ونشاء الله هنكسب ماذا تفعل لو ؟؟؟ - صفحة 6 Icon_biggrin

اشكرك جدا يا استاذ طلعت على ردك الجميل والموضوعى واكيد بعد كلام حضرتك ده محدش هيجروء على عمل اى احداث شغب
استاذ ممدوح رأيك وكلامك جميل جدا لازم تروح الماتش عشان لو حصل اى حاجه تمسك المايك وتقول كل الكلام ده
تمام كده يا سامح بدون عصبيه وفى حدود رياضيه وفقط اشكرك جدا
كل الاراء يا يات على المباره القادمه وليس السابقه شكرا على تنبيهيك بس فين رأيك؟

بعد فوز مصر برباعية نظيفة
وإنتهاء المباراة على خير
أهنىء هذا المنتدى الجميل وكل شعب مصر بهذا الفوز الكبير
ولا بد لنا من التواضع لله ، فما فزنا إلا بإذنه وتوفيقه
....................
وبعد التهنئة
أقول للأخ الفاضل اليقظ ممدوح
والله لقد أتعبت من قبلك ومن بعدك بردك الفخم
وأسلوبك القيم، وبارك الله فيك
تقبل تحيتى أخى الكريم
......................
شكرا يا رنا على موضوعك وأدبك وسلاسة عرضك
تقبلى تحيتى وإحترامى

زائر

أ/رنا الحاج طلعت
السلام عليكم وألف حمدوشكر لك يارب العالمين فالنصرمن عندالله ويارب تكمل فرحتنا بأذن الله
ومن بعض ما عندكم ياأ/طلعت فلك الشكرعلى تواضعك وأخلاقك الكريمة العالية

رنا فرحتنا كبيرة بالفوز وده كفاية
استاذ طلعت المنتدي والشعب المصري كله فرحاااااااااااان جد جدا
ماذا تفعل لو ؟؟؟ - صفحة 6 Lol

ماذا تفعل لو رجع بيك الزمن كام سنه ؟؟؟

طبعا ده موقف تخيلى مفيش زمن ولا عمر بيرجع
لكن خلينا نتخيل لو رجع بيك العمر هتعمل ايه؟؟؟
هل فى قرار اخذته وندمت عليه ولو رجع بيك الزمن كنت ستغير هذا؟
ام هل يوجد شئ فعلته او لم تفعله واذا رجع بيك الزمن كنت ستفعله؟
فى انتظار ردودكم وافكاركم...

يسعدني ان اكون اول من يجاوب

لكن خلينا نتخيل لو رجع بيك العمر هتعمل ايه؟؟؟

حتعلم من الاول ازاي اطور نفسي ومحتاجش لاي حد وكثير من الناس اللي عرفتهم دلوقتي مش حعرفهم ابدا وعلم نفسي اني مندمش على حاجة ولاعلى اي حد

هل فى قرار اخذته وندمت عليه ولو رجع بيك الزمن كنت ستغير هذا؟

كثير.......مثلا كثير مااسامح اللي بيجرحوني ا وفي النهاية ماخذش من المسامحة دي غير قلة القيمة والاستغلال
والقرار التاني:مش حدرس المحاسبة ابدا

ام هل يوجد شئ فعلته او لم تفعله واذا رجع بيك الزمن كنت ستفعله؟

الشيء اللي حرجع افعله :انتمائي للموقع ده وحبي لمنى ,متابعة الاستاذ عمرو خالد ومن الاول

الشيء اللي مش حعمله :هو نفس اجابة السؤال اللي فات

-شكرا ياروني

زائر

أ/رنا تحياتى لشخصك المهذب
لو تخيلت ما تطرحيه رغم أن أل فات مابيرجعش
ماكنت أترك فريضة من أداء الصلاة وتلاوة القرآن الكريم وما كنت أعصى لوالدى أمرآ
وماكنت تركت ومجالسة أمى رحمهاالله وأدخلها فسيح جناته كونى ماكنت أتخيل أن أكون واحيدآ
بعدفقدانى لها أسألكم الفاتحة لهاووالدى رحمهما الله وغفرماتقدم من ذنبهم ماتقدم وما تأخروجعل
مسواهم الجنة مع الشهداء والصالحين والصدقين وحسنة رفيقآ ورحم الله أمواتنا وأموات المسلمين أجمعين
هذا ماأتمناه كونى حققت ما أحلم به والحمدلله والفضل لهما فى ذلك
أشكرك على موضوعاتك القيمة أ/رنا ولاتنسوا قراءة الفاتحة لسائرأموات المسلمين

