ماذا تفعل لو ؟؟؟

موقفنا الجاى موقف ممكن يحصل لاى شخص فينا والموقف بيقول:

لو صادفك انسان اعمى ابتلاه ربه بفقدان نعمة البصر
وارد ان تكون انت عيونة التى
ستصف له الدنيا
كيف ستصفها له وتجعلة يعيشها
كما تراها انت؟؟

لا المرادى الموقف محتاج تفكير عميق يا رنا scratch

00000

اذا _ لا قدر الله _ أصبحت عيون هذا الضرير، و سألنى يوما ما على الطبيعة، فسأحدثه عن لوحة فنية ربانية غاية فى الروعة و الجمال، لكنها ذات ألوان باهتة بعض الشىء و السبب فى ذلك عبث الانسان بها .
و لكى يعيش دون عناء من حماقات البشر، سأخبره بأن الانسان ليس سلوكه و أنه أفضل مخلوق عند الله عز وجل .
و أخيرا سأطلب منه ألا يأخذ تقييمى هذا على علته و أن يفكر فيه ببصيرته الواعية، فهو ليس بحاجة الى مطلقا .

هذا الموقف فوق العادة يا رنا، أحييكى عليه بشدة cheers

بيتهيقلي اني حوصفله كل حاجه زي ما هيه بالظبط ححاول اوصف كل حاجه بحيث انو يتخيل الشكل صحيح مش حوصف الحلو يس لا الوحش كمان بس ححاول يبقى وصفي فيه تساوي بين الوحش والحلو عشان ميبقاش الدنيا عنده ولا وردي اوي و ولا سوده اوي. ممكن كمان موصوفش حاجه الا اللي الشخص طالبه ..ده ممكن يسهل الموضوع شويه
الموقف صعب اوي يا رنا بس جامد..شكرااا يا رنا

سواء كان وحش أو حلو يا يمنى، هيكون دة من وجهة نظرك انتى، يعنى ممكن هو يشوف العكس و هيكون عنده أسبابه برضه و الا أيه ؟؟

صح يا دنيا ممكن نشوف الاشياءبمنظور مختلف بس فيه حاجات واضحه زي الشمس الحلو حلو و الوحش وحش "زي مثلا فوز مصر امبارح و روح المشجعين المصريين في الستاد و بره الاستاد دي حاجه الناس كلها شيفاها حلوه اوي اوي اوي Very Happy

"!!!!!
اما الحاجات اللي ممكن كل واحد يشوفها بوجة نظره فححاول على قد ما اقدر اوصفها كما هي و هوه يقرر لو حلوه او وحشه
انا عارفه الموضوع صعب اوي بس هنعمل ايه رنا هيه اللي حططنا في الموقف ده هههههههههههههههه Wink

هههههههههههههههههههههههههه صح أنا معاكى، رنا السبب

بس تعرفى ممكن حتى روح المشجعين المصريين بره و جوه الاستاد ناس تعتبرها هيافة، مش كدة ؟؟

لا بصراحه يا دنيا انا مش بشوفها هيافه خالص و اسمحيلي اقولك رأيي
انا سعات بحس ان شعبنا معندوش اي حاجه "خالص" ممن تفرحه اوي حتى تخليه يبتسم طول السنه اللهم ممكن في الاعياد.. قصدي عيد الفطر و عيد الاضحي و دول بتبقى الفرحه فيه ربانيه لكن الفرحه الماديه زي لبس العيد و اللحمه بتقتصر على بعض الطبقات فقط يعني بردو مش الشعب كله
لكن في الاحداث الرياضيه بالذات لو القيتي نظره تفقديه في مصر كلها حتلاقي ان الشعب كله متحد "بدون مبالغه" على حاجه واحده و الكل فيها بيفرح بتساوي _طبعا الموضوع لا يخلو من اختلاف مظاهر الفرح حسب الطبقه المعيشيه_ بس بردو الكل فرحان نفس الفرحه من اكبر كبير و اغنى غني لأصغر صغير و افقر فقير يعني الكل منطلق في الشوارع بكل سعاده و سرور في المناطق الراقيه و الشعبيه ايضا الكل يفرح بطريقته..
حتى في الاستاد برغم انو مقسم درجات باسعار مختلفه بس حتلاقي فيه نفس الهتاف و نفس الروح التشجيعيه و ده اكبر دليل اننا لما بنحب نتحد على حاجه ممكن نعملها بس محتاجين اللي يدينا فرصتنا
و بما اننا مش لاقين الفرصه دي الا في قرة القدم بس مع منتخبنا القومي ف دي الحاجه الوحيده اللي بنفرح جدااااا لما بتحصل عندنا و بنبقى محتاجين بجد نطلع كل مشاعرنا بانطلاق و نغسل همومنا في الصريخ و التهليل..ساعتها بمتبقاش هيافه
ايه رأيك؟

