ماذا تفعل لو ؟؟؟

الموقف التانى:

ماذا تفعل لو؟؟؟؟
كنت قاعد فى يوم فى اى مكان هادى وجنبك موبايلك وموبايل صاحبك او اختك او مراتك اى حد ولقيت موبايل صاحبك ده بيتصل بيك على موبايلك من غير ما حد يمسكه ويتصل
هتعمل ايييييييييييه؟؟؟؟
(الموقف ده حصل فعلا)

هافتح عليه يمكن يكون عاوزنى فى حاجه مهمه ولا حاجه هههههههههههههههههه

إزاى حيرن من غير ما حد يمسكه ويتصل ؟؟؟؟؟؟؟؟
حرد وأشوف إيه الموضوع .

مهو المشكله ان انت هترد على مين ده مش بنى ادم بيتصل ده حاجه تانيه

يعنى عن نفسى انا هجرى واسيب الموبايلات ومش هفكر مجرد تفكير انى ارد
شكرا يا خالد ويا ايمان
بس فين باقى الاعضاء؟؟؟؟؟؟؟؟؟؟

عادي يعني مش حتخض لأن ما أكثر الموبايلات اللي بتهنج لوحدها!!!
بس ممكن افضل اضحك على الموقف ده يومين ههههههههههههههههههههههههه

كويس انك هتضحكى يا يمنى وتعتبري ان الموبايل هنج مش حاجه تانيه......
طمنتونى والله ان اعصابكوا حديد هههههههههههههه

الموقف التالت:ممكن يحصل

فى يوم وانت مروح لقيت واحد شحات زى اللى بنشوفهم كل يوم عايز جنيه يروح بيه وقعد يستعطفك عشان تديله وانت اديته الجنيه ده مع انك كان ممكن تحتاجه
فى يوم بقى كنت بتتعشى فى مطعم محترم وغالى بتبص على الترابيزه اللى جنبك لقيت الراجل الشحات ده قاعد عليها وقدامه ما لذ وطب من اصناف الاكل ولابس بدله نظيفه والعربيه مستنياه بره بالسواق بتاعها
هتعمل ايه ورد فعلك هيكون ايه ؟؟؟؟؟؟؟؟؟؟؟

فعلا زي ماقلت يمنى ممكن حفضل اضحك على الموقف ده كل مفتكره بس بردوا حفضل كده

اما الموقف الاولاني فانا مش حستحمل كده حتخنق جدا وتضايق
يبقى كل اللي عملناه فاشوش
بس ممكن لو اكيد هم موقع الرسمي حبقى معاهم بس بعد فترة مش ع طول لغاية متعود على الموقف ده
بس اكيد لازم تكونوا كلكم هناك لو مشاركتوش هناك مش حعبروه
وحبقى كده

شكرا يارنا موضوع جميل استمري......

انا حصلي زمان ايام الخطوبه موقف مشابه .. فيه شاب كل ما امشي في منطقه معينه يقوللي لو سمحت سلفني جنيه علشان اركب بيه علشان فلوسي اتسرقت و كان بيصعب علي و اديله و في يوم من الايام و انا جالس مع خطيبتي في مكان شيك قوي و غالي جدا .. لقيت الشاب ده قاعد مع خطيبته و عرفت من الدبل اللي في ايدهم و طريقة كلامهم .. ما زعلتش و زعلت في نفس الوقت :
ما زعلتش علشان عرفت انه بيشحت الفلوس دي لغرض نبيل و زعلت لانه بادي حياته بالكذب علي خطيبته لاظهار نفسه انه من وسط غني و هذا افظع شئ ان الشاب مايكونش صريح اثناء الخطوبه ..

انا بالنسبالي من الاول مش حديله فلوس اصلا لأن الموضوع ده اتعرف اوي و مبقناش نعرف مين المحتاج بجد و مين النصاب فبطلت اطعاتف بصراحه..لكن حفترض اني اديت واحد زمان مثلا و بعدين شوفته تاني في حاله مختله ممممممممممم مش عارفه حيبقى رد فعلي ايه بس اعتقد اني حدايق من نفسي و منه!!! _لو واحده مش واحد ممكن اتجرأ و اروح اتكلم معاها و احاول افهمها على قد مقدر ان ده حرام و مينفعش_
عذرا على الاطاله...