ماذا تفعل لو رجع بيك الزمن كام سنه ؟؟؟

طبعا ده موقف تخيلى مفيش زمن ولا عمر بيرجع
لكن خلينا نتخيل لو رجع بيك العمر هتعمل ايه؟؟؟

هعمل حاجات كتير بصراحة هصلي الفروض الي كانت عليا في الصلاة وكمان كنت هصل ناس انا بعدت عنهم اوي ودلوقتي يدوب قربت منهم وحسيت ان وجودهم كان هيفرق اوي معايا
هل فى قرار اخذته وندمت عليه ولو رجع بيك الزمن كنت ستغير هذا؟

مافيش قرار بصراحة

ام هل يوجد شئ فعلته او لم تفعله واذا رجع بيك الزمن كنت ستفعله؟

لو رجع الزمان سأفعل شئ احتاجه الان ..سأعيش كل لحظة فوتها ولم اجتمع فيها مع نهلة واحلام - رحمهما الله - صديقتان لم اجد مثلهما بعد حتي الان لا في الاخلاص ولا في النفس النقية ولا في التسامح ولا في التفاهم ولا في حسن الظن

شكرا يا رنا علي الموضوع المتميز ..تسلمي

زائر

أ/أيات
اللهم أرحم امى وأبى وأرحم نهلة وأحلام أولادحوا وأدم وأدخلهما الجنة وأرحمهما وأغفرلهما وألهم أهلهم وذويهم وأقاربهم وأصدقائهم الصب والسلوان وأسألكما قرأة الفاتحة لتنيرقبرهما أمين
جميل الوفاء والصداقة لهذا الحد فهذة تانى مرة أراكى ياصغيرتى تذكريهم من قبل فى المحكمة والأن
تعودى بذاكرتك لهما رحمهما الله وأخلفك بصديقات أخريات فى ومن نادرفيه كلمة صداقة
احييكى وأنحنى شامخآورافعآالرأس لأخلاصك وصداقتك الطاهرة النادرة وأطال الله فى عمرك وأسرتك الكريمة

ممدوح كتب:: أ/أيات
اللهم أرحم امى وأبى وأرحم نهلة وأحلام أولادحوا وأدم وأدخلهما الجنة وأرحمهما وأغفرلهما وألهم أهلهم وذويهم وأقاربهم وأصدقائهم الصب والسلوان وأسألكما قرأة الفاتحة لتنيرقبرهما أمين
جميل الوفاء والصداقة لهذا الحد فهذة تانى مرة أراكى ياصغيرتى تذكريهم من قبل فى المحكمة والأن
تعودى بذاكرتك لهما رحمهما الله وأخلفك بصديقات أخريات فى ومن نادرفيه كلمة صداقة
احييكى وأنحنى شامخآورافعآالرأس لأخلاصك وصداقتك الطاهرة النادرة وأطال الله فى عمرك وأسرتك الكريمة

لو ضاع الاخلاص والتفاهم وحسن الظن والاخلاص والعطاء

علي الاقل نجعل للوفاء وجود..وفاء لكل الاشخاص الذين حملوا تلك الصفات

استاذ ممدوح رحم الله الوالد والوالدة واسكنهما فسيح جناته اللهم اغفر لهما واعفو عنهما وثبتهما عند السؤال هما وكل اهلنا واحبابنا واخواتنا في الدين والوطن

اشكرك جدا علي كلامك الطيب الراقي

زائر

أمين أمين أمين يارب العالمين اللهم تقبل الدعاء يامجيب الدعوات
أشكرك على شعورك الطيب ياأ/أيات