طبعا أنا معاكى 100% و ما أقصدش بقولى: فى ناس ممكن تعتبرها هيافة ان دة رأيى أنا كمان، لا اطلاقا .
أنا شايفة ان احنا فى حاجة الى مشروع قومى نلتف حوله و نتحد، بكدة هنتقدم، زى الكورة بالظبط، كلنا كنا صوت واحد، مسلم و مسيحى بيقول يا رب النصر لمصر و الفرحة كانت من القلب، تفتكرى ليه ؟؟ رغم انها حاجة بعيدة عن الأمور المادية تماما، يعنى مش بناخد منها جنيه واحد، بالرغم من الظروف المعيشية الصعبة لكثير منا، اشمعنى الكورة بالذات ؟

مبنبقاش منتظرين عائد مادي على قد ما بنكون مستانيين نكسب عشان نفرّغ الطاقه و الكبت اللي جوانا ساعتها مش بنفكر في الفلوس هندفع كام او حناخد كام لا بنبقى بنفكر حننطلق ازاي و حنقول ايه
اللي اهم من العائد المادي العائد النفسي يعني اليوم اللي بنكسب فيه و نهيص الكل بيرجع بيته مبسوط و سعيد و ناسي همومه اليوميه و ده بالنسبه للناس فايده كبيره جدا اهم من الفلوس لأنهم طلّعو اللي في نفسهم و شحنو طاقتهم لأيام و شهور و ربما سنين قادمه_حسب كل شخص_

معلش يا رنا فتحنا مجال حوار في موضوعك بس الحوار ممتع مع دنيا
لو متضايقه انا ممكن افتح موضوع جديد نتناقش فيه و تشاركينا الحوار بعيدا عن موضوعك الاساسي؟؟

معاكى جدا يا يمنى، و حاجة كمان، النصر فى كرة القدم بعيد تماما عن التزيف و التأليف على عكس ما اعتدنا فى بلدنا، يعنى هى الفرحة اللى بجد، تعيشيها لحظة بلحظة أمام عينك .

أنا سعيدة جدا بحوارى معاكى يا يمنى

صحححححح يا دنيا من اكتر الحاجات اللي بتخلي الواحد فرحان بجد و عايش اللحظه ان الماتش بيكون مباشر و الكل بيتفرج في نفس اللحظه و طبعا زي ما بتقولي بيبقى النتيجه عادله حسب الموفّق في الاداء و الاقوى!
انا كمان سعيده جدا بالحوار معاكي Smile

أشكرك يا يمنى و هذا تحديدا ما أقصده .

أنا أسفة يا رنا الحوار خدنى و بعدت عن الموضوع الرئيسى .

امنية احمد كتب:: اولا : الموضع حلو جدا يا رنا
ثانيا: انا فى الحالتين هيغم عليا من الفرحه

دنيا رؤوف كتب:: اذا _ لا قدر الله _ أصبحت عيون هذا الضرير، و سألنى يوما ما على الطبيعة، فسأحدثه عن لوحة فنية ربانية غاية فى الروعة و الجمال، لكنها ذات ألوان باهتة بعض الشىء و السبب فى ذلك عبث الانسان بها .
و لكى يعيش دون عناء من حماقات البشر، سأخبره بأن الانسان ليس سلوكه و أنه أفضل مخلوق عند الله عز وجل .
و أخيرا سأطلب منه ألا يأخذ تقييمى هذا على علته و أن يفكر فيه ببصيرته الواعية، فهو ليس بحاجة الى مطلقا .