موقف يغيظ....... بس لو حصلي اكيد هاسكت بس هاكون متغاظه مووووت
مرسيييييي يا رنا موضوع جميل

حلوه اوى تعبيراتك يا نونه بس انتى معلقتيش على اخر موقف

الحمدلله انه كان لغرض نبيل يا استاذ امير بس الله اعلم يمكن كان بيضحك عليها برضه بس كده كده حضرتك خدت الثواب عشان الواحد بيحط فى نيته ان هيه لله
فعلا يا يمنى الناس دول محتاجين حد يفوقهم مش نسيبهم والمشكله ان اغلب الناس دول لسه بصحتهم يعنى ممكن يشتغلوا ويكسبوا فلوس بس هنقول ايه بقى
هوه فهلا موقف يغيظ يا نادين بس متكتميش فى نفسك روحى لمى عليه الناس وقولى انه حرامى هههههههههههه
اقولكوا بقى انا ممكن اعمل ايه لو كانت ست ممكن اتكلم معاها بس لو راجل مممممممم الموقف هيبقى محرج شويه بس لازم اتصرف هجيب الموبايل واصوره وهوه فى المطعم ولما يركب العربيه واعمل نسخ من الصور دى والزهقا فى المكان اللى بيعض فيه واكتب عليها هوه ده اللى عامل نفسه شحات وبيسرق فلوسنا خدوا بالكوا بس كده pirat

RANA كتب:: الموقف التالت:ممكن يحصل

فى يوم وانت مروح لقيت واحد شحات زى اللى بنشوفهم كل يوم عايز جنيه يروح بيه وقعد يستعطفك عشان تديله وانت اديته الجنيه ده مع انك كان ممكن تحتاجه
فى يوم بقى كنت بتتعشى فى مطعم محترم وغالى بتبص على الترابيزه اللى جنبك لقيت الراجل الشحات ده قاعد عليها وقدامه ما لذ وطب من اصناف الاكل ولابس بدله نظيفه والعربيه مستنياه بره بالسواق بتاعها
هتعمل ايه ورد فعلك هيكون ايه ؟؟؟؟؟؟؟؟؟؟؟

على فكرة الحالة دي بتحصل وسامعة عنها كثير
طبعا حاجة تغيظ جدا جدا بس مش بعيد يتسول بالنهار وباليل يبقى بيه عادي في زمانه ده

شكرا ياريري

الموقف ده بيحصلى كتير يارنا
بس المحتاجين بتبقى نفسهم عفيفه شويه

وبيبان مين المحتاج من اللى مش محتاج
بعرفهم يعنى لأن لو حصل لى الموقف ده حتضايق جدااااا.

تسمحولى اشارك معكم
بالنسبه للموقف ده انا يمكن كنت الاول بديهم بس من فتره قررت
انى مش اديهم حاجه والفلوس دى ليها اماكن اخرى
بس لو حصل فاكيد مش هعمل حاجه وللاسف ايضا مش هقدر اروح انصحها
بس هقرر انى لا اعطى احد منهم مره اخرى

نرجوا ان تكون موضوعاتنا اكثر عمقا من ذلك يجب ان نبحث فى هذا النقاش عن حلول لمشاكل هذه البلد القابعة فى الفوضى الثقافية والاجتماعية والاقتصادية التى حولتنا دولة بلا هوية تقريبا نريد مثلا ان تتبنى العاشرة مساءا إقامة حكومة ظل من خيرة ابناء مصر ثم يتم استقبالهم تباعا وعرض خطط الحل لعشر سنوات قادمة لهذا البلد اما المواضيع الحالية آسف ان اقول انها سطحية جدا