اعجبتنى ردودكم جدا نونه واستاذ ممدوح وايات
نونه المسامحه شئ جميل ولكن قد تكونى اعطيتها لاشخاص لا يستحقون اما غير ذلك فهى صفه جميله يجب ان تحافظى عليها
استاذ ممدوح رحم الله والدايك وادخلهم فسيح جناته ان شاء الله هم وجميع اموات المسلمين
ايات ربنا يرحمهم نهله واحلام وادخلهم فسيح جناته وغفر لهم ان شاء الله
تاكدى يا ايات من وجود الاخلاص والتفاهم وحسن الظن والعطاء وغيرهم من الصفات
اشكركم جدا نونه...استاذ ممدوح ...ايات...

زائر

الأستاذة/رنا
الشكروالتقديرلحضرتك لطرحك الموضوعات الشيقة
وأشكرك للدعاء الخالص والصادق لأبوياوتقبل الله دعاءنا ودعائك الطاهركشخصك المحترم
شكرى وأرق أمنياتى للجميع

اشكرك جدا يا استاذ ممدوح...خالص احترامى وتقديرى لحضرتك
وفى انتظار المزيد من المشاركات

استاذ ممدوح رحم الله ابويك وادخلهما فسيح جناته وجزاهما خيرا عنك وعما بذلوه من جهد وترسيخ من قيم ساميه فى شخص محترم مثلك فنحن نتاج آباأنا كما ان اولادنا نتاجنا

رحمهماا الله وجميع المسلمين انشاء الله

آنستى الجميله رنا

ماذا تفعل لو
بصراحه اجابتى ممكن تعتبريها إتكاليه ولكنى سأجيب والاجر والثواب عند الله انا بصراحه شايفه انه لو رجع الزمن كل منا سيفعل ما فعله لأن الله سبحانه تعالى قدره وكتبه ونحن فكرنا واخترنا ما قدر لنا مسبقا عنده سبحانه وتعالى وهذا من ضمن اسباب اننا مطالبون بالرضا لما قدره لنا الله حتى نعيش مطمئنين ومرتاحين لما قسم لنا فنحن علينا السعى ولكن النتيجه ( وهى ما وصل كل منا اليه ) فهى بيد الله وحده
واذا خرجت عن ذلك الشعور الايمانى الذى انا فيه الآن فاسمحى لى ان اجيبك عن سؤالك ما هو القرار الذى اتخذته وندمت عليه ولو رجع الزمن لا اتخذه مرة اخرى
هذ القرار عند التحاقى بالجامعه منذ 30 سنه وكان قرارى التنازل عن الكليه التى احبها والتحاقى بأخرى ثم بعد أن انتهيت منها عدت والتحقت بالكليه التى احبها وانهيتها هى الاخرى والحمد لله ولكن ذلك كلفنى سنوات من عمرى وكذلك تغيير كامل فى مستقبلى العملى مما كان له أثر سلبى فلو رجع بى الزمن لاخترت من البدايه الدراسه التى احبها ولاجتهدت فيها ولابدعت فى عملى ولوصلت الى وضع أرضى عنه ولكن قدر الله وماشاء فعل
وذلك علمنى انى عندما أستشار لا اقول ابدا لمن يشورنى افعل كذا ولا تفعل كذا ولكنى اوضح له ايجابيات وسلبيات البدائل المطروحه للاختيار وعليه هو وحده القرار لأنه وحده الذى سيتحمل نتيجة هذا القرار
الامر الاكيد الذى كنت سأفعله فعلا هو الالتزام بالصلاه منذ فرضها عليا وسامحنى الله على ما فات فرحمته واسعه
تحياتى لك

زائر

أ/عزة تحياتى وأرق أمنياتى لشخصك الجميل
تقبل الله دعائك الخاص وبارك الله لكى فى صحتك وأولادك النتاج المحترم من شخصك وزوجك
وألف شكرلدعائك الصادق تقبل الله منا ومنكم وأطال الله فى عمرك وزوجك وأولادك