هذا الموقف فوق العادة يا رنا، أحييكى عليه بشدة

Yomna G كتب:: بيتهيقلي اني حوصفله كل حاجه زي ما هيه بالظبط
ححاول اوصف كل حاجه بحيث انو يتخيل الشكل صحيح مش حوصف الحلو يس لا الوحش
كمان بس ححاول يبقى وصفي فيه تساوي بين الوحش والحلو عشان ميبقاش الدنيا
عنده ولا وردي اوي و ولا سوده اوي. ممكن كمان موصوفش حاجه الا اللي الشخص
طالبه ..ده ممكن يسهل الموضوع شويه
الموقف صعب اوي يا رنا بس جامد..شكرااا يا رنا

عجبنى جدا رأيكوا فعلا يا دنيا وصفنا مش هيكون قاعده لكن ده رأينا وهو ليه الحق انه يقتنع او لأ
صح برضه يا يمنى اننا نوصف كل حاجه سواء ايجابيه او سلبيه بس مش شرط نقوله ان كذا وكذا وحش مجرد الوصف هيحسه اذا كانت الشئ ده وحش ولا حلو
امنيه ممكن توضحى اكتر وتقوليلنا هتعملى ايه فى الموقف ده ...
شكرا يا يمنى ويا دنيا على المشاركه الرائعه وفى انتظار أراء باقى الاعضاء

سعيده جدا بالحوار اللى حصل بينكوا ومش متضايقه خالص بالعكس
الحو والوحش ده شئ نسبى لكن فى فعلا حاجات محدش بيختلف عليها زى مثلا منظر الناس فى طابور العيش اكيد المشهد ده مش مشهد مبهج ويفرح محدش هيشوفه كده على الاطلاق وكمان عدم النظام فى الشوراع والنظافه
بالنسبه للكوره فى فعلا ناس بتقول استفدنا ايه لما شجعنا الاحسن ان الناس دى تروح تعمل حاجه مفيده زى ما قالت دنيا مشروع قومى بس ياترى فين المشروع ده؟!
الناس بجد عايزه تفرح ومفيش حاجه بقت تفرح الشعب غير الكوره ومش غلط على فكره لاننا كل فتره محتاجين نصحى جوانا مشاعر كتير زى مثلا حب مصر عارفه ان ممكن حد يعترض لكن فى ضغوط الحياه ساعات ناس بتنسى الموضوع ده ويتتكون مشاعر سلبيه كتير وقت الماتش بقى الكل بينسى ده وبيمسك العلم ويشجع ويدعى
يعنى لما نوصف لشخض ضرير شكل الناس يوم الماتش الالاف جنب بعض ماسكين الاعلام وبيشجعوا واللى بيحصل لما يجى الجون اكيد هيحس ان ده حاجه جميله جدا
اسفه على الاطاله والتاخير فى الرد

شكرا يا رنا على رأيك الموضوعى

فى اطار الاستعداد لمباراة مصر والجزائر يوم الخميس هيكون موقفنا الجديد وهو كالتالى:

ماذا تفعل لو كانت لديك الفرصه للذهاب لتشجيع المنتخب؟ هل ستوافق وتعلن دعمك للمنتخب باى طريقه ؟ ام سيكون لديك حساسيات من المباره السابقه وتفضل التشجيع امام شاشة التليفزيون خوفا على سلامتك ولعدم ضمان وجود الاستعدات الكافيه لحماية الجمهور من اى شغب قد يحدث؟
واذا ذهبت بالفعل هل ستأخد اى نوع من الاحتياطات للدفاع عن نفسك فى حال حدوث شغب من الطرف الاخر ؟
وماذا سيكون موقفك من جماهير منتخب الجزائر وكيف ستتعامل معهم ؟