شكرااااا يا نونه على مشاركتك
والله يا ايمان لو قعدنا نفكر مين المحتاج ومين اللى مش محتاج مش هندى حد حاجه شكراااا يا ايمان
فعلا يا جاسمين فى كتير ممكن يعملوا كده ويقرروا انهم ميدوش حد حاجه شكراااا يا جاسمين

الحكيم ليه حضرتك متحفز كده مع انك لو بصيت على المواضيع فى الموقع هتلاقيها جاده وبيكون فى نقااش لمشاكل كتير بتحصل فى البلد
لكن الوصف بانها سطحيه ده شئ مش صحيح بالنسبه للموضوع ده احنا بنتكلم فى مواقف بيتحصل فى حياتنا اليوميه مش لازم تبقى المواضيع سياسيه عشان تبقى جاده وباقى المواضيع سطحيه

ماذا تفعل لو قابلت مثلا أستاذه منى الشاذلى
صدفه دا تخيل مثلا ؟؟؟؟؟؟؟؟؟؟؟

مش هتحرك من مكانى وهقف ساكت خالص

هقولها اتعلمت منك كل حاجة جميلة لانك بجد انسانة جميلة وهمشى علشان ما ارخمش عليها ههههههههههههههه

انا بقى مش عارفه حسلم عليها طبعا
وأقولها فى ناس كتيره بتحبك وتحترمك
وفى موقع جميل للبرنامج فيه ناس محترمين
جدا بيحبوا البرنامج وبيحبوكى زيك كده يا أيه . Very Happy

[size=24]بشكرك جدااا يا ايمان على الموقف الجميل ده

ده موقف ولا فى الاحلام

مينفعش مسلمش عليها الفرصه دى مش هتكرر تانى حروح واسلم عليها واقولها انى بحبها قوى من ايام ثانوى وانا بتفرج عليها

وان هيه حد جميل اوى بحس انها زى اختى الكبيره واتمنلها التوفيق فى حياتها وشغلها [/size]

يلا بقى جايبلكوا موقف مختلف تماما

تخيل انك مروح فى يوم من الشغل زهقان وتعبااااان او تخيلى انك كنتى واقفه فى المطبخ ومشغوله وسيبه ولادك او خواتك بيلعبوا وخلصتى اللى عليكى بقى وعايزه تريحى شويه
واول ما فتحت الباب او خرجتى من المطبخ تشوفى المنظر ده Suspect

او ده

هههههههههههههههههههه طبعا نيولوك تحفه lol!

هتعملوا ايه ؟؟؟؟؟؟؟

انا طبعا مش هاتخيل يا رنا
انا هاقولك اللى حصل فعلا
وكمان كان فى رمضان قبل الفطار بساعة تقريبا
بس هما كانو مطلعين الهدوم من الدولاب وبيغسلوها

وقعدت اصرخ لحد ما صوتى راح
وببص لقيتهم استخبو تحت السرير
رحت جايباهم واديتهم علقة وقعدت الم الى هببوة

هههههههههههههههههههه ضحكتينى والله يا هند ربنا يعينك عليهم انا مجربه شقاوة العيال دى بس فى ولاد خواتى بقى

وبعدين يا هند العيال ما شاء الله يعنى بيحبوا النظافه وبيساعدوكى المفروض تسقفيلهم هههههههههه
بس مهما كان الهدوم اسهل كتير من البويه دى يعنى هتطلعيها منهم ازاى ده غير التلفزيون والكنبه
ولا حتى الفلوماستر اللى على وش البيبى ههههههههههههههه كل ما ابص للصور اضحك

» ماذا تفعل؟؟؟؟؟؟
» القائمة السوداء لـ "منافقي مصر" ضد ثورة شباب 25 يناير ( كاملة ) بالاسماء و بالصور و ماذا فعل و ماذا قال كل منهم . المطالبة بحرق سماح انور في ميدان التحرير
» ماذا عن المعاكساااااااااااااااات ؟؟؟؟؟؟
» ماذا يحدث في مصر ؟
» .. ماذا تنتظر مصر؟