كلامك صحيح يا استاذه عزه ولكن فى النهايه لا زمن بيرجع ولا عمر كمان ده مجرد تفكير فى اخطاء ماضيه او تصرفات وقرارات ندمنا عليها
اشكرك جدا يا استاذه عزه واحيكى على عدم الاستسلام والدراسه بكليه احببتها بعد انهاء دراستك الاساسيه وواضح انى هعمل زى حضرتك ههههههههههههه
اشكرك مره ثانيه

ماذا تفعل لو تعرفت على شخص واحببته وصادقته وفجاه تجده تغير معك بدون اى سبب مقنع لدرجه تعجلك تشعر بانه يكرهك ولا يطيق سماع اسمك !!!
هيكون ايه شعورك وهتعمل ايه؟؟؟

عزيزتى
خديها حكمه من سيده قربت على الخمسين من العمر
هذا النموذج من البشر لايستحق لحظة تفكير ولا لحظة ألم
من لم يقدر مشاعرنا ويحافظ عليها ويبادلنا مثلها واكثر لايستحق منا اى شئ
تحياتى عزيزتى

بصى يارنا انا لو حصل معايا الموقف ده وشخص بحبه جداااااااااا
مش حسيبه لقراره حفكر انا عملت ايه يضايقه بقصد أو بدون قصد
كمان حعاتبه مره واتنين وتلاته مش اسيبه مع نفسه ولا كأن كان فى
شىء بينا خصوصا لو كان فى ذكريات حلوة مجيش من اول ما اتغير
اسيبه لا اعرف ايه اللى بيخليه يبعد منى ؟؟؟؟؟؟؟ .

كلام صح 100%يا إيمان
وأعتقد أن السيدة عزة تقصد أن نتعامل مع هذا الشخص بهذا المنطق بعد إستنفاذ ما أشارت إليه إيمان من سبل للتأكد من عدم حدوث لبس فى أمر ما أو سوء فهم يمكن أن نكون نحن سببا فيه من الأساس،
شكرا يارنا على السؤال المهم0

خلينى يا رنا اشكرك أول على الموضوع المميز و اسجل كامل سعادتى لانضمامى للاسرة الجميلة دى و يا رب التوفيق للجميع

بالنسبة لاجابتى احب قبلها احكيلكوا باختصار قصة كنت قريتها فى بريد الجمعة للمرحوم الاستاذ الكبير /عبد الوهاب مطاوع .. هو كان شاب طبيب بعتهالوا حكى فيها انه خاطب انسانة بيحبها جدا و هى كذلك و خلاص قرب الجواز اكتشف انه مريض بالكانسر ـ ربنا يعافى جميع مرضى المسلمين ـ يعنى هو فكر مع نفسه كتير و وصل لحل انه مش لازم يعذبها و لا والديه معاه فكتم ألامه فى نفسه و قرر أنه يسبها من غير ما يعرفها لانها عمرها ما كانت هتتخلى عنه لو عرفت فكان الحل اللى قدامه انه يكرهها فيه و يتعامل معاهها بنشوفية و لا مبالاة .. طبعا هى استغربت وكلمته كتير و حاولت تعرف السبب الحقيقى بدون جدوى و كذلك والده و والدته

قصدى من الحكاية إننا لازم فى البداية نلتمس الأعذار لأن الحب و الصداقة مش بالساهل كده و عموما الانسان اللى قلبه صادق و صافى حقيقى بيقدر يفرق بين الحب و الصداقة الحقيقين و بين الحب و الصداقة المزيفين او اللى قايمين على مصلحة مؤقته بانتهائها ينتهى الود و الاحترام

صح يا فرحة
وما أشرتى إليه هو مثال ممتاز لعدم التسرع بسوء الظن
شكرا لوجودك ولكلماتك الراقية الجميلة0

» ماذا تفعل؟؟؟؟؟؟
» القائمة السوداء لـ "منافقي مصر" ضد ثورة شباب 25 يناير ( كاملة ) بالاسماء و بالصور و ماذا فعل و ماذا قال كل منهم . المطالبة بحرق سماح انور في ميدان التحرير
» ماذا يحدث في مصر ؟
» .. ماذا تنتظر مصر؟
» ماذا عن المعاكساااااااااااااااات ؟؟؟؟؟؟