أهلا رنا
فيه سؤال كنتى سألتيه من زمااااااااااان عن وجود موقع عن العاشرة وفيه منى الشاذلى
إحساسك إيه
الإجابة
عادى جدا ، هنصح منى الشاذلى إنها تسجل عندنا فى منتدانا علشان منتدانا
هيبقى مكسب كبير ليها وكفاية تعرف إنى ما سمعتهاش ولا كنت بشوف برنامجها
قبل ما أسجل هنا ، ودى حقيقة لأنى عموما مش غاوى برامج يومية لحد ما شفت
أد إيه المنتدى دة كان واجهة مشرفة للبرنامج لحد ما بقيت من مدمنى البرنامج،،
......................
أما بخصوص الماتش
طبعا كنت هسافر وأتفرج على الماتش وأنا مدجج بالأسلحة
إيمانى بالله وبإسلامى وسوف أشجع منتخبنا بروح طيبة دون تعصب أو إستفزاز
ودون تحفز مسبق ،وكأن شيئا لم يكن ؛
ولكن إذا تعدى على أحد بلا سبب ولا جريرة
سوف أتعامل مع المعتدى كهدف ، بما تعلمته من فنون إلحاق الأذى بالآخرين ،
ولن يوقفنى إلا أن أقنعهم بأننى إذا غضبت فلا سبيل لإيقافى وأن هذا هو شعب مصر
سمحا مخالقتى إذا لم أظلم
وإذا ظلمت فإن ظلمى باسل
مر مذاقته كطعم العلقم
..........................
وأدعو الله ألا نصل لذلك
فشعب الجزائر شعب مسلم شقيق
بارك الله فيكى أختنا العزيزة رنا،
على هذاالزخم الضخم
من الجهد المثمر
تقبلى تحيتى وتقديرى

[size=18] فكرة ماذا تفعل تفعل لو ؟ فكره رائعه فى حد ذاتها والاروع منها طرح احداث يترتب على الاجابه بشأنها الاستفاده القصوى لجميع المشتركين بمعنى الا يكون التعليق بشأنها مجرد دردشه [/size]

زائر

الجميلة رنا تحياتى لشخصك
الواعى المثقف

أسلوب طرحك للسؤال جميل
ومثيريحمل بطياته معانى وأأحسيس مرهفة وثقيلة

فى أطارالأستعداد لمبارة مصر
والجزائرماذاسيكون موقفك

فى اطار الاستعداد لمباراة مصر والجزائر يوم الخميس هيكون موقفنا
الجديد وهو كالتالى:
ماذا tnتفعل لو كانت لديك الفرصه
للذهاب لتشجيع المنتخب؟ هل ستوافق وتعلن دعمك للمنتخب باى طريقه ؟ ام سيكون لديك حساسيات من
المباره السابقه وتفضل التشجيع امام شاشة التليفزيون خوفا على سلامتك ولعدم ضمان وجود
الاستعدات الكافيه لحماية الجمهور من اى شغب قد يحدث؟
واذا
ذهبت بالفعل هل ستأخد اى نوع من الاحتياطات للدفاع عن نفسك فى حال حدوث شغب من
الطرف الاخر ؟
وماذا
سيكون موقفك من جماهير منتخب الجزائر وكيف ستتعامل معهم ؟

بصراحة وضعتينى بمأذق كبيروحيرتى
الكبرى جاءت بعدقرائتى تصرف الحاج/طلعت فالحاج طلعت يتمتع بعقلية حكيمة أعطانى
توجيهات فى تعليقه

بموضوع أعادة هيكلة الأدارة
لقرارغلق المواضيع تدل على حكمته البالغة

ودائما مايحثنى لتهدئة أعصابى
وعلى رغم ذلك رأيته يرهقنى كزلزال بداخلى

عندما قرأت سطوره التى تعلن عن
وحش يكشرأنيابه للمعتدى ووصفه له كهدف ويصف مقدارظلمه فى أخذحقه وهذة هى سمات أتقى
شرالحليم أذاغضب فمابالنا بشخص نرفزكحالتى أذاكان من يهدئنى أعلن عن ثورته

فى حالة تعدى الأخرين فما بالنا
بكافة الأوساط التى تتواجدمن الشعبين فى ظل حكومة الجزائروشقيق رئيس دولتهم

ولكى أتخيل معكى يارنا بلاش لو
عشان لو من عمل الشيطان أن هكون هناك

سأجلس بجانب المعلق وأمسك
بالمايك وأخاطب مشجعى مصروالجزائروكذا

كلاالفريقين وافسدفرحة من
دبرويدبرللأيقاع بيننا كشعوب بسسب أخطاء الحكومات سأبلغهم بمثال بسيط لورأى أحدهم
شقيقان من أب وأم واحدة يتشاجران بسبب ميراث أوشئ من هذا القبيل ماذاسيكون حكمكم
عليهما

وهاأنتم تلك الأخوات تتشاجرن من
أجل كرة مستديرة قلبة يوم لك ويوم عليك

سأوضح لهما ولمن ينفق هذة
الأموال لدعم هذة الفرق والأندية هناك مجالات وأحتياجات أولالمصر وشعبها من أهتمام
بكرة القدم سأوضح لهم بأنهم يتسارعون من أجل الكرة لتلعب بنا أسرائيل وأعوانهم من
عملاء أجندتهم القذرة بمختلف الدول والأوساط سأعلن لهم كيف علمنا رسولنا الكريم مبدأ

الأخاءوأنصرأخاك
ظالماأومظلومآوهوبكفه عن ظلمه سأطلب من كلى الفريقين ومشجعيهم قرأة الفاتحة على
المليون شهيدوشهداءمصروالعرب

سأطالبهم بغناء نشيدهم
ونشيددولتنا مصرالغالية لنبدل فرحة التخطيط ومن يخطط لتفتيتنا بنكبة عندما يرى
تلاحمنا وأستعراض قوتنا نحن العرب

ليعلم كلى عربى مسيحى قبل
المسلم أن أبادة اليهودمقترنة بوحدتنا وصلابتنا

لابتفتيتنا وتمزق أوصال محبتنا
وعروبتنا

القوى كما قال رسولنا الكريم
صلوات ربى وسلامه عليه وصحبيه وأله

من يملك نفسه عندالغضب الشرسهل
ويدعم خطواته الشيطان من السهل أن أكسب كره وأحتقارالناس لكن من الصعب أن أكسب
حبهم وأحترامهم وربنا

يسترلوفى 50مشجع هتخدهم الحماسة
ويتذكرفريق من مصرأهانات الجزائرلناوفريق منهم يتذكرأهانتنا لهم يبقى ستحدث مجذرة
وهذا ما تخطط

له أسرائيل وأعوانهم مسلم وقبطى
بالداخل ومصرى وجزائرى بالخارج وطارة مع حماس وتقريبآلسة باقى خريطة الوطن العربى
فوقوالأبدوكما قلتها

لأستاذ/وائل من قبل لابدمن جعل
المبارة بدون جمهوراللهم مابلغت اللهم أشهد

أما بخصوص أن موقعنا أن يكون
رسمى وبدعم من البرنامج وليصبح الحلم حقيقة فعندى الحل والوسيلة لوأرادت الأدارة
وأعضائكم ذلك فأنا تحت أمركم

وربنا يسترحاج طلعت أناأبتديت
أخاف منك وتقولى أنا أللى بتاع مشاكل فتشنى فتش

رنا اشكرك علي الموضوع ومع التنبيه بعدم الوقوع في حديث حادثة ام درمان اثناء الحوار
تحياتي

زائر

أستاذة /رنا تحياتى لشخصك الرقيق
معلش أنا ضيف ثقيل أصل ألأدارة قفلت موضوعى كونها الأدارة الحاكمة فأسمحى لى لأضع تعليقى المرتبط بما طرحتيه برقى وتحضروأدرك للمسؤلية ولنرى مخاوفى تتحقق وربنا يستر
فينك ياأستاذة/منى تحياتى لشخصك المحترم وأمثاليك من الأعلامين الأشراف
شاهدت أ/عمروأديب يحذرمن حدوث كارثة غدآويشهد العامة من موقف الأعلام
المصرى بأنه لم يرد على أعلام الجزائرحتى الأن معلنآبأن أعلام الجزائر
يكتب بنفس طريقته فى أشعال الناركماسبق أستر يارب

ورغم ماشاهدته فى حاقة الرائعة بأستضافتك لنقيب الفنانين المحترم أشرف ذكى وأ/بشيرومؤيدالحكومة ؟ومناقشتك لحرية الفنانين ليتحدثوا بلهجة سياسية من عدمه وأعرف أنه موضوع أين أنتى من ما يحدث على الصعيد الكروى

» ماذا تفعل؟؟؟؟؟؟
» القائمة السوداء لـ "منافقي مصر" ضد ثورة شباب 25 يناير ( كاملة ) بالاسماء و بالصور و ماذا فعل و ماذا قال كل منهم . المطالبة بحرق سماح انور في ميدان التحرير
» ماذا عن المعاكساااااااااااااااات ؟؟؟؟؟؟
» ماذا يحدث في مصر ؟
» .. ماذا تنتظر مصر؟